HOSEA 10:1 - SHEEYU BAIBEL (BSI)

¹ Israel mai haio shivei shoyu darkhabe ali büe. Puletao nou thou shipou pakhaie bashara ye thoyu buh sü soupou paloua baire; puletao vei teidei veipu pakhaie rah kukhe ye thoyu ki sü souvei pua baire.

HOSEA 10:1 Iomraidhean Croise

1 VEMAITO 14:23

Daiolouzü puletao nou cheche moyu rahye thore buh sü souloure, ae deichi alia süübe phi veishi hinou Asherah vei zhurai ae chuh sholoua thotare.

JEREMIAH 11:13

Oh Judah hi maitaore, neletao vei rahtao hai neletao vei nuh buyu zhou bure, ae neletao nou ngaorayu Baal rahye posheela-a thore posheelabu hai Jerusalem hi ludu zhou-a bure.

JEREMIAH 11:17

“Akukulai Mapao Enou Israel ae Judah sü shothou peie; ana chuo Enou puletao pei hi hashi pove peilai. Veahoyu sü lah puletao hi pfüveloua baie, daiolouzü puletao nou kaomoyu vah sü soupfüre; Baal rahye poukai nüveiyu meidei-a posheela peiyu donou alekha sü soupawure.”

JEREMIAH 2:28

“Ana neletao nou lah soulouyu rah taosü daiki vetare? Neletao nou veahoyu phaki, puletao nou soulousüe toulouzü, puletaoye panou tashu loua neletaoye khailupa peio, daiolouzü Oh Judah, neletao vei nuhdu buyu jünou poua rah khesü bumowu?

HOSEA 12:11

Gilead hinou soumah louzü, puletao hai veikhai mosoua hata bailai; puletao nou Gilgal hinou chode ye posheela louzü, puletao vei rathoki sü dousha khaitouyu hi chuh pojü khaituyu büa dopa laiwu bailai.”

HOSEA 12:8

Israel mainou paoe, ‘Ewo hanghiwe, Enou chingi sü pojü loure. Do-ashi hinou Enou toungi louyu haio mai linoua Eye mah paodu khaipei louhoe.’

HOSEA 13:15

Israel mainou kheipaoyu büa veishoa paopa buyuma, souhshoyu teikhai ye panou teinghi palo vanou hüve puhmai vei dzühou sü southe bailai, alia puletao vei dzüla khesü theta bailai, alia muteiyu na teitei hai puletao hinou poa tawulai.

HOSEA 13:2

Chukoutea puletao nou mah sü soupu khaikhaia bure, puletao nou lahye donou soukhai touyu razhu sü puletao vei tsüdo na thaifüa shahu nou bashara souloua baie, sütao teitei hai shara souyu mainou souloua sünaye thowe. Puletao nou “Haina hi poa sheela peio” tea paoe. Maikhe maitao nou chotoutu zhu hinou soukhai touyu basharaye sü mü nou mua thowe.

HOSEA 13:6

Ana neletao nou teidei aveih hi loulou khaie, tousü-sosü ngaoloukhaie, neletao nou khaosouloua Eye ngaiwure.

HOSEA 2:10

Chuo Enou puh leshi maitao nghoujü hinou puhye hrao soupeilai, alia puhye sü mai linoua abah hinou vupa louhoe.

HOSEA 2:8

Enou puhye sü thou-dzü, zhaoh alia theadzü peiwe touyu hai honapai nou sümoe, alia puletao nou Baal ye poa sheelayu hu alia sanatao hai daichi nou vewe touyu sülou moe.

HOSEA 3:4

Sübüa Israel mainou teile taoli vemai ha-a hrülai, alia rahzhu souloua posheelayu alia chuh shulahloua thoyu sü soulai moe, alia pou-vah soulai moe.

HOSEA 4:7

“Puletao nou mai poupakhaie, mah sü soupou pa-a baire; Enou puletao vei zhihvei zhihdu nasü hraongu hi soudathou peiwulai.

HOSEA 8:11

“Israel mainou mah sousheere donou posheelayu chukho sü soupu pakhaie, puletao nou mah soupu loure buh sü poupa-a baire.

HOSEA 8:4

“Puletao nou Ahi noumoa vemaiye doloua baiwe, alia puletao nou Avei tsü loukhai moa peikho-apeimai ye dolou baiwe. Puletao nou shahu alia sana nou lah puletao ye soushi loure bashara taosü souloua baire.

LEVIMAI LARÜBVÜ 26:1

Mapao nou paoe, “Neletao nou bashara moa zhurai souloua, moyuma chuh sholaloua tholai moe. E hai neletao vei Ramai Mapao-e.

NAHUM 2:2

(Ngaoba mainou puletaoye soushiyu ae darkhabo khesü souha laipei-a buyuma, chuo Israel maivei khouko büa Jakob vei khouko sü Mapao nou peida khailai.)

2 KORINTHMAI 5:16

Südonou chushonou Ehnou maitaliye emai zhai thaifüa chikukhai more. Teile alihi Ehnou Khristaye emai zhai thaifüa chikukhaia, chuo Ehnou puhye sübüa chikukhai more.

PHILIPPIMAI 2:21

Mai hrülaihai Jisu Khrista donou moa lah lah vah donou lenoua bubaie.