HOSEA 10:2 - SHEEYU BAIBEL (BSI)

² Puletao vei lüthou haio da-a baie; Chuo puletao nou mah souyu thaifüa vealaire. Mapao nou puletao vei rathoyu ki taosü soushi wulai, alia puletao vei rathoyu buh sü souhawulai.

HOSEA 10:2 Iomraidhean Croise

1 VEMAITO 18:21

Elijah nou maisou hi takouloua nou paoe, “Teile kasho neletao nou tsüle ahai soua bukou laige? Mapao hai Ramai-e toulouzü puhye tholo; ana Baal nou Ramai baie toulouzü puhye tholo.” Ana maisou sünou chi lia raomore.

TAPALOUYU 23:24

Neletao hai puletao nou tho-a buyu ramai khesü tholai moe, alia puletao nou ta-a buyu zhai khesü talai moe. Puletao nou tho-a buyu rah khesü souhawo alia puletao nou sheeyu buh-e tea chuh shukhai touyu khesü daphe laiwuo.

TSÜCHITAO 11:18

Mai shiyu mai sü shodo ashi sünou buu soua ngao-a bailai, ana acheche hinou vuthou khaitouyu mai nasü veikhaimo-a buu aveih ngaolai.

ISAIAH 44:18

Haibüyu maitao hai voleyu donou puletao daie souwe touyu sü sülou more. Daiolouzü puletao vei nghithou sü souhore ae puletao vei tsüle sü soumewure. Südonou puletao nou ngaolou more ae puletao nou sükulou more.

JEREMIAH 43:13

Puhnou Ejipt teidei hi Heliopolis nuhdu hinou veisho-a shukhai touyu chuh khesü soushi peilai ae Ejipt maivei rathoki khesü meidei laiwulai.”

EZEKIEL 14:5

Bashara sütao nou Israel maiye sü ahi nou sapoa savai nou tare, ana avei chila peiyu sünou puletaoye ahi sapoa dakhai velou shulai tea avei areih hai bue.

HOSEA 12:11

Gilead hinou soumah louzü, puletao hai veikhai mosoua hata bailai; puletao nou Gilgal hinou chode ye posheela louzü, puletao vei rathoki sü dousha khaitouyu hi chuh pojü khaituyu büa dopa laiwu bailai.”

HOSEA 13:16

Samaria mainou Ramai ye ngaopi moa duyu vanou puletaoye sü tudee souwulai, puletaoye sü pa khoche mü hinou kaokhai touwulai, puletao nahmaiye sü daode sawulai, alia poupfüa buyu naotu maitaoye sü panou chaoyu buh halai.”

HOSEA 3:4

Sübüa Israel mainou teile taoli vemai ha-a hrülai, alia rahzhu souloua posheelayu alia chuh shulahloua thoyu sü soulai moe, alia pou-vah soulai moe.

HOSEA 7:8

Israel mainou tyahrü kukhe maiye koa do zholoure; puletao hai podamoyu raokhao ali büre.

LEVIMAI LARÜBVÜ 26:30

Neletao nou deichitao hinou soukhai touyu rathobuh khesü Enou soushiwulai, neletao vei poukai nüvei meidei-a posheelabu khesü Enou dakho laiwulai, ae neletao vei thaiphao khesü panou kaodua buyu neletao vei basharatao pei hi laikhai peilai. Enou neletaoye ngaorayu hinou

MIKAH 5:13

Enou neletao vei bashara ae chuh shokhai touyu khesü soushilai; neletaoye panou neletao lah soukhai touyu na khesü thopulai moe.

ZEPHANIAH 1:5

Kipei hinou taopa khouh teinghi, alia vuhtao ye thoyu mai hrülai Enou souha khailai. Eye tholai teanou paokhaitou-a Milkom zhih hinou chaachou souyu mai hrülaiye sü Enou souhalai.

ZEKHARIAH 13:2

Süzhou teithe Enou teidei sühi bashara zhih nasü souhawulai, sübüa mai ali koute-a panou puh zhih sü lichopu laimoe. Enou teidei sühisü rachi paolayu mai alia sheemoyu rako khesü polaiwulai.

MATHIU 6:24

“Mailinoua paopu ahaivei qila soulouhoe; daiolouzü puhnou aliye ngaoralai ea kukhe aliye leshilai; moa puhnou alichi zülai ea kukhe alinaye ngaophou laimoe. Neletao nou Ramai ea pousha ahai vei kuvah soulouhoe.

LUK NOU RÜYU KO AVEIBVÜ 16:13

“Kilai talinoua paopu ahaivei kuvah soulou hoe; daiolouzü puhnou aliye ngaoraloua kukhe aliye leshilai, moa puhnou aliye tsükhouloua kukhe aliye ngaophou laimoe. Neletao nou Ramai ea deiphao kini ahaivei kuvah soulouhoe.”

JEMS 1:8

Mapaowo hinou hatali ngaoshu laihie tea chokhaiwu laimoe.

JEMS 4:4

Cheche moyu maikhe maitao! Deiphaoye samai souyu hai Ramaiye ngaobayuna baie touyu sü neletao nou sümowu? Deiphaoye samai sounüyu maitalisü puh lahnou Ramai vei ngaobamai soulouwe.

1 JOHAN 2:15

Deiphaoye moa deiphao hi buyu nataoye leshiso. Maitalinou deiphaoye leshi louzü, Puoye leshiyu nasü puh hi hae.

1 SAMUEL 5:4

Süthainesho shona-a puletao nou Dagon rah zhurai nasü Mapao vei Vo Sübvü nghoujü hi kaokou deihro khaitoua ngaoloua baire, ae Dagon rah zhurai nasü pei ae bah ahai khinou vakou deidepa khaiwure, pfüphao likhei buh hi bua baire.