HAGGAI 1:6 - SHEEYU BAIBEL (BSI)

⁶ Neletao nou thoutai alao sou vuh thouwe, ana daotu chiloua baiwe, neletao nou touwe, ana rukha moe; neletao nou kewe, ana rukha khaimoe; neletao nou sabanü banouwe, ana neletao mailia lülou moe. Neletao nou zho kuyuma kupove lekha chayu hi thouwu baiwe.”

HAGGAI 1:6 Iomraidhean Croise

2 SAMUEL 21:1

David nou veo sou-a hrüyu phaki po asü koute shishoa tokaayu hai vedao-e. Südonou haisü daidonoue tea veo nou Ramai hi kho-a nouyu phaki, “Saul kikhamai nou maiye southayu mah souwure, puhnou Gibeon hi maitaoye southawure,” tea Ramai nou paoe.

1 VEMAITO 17:12

Ae honapai nou chila peie, “Hria buyu nevei Ramai Mapao zhih hinou chaachou soua paowe, süolouzü ahi toure raokhao liro hare. Ahi buyu louzü khaosao hinou sou bahzü ali ae oliv theadzü daotuli hai bvü hinou buyu baie. Chu Enou süü phouyu hai anahpoutu ahai koa nou sütao tounou akhai vei tovai soua khotouloua thai-a bailaire tea bue.”

NEHEMIAH 5:2

Daiolouzü kamai-a nou haibüa paoe, “Avei kihikhamai hai nah naotu ae poutu mai taoli bue, südonou touloua hriloure donou Etao hai thou jüpawe.”

JOB VEI LARÜBVÜ 20:22

Puletao hai daizhou koute veilou ngaloue, süzhou koute puletao hisü veahoyu nou ve-a bailai.

JOB VEI LARÜBVÜ 20:28

Ramai vei lekha rarou nou dzüdu büa puletao vei kini teitei sü souhawulai.

LOUTAO 107:34

Puhnou thoudzü veishoa buyu teidei khesü tai buyu teidei hi souda thoupeie, daiolouzü teidei sühi hrüa buyu maitao hai maishiyu donou.

TSÜCHITAO 11:24

Mai kamai-a nou pangai khaimoa pei-zhi koutewe, anou toungipu pa-a baie. Mai kukheli nou peizütao-a peimoa totei sho-e, anou puhsü chejü-a baiwe.

ISAIAH 5:10

Darkha kipei dusho-a nou souyu hactar kirou hisü darkhashi dzü litar acha likhei sülou bailai. Thoutai sülai kaihlia kiacha thouyu hai sülai kiacha likhei chachi lou-a bailai.”

JEREMIAH 12:13

Avei maitao nou thoutai aveih vuthoue, ana shu chachilou baire; puletao nou vah veasho-a nou souwe, ana haliro ngaolou more. Daiolouzü Enou rarou shoyu donou puletao nou halia chachilou moe.”

JEREMIAH 14:4

Teirü peimoyu donou dei sü kitare, tatayu mainou tsü vealoure ae puletao pei sü doloure.

JEREMIAH 44:18

Ana Etao nou Rakiva Vepfüpai hi posheela sü peimo khaie, ae zhaoh nghoupei mokhaie, Etao sü veaho tare, ae Etao vei maitao hai soureih hinou thaitare alia touha soha tare.”

HOSEA 4:10

Puletao nou toulai, ana khalai moe, puletao nou khakhayu vah sü soulai, ana mai kaapu palai moe; daivanou toulouzü puletao nou Mapao ye sü thaowua pfüphao jüpa vah sü soutayu donoue.”

HOSEA 8:7

Daiolouzü puletao nou teikhai vuthoua baie, südonou puletao nou rürai chiloua bailai. Meimoyu dourou haio hasou chileea thoushi peilouhoe, peikhai yuma vakou maiye panou touloua bailai.

LEVIMAI LARÜBVÜ 26:20

Neletao nou veasho-a nou vah souyu telai veishi sü panou hamako bailai, daiolouzü neletao vei teidei sü thoudzü lia papeilai moe, ae rashibe khesü rashithou shipeilai moe.

LEVIMAI LARÜBVÜ 26:26

Neletao nou ngaotou ngaoso-a buyu ludu khesü Enou soude laiwulai, sübüa naotumai kirou nou hakouyu thaobvü ali hinou hakhotoua bailai. Puletao nou süna hai zhitoulai, ana pouphou laimoe.

HAGGAI 1:10

Südonou neletao hi raki vanou vidzü sü seikou peimore, alia dei hinou shina mara papei more.

HAGGAI 1:5

Südonou chuo Mapao nou haibüa paore: Neletao hi dai vepawe tiyu neletao-a soutao sou-a tsücho khaio.

HAGGAI 1:7

Khoukhoulai Mapao nou paoe, “Neletao dai souwe tiyu soutaosou tsücho khaio.

HAGGAI 1:9

“Neletao nou alao zhi-a bue, ana titya ngaolou baiwe; sütao koutea neletao nou ki hi poveyu phaki, Enou nghoulai bailai. Daisouyu donoue? tea Khoukhoulai Mapao nou nou-e. Süsü daisouyu donoue tilouzü Aki shisasa-a bulikhu, neletao mai hrülai hai lahkuku ki souvayu donoue.

HAGGAI 2:16

Mai linou thou sülai kai pfüloulai teanou cho-a buyu nanou kirou pfülou-a baiwe; alia mai linou zhaohtei hinou zhaohlah raingou füloulai teanou buyu nasü kai fülou baiwe.

HAGGAI 2:17

Neletao nou souyu vah teitei sü Enou maokhao, tyakhao ae khah alia reithou ye panou kouh soushi khaiti peiwe; ana neletao nou Ahi dakhai vemoe, teanou Mapao nou paoe.

ZEKHARIAH 5:4

Khoukhoulai Mapao nou paoe, ‘Enou chaa haina hai seitare, südonou haina sü avao mai kihi loulai, alia A zhih hinou da-a nou shaki soukhai touyu mai hrülai ki hisü ve loulai; alia puletao ki hisü ve buloua nou buyu na veishi souhakhai touwulai.’ ”

ZEKHARIAH 8:10

Rathoki soushupu tamojüo, mai moa kikhaorü ye zhosayu hai ngaolou moe, alia mai hrülai nou ngaoba maiye ngaopiyu donou tapa-talou loushie; daivanou toulouzü Enou mai hrülai hisü mai linou mailiye ngaobayu tsüle southou peiwure.

MALAKAI 2:2

Neletao nou achi kei basho-o, alia azhih veih souloure donou achi hai neletao hi khailoumo louzü, Enou neletao hisü chaa seive peilai alia neletao nou haveih ngaolouyu teitei nou chaawulai; cheche vuzünou na teitei hai Enou chaawure, daisounou tiyuo haihai neletao lekhe hi khailou moe, tea Mapao nou paoe.

PAODAKHAIYU CHIKHA 28:17

“Mapao nou neletao vei shinamara alia paikhao khesü chaa peilai.