HAGGAI 2:4 - SHEEYU BAIBEL (BSI)

⁴ Ana chuo chathaiwuso, Oh Zerubbabel; napao peichana, Jehozadak nahpoutu Joshua, ne khuveilo; teidei sühi hrüa buyu mai hrülai khuveilo, teanou Mapao nou paoe; vah soukhaio, daiolouzü Enou neletaoye salai peilai,

HAGGAI 2:4 Iomraidhean Croise

2 SAMUEL 5:10

Khouko buyu Ramai nou puh ye zho hrüpeiyu vanou teithetsü shu dulailai pade.

1 PUOPAOKO 22:13

Mapao nou Israel maiye donou Moses hi peikhai touyu chikhatao sü nenou zütoua hrülouzü ne kaozhou vei-a ae dusho palai, südonou leikheilo ae khuveilo, hataralia neye panou soupiso.

1 PUOPAOKO 28:20

David veo nou puh nahpoutu Solomon hi paoe, “Khuveilo ae khouchilo. Vah sü soutakhaio, hataralia neye panou daichaoso. Ngaopiso moyuma chathai taso, daiolouzü Ramai Mapao, avei Ramai nou neye sü salai peilai. Nenou puhvei Rathoki nasü souche loumo koute puhnou neye thaokhai toulai moe.

EZRA 10:18

Mai haitao hai vakou maipfü nayu maitao-e: Jozadak nahpoutu Jeshua vei tyaonah tao ae puh thaihou-jürai maitao hinou: Maaseiah, Eliezer, Jarib ae Gedaliah.

EZRA 5:2

Süthaisü Shealtiel nahpoutu Zerubbabel ae Jehozadak nahpoutu Joshua nou Jerusalem hi Mapao vei Rathoki nasü soutare; alia puhaiye rachi paolayu maitao nou soukha peie.

TAPALOUYU 3:12

Ramai nou Moses hi chila peie, “Enou neye salai peilai, alia nenou Israel maiye Ejipt hinou sapa louyu phaki, deichi hai hinou tave nenou Eye tholai. Hai nasü Enou neye seitawe touyu shee ali soulai.”

HAGGAI 1:13

Süthai Mapao vei chipao paolawo Haggai nou puhmaitao hi Mapao vei chipao sü haibüa paopeie, “E-a neletaoye koa bue”, teanou Mapao nou paoe.

ZEKHARIAH 4:6

Rakivamai nanou ahi paoe, “Mapao vei chipao haitao hai Zerubbabel ye donoue: Nevei pfüchi alia khouko vanou veilou laimoe, ana Avei Rako vanou veilou bailai.

ZEKHARIAH 8:9

“Neletao khuveilo! Raichoki rachi paolayu maitao nou Mapao vei Rathoki beikhei soushupu tayu phaki paoyu chipao taosü neletao nou chua kei-a bubaie.

MARK 16:20

Alia rozümaitao nou taloua buh likinou ko paodou tare, alia Mapaowo nou puletaoye koa vahsoue ea puletao nou souyu sheetao nou puletao vei paodouyu hai cheche-e touyu hai lapeie.]

SEI-ATAMAI VAHTAO 7:9

“Alia puo-pao maitao nou Josef ye ngaorailoua puhye sü Ejipt teidei hi zhothoure; ana Ramai nou puhye kozhoa bue,

1 KORINTHMAI 16:13

Leikeilo, lü hinou latoulo, khu veilo ea khou-chilo.

EPHESAMAI 6:10

Akhai hinou, Athaihou jürai maitao, Mapaowo hinou ea puhvei achana khouko hinou khoua bulo.

PAODAKHAIYU CHIKHA 31:23

Süthaisü Mapao nou Nun nahpoutu Joshua hi haibüa paoe, “Khuveilo alia le latsü toulo, daiolouzü mai haitaoye sü Enou peilai tea chaachou soukhai touyu füdei hisü nenou sa-a loulai. Enou neye koa sata peilai.”

2 TIMOTHI 2:1

Südonou, Anahpoutu, newo Khrista Jisu ye koa ali soulouyu hinou Eletao vei soua buyu zhuveana hinou khou-a bulo.

2 TIMOTHI 4:17

Ana Avanou chipao nasü soutaosou paodou chekhouloua tahrüh kukhe maitao hrülaiye panou chouve loure donou Mapao nou Ahinou lapei-a Eye khouko peie; alia sübüa Eye khaosouveo mü hinou vupapeie.

JOSHUA 1:6

Khouchilo alia khuveilo; daiolouzü neletao puopao hi Enou peilai teanou chaachou soukhai touyu teidei nasü, neye panou mai haitaoye salou dei nasü kathao loulai.

JOSHUA 1:9

Enou ne hi kharochi peiwe, “Khouchilo alia khuh veilo; ngaopiso, mokhai-a lüa kouwusou, daiolouzü nenou tayu buliki nevei Ramai Mapao nou neye koa salai peilai.”

CHIKUAPEI MAITAO 2:18

Mapao nou puletaoye donou chikupeimai seive peiyu phaki, Mapao nou chikupeimaiye salai peiwe, ae chikupeimai nou hria bukisa sü puletaoye ngaobamai bah hinou Mapao nou vupapeiwe, daiolouzü ngaobamai nou puletaoye souvea-a tudee buyu nasü Mapao nou ngaoloua zhuvea-e.

1 SAMUEL 16:18

Kilai mai ali nou paoe, “Bethlehem nuhdu hinou Jesse nahpoutu mai ali hai lou souveih sho-a nou bue. Puh sü hüvei sho-e, khu-a veishoyu nahlemai ali-e, ae chi-a paoveih sho-e. Mapao nou puhye sa-a laiwe.”