HAGGAI 1:4 - SHEEYU BAIBEL (BSI)

⁴ “Aki shisasa-a bulikhu, daisounou neletao lah neletao vei ki sü veihsho-a nou buge?

HAGGAI 1:4 Iomraidhean Croise

2 SAMUEL 7:2

Süthaisü puhnou rachipaolawo Nathan hi paoe, “Ewo avei ki sü sedar süünou soulou-a bure, ana Ramai vei Vo Sübvü nasü sahpao hinou bua baire!”

2 VEMAITO 5:26

Ana Elisha nou paoe, “Mai ali nou puhvei rheiluki hinou takouloua neye chayu phaki avei rako sü buh sühi bumovu? Chu teile hi hai mai hinou pousha ae sabanü, oliv theadzü ae rashidzü, zhaotu ae kikhaorü moyuma qila maiye mai hinou polouyu teilevu?

LOUTAO 102:14

Nevei kilai maitao nou puhye sü leshiwe, puh hai soushi khaitouyuma; puhye sü soushiwua thaokhai-a tayuma puletao nou honapaiye sü zhuveawe.

LOUTAO 74:7

Puletao nou nevei Rathoki nasü soushi laiwua mei deiwure; puletao nou neye thoyu buh nasü souzhaiwure.

KOPAODOUWO 3:3

Southare teile ae souveih peire teile; souphe-souphoure teile ae soushu palai teile;

JEREMIAH 22:14

ae haibüa paoyu maitao sü haka talai, “Enou ki aduli souloulai kipei detao sü veisho-a souloulai.” Südonou puhnou vabomü khesü phaloure, muhteiyu sedar süü nou poa souloure ae hoyu zhusadzü nou naposhu peiva valoure.

JEREMIAH 26:18

“Judah hi veo Hezekiah teile hi Moresheth hinou rachipaolapu Mikah nou Khoukhoulai Mapao nou haibüa paowe tea paoe, ‘Zion hai dou büa tadao toulai, Jerusalem sü soushiwua panou houshi khaiyu buh soutawulai, ae Rathoki vei deichi sü vaohro vitawulai.’

JEREMIAH 26:6

Hakinou neletao nou paochi zümoa bukoure toulouzü, Enou Rathoki hai nasü Shiloh hi soupeiyu büa soupeilai, ae deiphao mai hrülaiye panou nuhdu haina zhih sü chaa ali soua polai.”

JEREMIAH 33:10

Mapao nou haibüa paoe, “Maikhe mainou buh hai nasü radeiki büa mai liro moa hrikhaona ali-a hrümore tea paoyu sü cheche-e; Judah vei nuhdutao ae Jerusalem vei duva khesü sakhai-a mai lia tamoe ae hrikhaona liro hrümoe. Ana buh haitao hinou

JEREMIAH 33:12

Khoukhoulai Mapao nou paoe, “Radeiki ali büa buyu teidei ae mai moa hrikhaona lia hrümoyu hai nasü panou maiye hrüyu buh ali soupu peilai ae zhaokho maitao nou puletao vei zhaotu khesü heiphao hinou kho-a buyu soupeilai.

JEREMIAH 52:13

Puhnou Rathoki, veo vei ki, ae Jerusalem hi peikho maitao vei ki khesü meidei laiwure;

DOPFÜYU 2:7

Mapao nou puhvei posheelabu sü malaiwure ae puhvei sheeyu Rathoki sü thaokhaiwure; Puhnou ngaobayu maitaoye panou kivo sü daphe dakhowure. Raichoki Etao nou asah soua rathoyu buh nasü puletao nou veiloure tea sha-a nou bure.

DOPFÜYU 4:1

Etao vei sana praivava-a buyu khesü shitare; Rathoki poa nou soukhai touyu chuh khesü duva kinou raroupoa nou bure.

LEVIMAI LARÜBVÜ 19:25

Po angou na hiolouzü neletao nou rashi khesü toua bailai. Neletao nou haibüa souloure toulouzü rashibe khesü rashithou alao shipeilai. E hai neletao vei Ramai Mapao-e.

MIKAH 3:12

Südonou, neletao vanou Zion sü dou ali büa tatatou laire, Jerusalem sü soushi khaiwulai, ae Rathoki sü vaohro vitawulai.

HAGGAI 1:3

Süthai Mapao vei chipao sü rachi paolawo Haggai hi haibüa paoe,

HAGGAI 1:5

Südonou chuo Mapao nou haibüa paore: Neletao hi dai vepawe tiyu neletao-a soutao sou-a tsücho khaio.

HAGGAI 1:9

“Neletao nou alao zhi-a bue, ana titya ngaolou baiwe; sütao koutea neletao nou ki hi poveyu phaki, Enou nghoulai bailai. Daisouyu donoue? tea Khoukhoulai Mapao nou nou-e. Süsü daisouyu donoue tilouzü Aki shisasa-a bulikhu, neletao mai hrülai hai lahkuku ki souvayu donoue.

MATHIU 6:33

Ana neletao nou rairaikaia Ramai Vedei ea puh vei acheche nasü phoulo, alia na haitao teitei sü neletao hi thoupu peilai.

PHILIPPIMAI 2:21

Mai hrülaihai Jisu Khrista donou moa lah lah vah donou lenoua bubaie.