HOSEA 1:10 - SHEEYU BAIBEL (BSI)

¹⁰ Ana Israel maitao hai teithe li zai hi vünai bülai, süzhou mai linoua puletao ye duloulai moe, mokhaia puletao hrüh chosha louho soulai; “Neletao hai Amai moe” tea paoyu thaosü, “Hriyu Ramai nah khemai” tea Enou puletao ye paolai.

HOSEA 1:10 Iomraidhean Croise

SHURAI 13:16

Nevei tyaonah taosü panou vonai zhoua hrülai, maita linou vonai hai cholousüe toulouzü nevei tyaonah maitao haia cholousüe.

SHURAI 22:17

süolouzü Enou neye shiha peivu zülai, ne tyaonah khesü panou teivuh zhoulai alia zai pehi vonai büa panou tya kaalai. Nevei tyaonah taoye panou ngaobamai jünou koloulai.

SHURAI 32:12

Ana nenou paoe, ‘Enou ne hi havei soupeilai alia nevei tyaonah khesü panou chosha louhoyu rei hi venai zhoua peilai tea nenou apaopei khaitouyu nasü zhuvea-a licho peio.’ ”

2 SAMUEL 7:24

Israel maiye sü teisa lah nevei mai soupeie alia nenou teisa puletao Ramai sü soupeie.

ISAIAH 43:6

Enou teibekou hisü, ‘Puletaoye phapeio’ tea paopeilai, ae teizükou hi ‘Puletaoye nükhaiso, phapeio’ tea paopeilai. Adou kounou hrüa buyu avei maitao ae deiphao akhai hinou buyu khesü panou ki hi dakhai veloulai.

ISAIAH 48:19

Neletao vei tyaonah khesü zai hi vünai zhoua poulai, puletaoye sü souhakhai toulai moe, moa anghoujü nou puletaoye sü soushi laimoe.”

ISAIAH 63:16

Daiolouzü ne sü Etao puo-e. Etao poupaoh Abraham ae Jakob sü Etao nou ngaomoe, ana Mapaowo, ne louzü Etao vei puo-e, Etaoye tobai soumoa khailupa peiyu nasü ne baie.

ISAIAH 64:8

Sübüyuma, Oh Mapaowo, nenou Etao vei puo sü baie, Etao louzü konai baie, ne sü nailee souyu nasüe. Etaoye sü nenou soupeia baie.

ISAIAH 65:1

Mapao nou paoe, “Enou avei maitao vei veachi sü kei peilai tea bue, anou puletao nou veachi paomoe. Enou puletao hi ngaopeilai tea bue, ana puletao nou Eye phoumoe. ‘E hai hi bue; Enou neletaoye soukha peilai’ tea pao-a buyuma tyahrü nasünou ahi veachi paomoe.

ISAIAH 66:20

Süthaisü Israel mainou thoudzü vei posheelayu nasü sheeyu bvü hinou Mapao vei ki hi pove peiyu büa tyahrütao hinou neletao vei thaihou-jürai mai hrülaiye sü Mapao hi posheela peiyu ali soua rhei phaonou, rheiliki hinou, rheisüh phao hinou ae racho phao hinou pfüa avei sheeyu deichi Jerusalem hisü veloulai.

JEREMIAH 33:22

Enou avei kilai David vei toudzü ae Levi khü hinou napao maitao sü soupoupa peilai, sübüa puletaoye sü panou teivuh büa ae zaipe hinou vonai büa cholou holai.”

DANIEL 6:26

Enou kharochi haina sü peiwe, süolouzü avei vedei hi hrüyu mai hrülai nou “Daniel nou thoyu Ramai ye sü ngaopia tsükhoulai. Daiolouzü puh hai hriyu Ramai nasüe, Puhnou teisa khasa-a hrülai; Puhvei vedei sü akhai bulai moe, alia puhnou khosa-a hrüre hai akhai bulai moe.

HOSEA 1:9

Süthaisü Mapao nou paoe, “Puh zhih sü Lo-ammi tea salo, daiolouzü neletao hai Amai more alia E-a neletao vei Ramai more.”

HOSEA 2:23

alia Enou puhye A deihie vukhai peilai. Enou raiki zhuvea moyu taoye zhuvea peilai, alia Enou Amaimotao hisü paolai, ‘Neletao hai A maiye,’ alia puletao nou ‘Ne hai Avei Ramai-e,’ tea paolai.”

JOHAN 1:12

ana puhye polouyu mai hrülai hisü, süolouzü puh zhih hinou louche louyu maitaoye, puhnou Ramainah panou souloure khouko sü peire.

ROMMAI 8:19

Soukhai touyu basha teiteinou Ramai hinou zhishopoa puhnah poutu maitaoye ngaopeire sü khoa bue.

2 KORINTHMAI 6:18

Esü neletao Puo soulai, alia neletaosü Anahpoutu mai ea Anah naotumaitao soulai tea khoukhoulai Mapaowo nou paoe.”

EBRIAMAI 11:12

Südonou thaimai kheihao baiyu mai ali vanou rateihi teivuh zhou ea choshalou hoyu zaipehi vünaizhou taonah hrükouloue.