HOSEA 1:4 - SHEEYU BAIBEL (BSI)

⁴ Alia Mapao nou puh hi paoe, “Puh zhih hai Jezreel tea salo, daiolouzü phajütou thaisü Jezreel zhe kükouyu donou Enou Jehu kikhamai hi veayu peilai, alia Enou Israel maivei vedeisü panou khai souwulai.

HOSEA 1:4 Iomraidhean Croise

2 VEMAITO 10:1

Veo Ahab vei tounah hai Samaria hinou mai rainai hrüa nou bue. Südonou Jehu nou Samaria nuhdu hinou peikho maitao, tsümaitao, ae Ahab vei nahmaitaoye khoyu maitao hi haibüa seiko ali hai rüloua seipeie,

2 VEMAITO 10:17

Puhai nou Samaria hi velouyu phaki, Jehu nou Ahab vei kityarai mai hrülai hai southakhai toure. Haisü Mapao nou Elijah hi haibüa vepalai tea paopei khaitoue.

2 VEMAITO 15:29

Pekah nou Israel mai hi veo soua buyu teile hinou Assaria hi veo Tiglath Pileser nou Ijon nuhdu, Abel Beth, Maakah, Janoah, Kadesh ae Hazor nuhdu, alia Gilead maivei nuh teideitao, Galilee ae Naphtali nuh teideitao hai poloure alia maikhe maiye hukhamai soua Assaria hi nüpoa tare.

2 VEMAITO 15:8

Veo Uzziah nou Judah hi veo souyu po shiacha kou hai Jeroboam II vei nahpoutu Zekhariah nou Israel mai hi vekou loue, ae puhnou Samaria hinou khouh arou hai veo soua bue.

ISAIAH 7:14

Südonou Mapao nou neletao hi shee ali peilai, süolouzü loumainah ali nou nah hrüloua nahpoutu ali naloulai, ae puh zhih sü Immanuel tea salai.

ISAIAH 8:3

Phazütou thaisü akhapfü nou nahpoutu ali naloue. Mapao nou nahtai na zhih sü ‘Ma-her-shal-al-has-baz’ tea salo teanou paopeie.

ISAIAH 9:6

Daiolouzü Etao hi nahtou ali napeie; Nahpoutu ali Etaoye peie! Ae puhnou Etao pei khopu soulai. Puh zhih sü “Khupa shoyu Soukha-apeio,” “Khoukhoulai Ramai,” “Teisa ahri Puo,” “Kaonayu Veo nahpoutu” tea kulai.

JEREMIAH 20:3

Thainesho shona, Pashhur nou Eye phukhai touyu hinou phapeiyu thaisü, Enou puh hi paoe, “Mapao nou ne zhih hai Pashhur tea sapei moe, ana ‘Buh teitei hi Pirayuna’ tea sapei khaitoue.

JEREMIAH 23:2

Südonou Israel maivei Ramai Mapao nou puhvei maitaoye kikopeia zhupeire peikho maitao hi haibüa paoe, “Neletao nou avei maitaoye kaozü soua zhupei more; neletao nou puletaoye sü sourarou laiwure, ae puletaoye hulaiwure. Chuo neletao nou vah ashi soukhai touyu vanou Enou neletaoye tudee laire.

JEREMIAH 3:8

Louchelou hoyu Israel nou vah ashi souyu teiteisü Judah-a ngaokhai toure, ae Enou tunaoyu vei larü peiwu-a Israel ye sü hutawure. Anou louchelou hoyu Israel vei tupai Judah nou ngaopi more. Honapai-a khakha-a chaozüyu vah ashi sü soutare,

EZEKIEL 23:10

Puletao nou honapaiye sü sabanü phakhai touloua baitou tea khaipeie, puhvei nah poutu ae nahnaotu maitaoye sü nüloure, alia honapaiye sü khoche nou daothawure. Honapai vei ko hai buliki nou hrüyu naotumaitao nou kupoa nou bue.

EZEKIEL 23:31

Ne jüraipai nou tayu ludu nasü nenou thaifüa tare, südonou Enou honapaiye panou tudee peiyu chapai hinou ne-a panou kelai”

HOSEA 1:6

Honapai nou poupfü puloue alia nahnaotu ali naloue. Süthaisü Mapao nou puh hi paoe, “Puh zhih sü Loruhamah tea salo, daiolouzü Enou Israel maiye zhuveayu moa khaipeiyu bupulai moe.

HOSEA 1:9

Süthaisü Mapao nou paoe, “Puh zhih sü Lo-ammi tea salo, daiolouzü neletao hai Amai more alia E-a neletao vei Ramai more.”

HOSEA 2:13

Puhnou kainüvei nou dei poa Baal ye posheelayu donou, alia mutei noubo ae touhnou tupfüa/maipoa puh leshi mai thaifü taloua Eye ngaiyu vanou, Enou puhye sü tudee souwulai tea Mapao nou paore.

HOSEA 2:22

alia deiphao nou thou, zhaoh alia theadzü hi chila peilai, alia sütaonou Jezreel hi chila peilai;

HOSEA 9:17

Daisounou touyuo, puletao nou Ramai chi zübare; puletaoye sü pa tyahrü kukhe mai hrohinou raroua tayu mai souwulai.

AMOS 9:8

Ramai Mapao Enou, anghithou sü mah soua buyu Israel maivei teidei nasü zhua bue. Deiphao hinou Enou teidei haina sü souhawulai. Ana Jakob kihikha maiwo louzü Enou teitei nou souhakhai toulai moe.

MATHIU 1:21

Puhnou nahpoutu ali nalai ea nenou puh zhih sü Jisu tea salai— daiolouzü puhnou puh maitaoye mah hinou khailupa peilai.”

LUK NOU RÜYU KO AVEIBVÜ 1:13

Ana rakivamai sünanou puh hi paoe, “Pikhaiso, Zekharia, daiolouzü nevei veachi sü noupeire, alia ne chapfü Elizabeth nou nahpoutumai ali hrülai, alia nenou puh zhih sü Johan tea salai.

LUK NOU RÜYU KO AVEIBVÜ 1:31

Alia zhukhaio, ne sü poupfüloua nahpoutu ali hrülai, alia nenou puh zhihsü Jisu tea salai.

LUK NOU RÜYU KO AVEIBVÜ 1:63

Puhnou chuhkhaoli kholoua, “Puh zhih sü Johan toue,” tea rüloure. Alia puletao hrülaisü khupasho loure!

JOHAN 1:42

Süthaisü puhnou Simon ye Jisu hi save. Jisu nou puhye zhuloua paoe, “Newo Johan nahpoutu Simon-e, ana neye Kephas tea kulai.” (Haihai Pitar touyu kheihaoe, süvei konou “Chuh” toue.)

JOSHUA 19:18

Puletao vei soua ngaolouyu teidei taohai - Jezreel, Kesuloth, Shunem,