HOSEA 1:11 - SHEEYU BAIBEL (BSI)

¹¹ Judah mai alia Israel maitao hai pove jüloulai, alia puletao vei peikhomai ali puletao nou dopa loulai, alia puletao nou teidei hi natao hai poloulai, daiolouzü Jezreel vei teithe nasü dusolai.

HOSEA 1:11 Iomraidhean Croise

LOUTAO 110:3

Nenou nevei ngaobayu maitaoye reih souyu teithe zhousü nevei maitao hai puletao lah nou tave neye soukha peilai. Shona vidzü kouyu büa nevei nahle maitao nou nenou buyu sheeyu deichi hisü veloulai.

JEREMIAH 30:21

Puletaoye khasa-a hrülai mai hai lah puletao vei tyahrü hinou bailai, puletao vei veo nahpoutu sü lah puletao vei mai hinou palai. Enou puhye ahi soungheikou peilai, ae puhnou ahi takoulai, daiolouzü thaonou ahi Enou kumoa takou nghilou laige? Puletao nou avei mai soulai, ae Enou puletao vei Ramai soulai. Haisü Mapao Enou paowe.”

JEREMIAH 30:3

daiolouzü Enou Israel ae Judah, avei maitaoye panou savare teile pove peire sü velaire. Enou puletao vei puopaoh hi peikhai touyu teidei hisü Enou puletaoye sa-a dakhaive peilai, ae puletao nou haisü teisa vei soure donou kathao loulai. Haisü Mapao Enou paowe.”

JEREMIAH 30:7

Ngaopi shoyu teithe sü velaire; teithe kukhe ali-a hai nasü paonada louhoe— haizhou sü avei maitao nou veaho sholai, ana puletao nou hriloulai.”

JEREMIAH 31:33

Enou Israel maiye koa vo ashu soure nasü haibülai: Enou avei chikha nasü puletao vei tsüle hi thoupeilai ae puletao vei lüthou pei hi rüthoukhai peilai. Enou puletao vei Ramai soulai, ae puletao nou avei mai soulai.

JEREMIAH 32:37

Avei lekha rarou hinou soupho rarou laikhai touyu teideitao hinou Enou avei maitaoye sü sapoa ve jüpeilai, ae Enou puletaoye sü buh hai hi sa-a dakhaive peilai alia puletaoye panou kaozhou vei-a hrüloulai.

JEREMIAH 50:19

Enou Israel maitaoye sü lah puletao vei teidei hi sa-a dakhaive peilai. Puletao nou Karmel Deichi hinou ae Bashan teidei hinou payu touso khesü toulai, ae puletao nou Ephraim ae Gilead teidei hinou payu touso, puletao nou tounüa buyu veishi sü toulai.

EZEKIEL 39:25

Ramai Mapao nou paoe, “Ana chuo Enou Jakob vei tyaosholea maitao, Israel maitaoye sü zhuvea leshi peilai, ae puletaoye sü sousavapu peilai. Enou avei sheeyu zhih nasü vupeilai.

HOSEA 2:1

“Neletao hai amaie” alia “Neletaoye sü zhuvea peiwure,” tea ne thaihou-jürai maitao alia ne tu maitao hi paopeio.

HOSEA 3:5

Süthaisü Israel mainou Ramai Mapao ye sü phoupoa dakhai velai, alia puletao nou David veoye phoulai; haithaiwo puletao nou Mapao ye pia hrülai alia puh hinou haveih ngaoa hrüyu soulai.

ROMMAI 11:15

Daiolouzü puletaoye laiyu kisü, deiphaomaiye sü Ramai ngaobamai soua buyu hinou puhvei samai panou souloure. Sükuyu thaisü puletaoye popeiyu kisü kaku khailai? Süsü thaimaiye donou hriyu sünabaie!