EBRIAMAI 1:3 - SHEEYU BAIBEL (BSI)

³ Puhnou Ramai vei khouko ava nasü phungaopeie ea puhvei chipao khouko nou teideiphaoye moupeia puhnou Ramai vei zhaihrü acheche nasü pfüa bue. Puhnou emai mah khüshee peiyu vei vah soucheyu thaisü; puhsü Raki hi buyu Aku Kulai Ramai bah zhoulo vahinou kou buloure.

EBRIAMAI 1:3 Iomraidhean Croise

1 PUOPAOKO 29:11

Ne hai dusho-e ae khouko busho-e, veilouyu ae ngalouyu alia aduso nasü ne baie, daiolouzü raki ae deiphao buyu na teitei sü nevei baie. Vedei khesü nevei baie, ae ha teitei pei sü nenou khasa-a bubaie.

JOB VEI LARÜBVÜ 37:22

Sana büa reivava tea reikou nou ngao-e, ae Ramai vei kathe ae khouko sünou khupasou-a Etao hi vere.

LOUTAO 110:1

Mapao nou avei paopu hisü paoe, “Enou neye ngaobayu maitao hai nevei phi khevai pothou khailoumo koute abah zhoulo vanou bulo!”

LOUTAO 75:3

Hrikhaona veishi nou ngaopi-a buyuma, ae teideiphao hai lüa buyuma, Enou süna soushukhai touyu beikhei nasü soutsü shoa khaipei khaitoue.

KOPAODOUWO 8:4

Daiolouzü veo vei chipao nou duka-e alia thaonou puh hi “Ne daie souwe?” tea paolou süge?

LEVIMAI LARÜBVÜ 15:15

Napao nou ali hai mah vei posheela soua ae alina hai meidei-a posheela soua posheela peilai. Hai zhaibüa sousheeyu vei naanou sü soulai.

MIKAH 5:4

Puh velouzü, puhnou puhvei maitaoye sü Mapao vei khouko sünou khasa-a hrülai, ae puhvei Ramai Mapao zhih hinou kaozü soua kiko peilai. Puhvei maitao nou kaozhou ashi lia ha-a hrülai, daiolouzü teideiphao teitei nou puhvei aduso nasü süloulai,

MATHIU 22:24

“Dou-apeio, Moses nou paoe, ‘Maita linou tou-nah ha-a thaita louzü puh thaihounou maisüna chapfüye nayu chie, alia sübüa nahmai panou hrüloua puhye sü thaitayu mai sünavei tou-nah tea polai.’

MARK 16:19

[Südonou Mapao Jisu nou puletaoye koa chi phalouyu thaisü puhye sü rakihi pokhere ea Ramai bahkha zhoulonou buloure.

JOHAN 1:14

Alia Chipao sünasü vasou daloua zhuvea ea achechenou phoupeia alia Eletao nou puh vei khouko-ava hai Puo hinou veyu likhuyu Nahpoutu vei khouko-ava kua ngaoe.

JOHAN 1:29

Thainaisho kisü Johan nou Jisu hai puh hilo taveyu ngaoloua paoe, “Zhukhaio, deiphaomai mah pota peiyu Ramai Zhaotunaye sü!

JOHAN 1:4

Puh hisü ahri bue, alia ahri nasü maikhemai vei ava nasüe.

SEI-ATAMAI VAHTAO 2:33

Südonou puhye sü puhpuo, Ramai bahkha zhoulo hi panou khe bulouyu vanou, alia Puo hinou apaopei khaitouyu Rako Mashi nasü ngaolouyu donou, puhnou chu neletao nou ngao-a buyu ea choua buyu Rakovei sapeina nasü lakou thoupei khaitoue.

SEI-ATAMAI VAHTAO 7:56

“Zhukhaio! raki houpakhai touyu ea Mai Nahpoutu nou Ramai bah zhoulo vanou la-a buyu sü ngaoe,” tea paoe.

ROMMAI 1:16

Daiolouzü chipao Avei vanou Esü ahrao moe; haisü lü loucheyu mai hrülai süolouzü raikai-a Jihudimai ea süthai tahrüh kukhe maiye-a khailu peire Ramai vei khouko nasüe.

ROMMAI 8:34

Sübüyu thaisü, thaohnou puletao hi mah dukhailai? Khrista nou laiwu? Moe! Daiolouzü puhwo thailoua hrishu loure ea Ramai bah zhoulo vanou bua Eletaoye donou Eletao süh soua khoa bue!

2 KORINTHMAI 4:4

Puletao nou louche moe, daiolouzü deiphao haina vei rashi nanou puletao tsüsü teizhi hinou bengi khaire. Puhnou puletaoye sü Ramai zhu raitouyu Khrista vei khouko ava vei Ko Aveina hinou veyu ava sünaye ngaolou more donou pokhaire.

KOLOSSEMAI 3:1

Neletao hai Khristaye koa hrishu loure touyu thaisü, Khrista nou Ramai bahkha zhoulo vanou buyu buh, reikouvei nataosü phoulo.

TITA 2:14

Eletaoye hashi teitei hinou khailupa peire ea Eletaoye puhmai likhei soubaiyu ea avei souyu züpa shoyu sheetouyu maitao panou souloure donou puhlah puhye Eletaoye donou peithoure.

EBRIAMAI 1:13

Ramai nou hakia puhvei rakivamai talihia haibüa paomoe: “Enou ne ngaobamaitaoye sü ne phitai soupeimo koute sü Abah zhoulo vanou kou buwo.”

EBRIAMAI 10:12

Ana Khrista nou mah donou posheelayu ali teisa vei donou popeiwua, puhnou Ramai bahkha zhoulovanou kou buloure.

EBRIAMAI 12:2

Eletao nou Eletao lü soushupei raikaiyu ea sünaye sou liche peiyu Jisu hisü Eletao nou zhutei lou laikhe. Puhnou puh nghojünou khoa buyu asah süna donou kros vanou thaiyu süna donou ahrao loure ali-a hae tea choloua kros nasü shamealoue, alia chuwo puhsü Ramai Vebuh bahkha zhoulo vanou kou buloure.

EBRIAMAI 4:14

Südonou rakitao tachopoa khetayu Ramai Nahpoutu Jisu, Eletao vei Napao Peichana buyu donou, Eletao nou füa buyu lü nasü soutao soua potoulou laikhe.

EBRIAMAI 7:27

Puhwo napao peicha kukhemai kumoe; puhwo lah puh mah donou raia ea süthai maikhemai mah donou teisanou sheelayu natao pothoyu matsü hae. Puhnou lah puhye popeiyu hinou puletao mah donou lühli kheinou teisavei donou popeire.

EBRIAMAI 8:1

Chuwo Eletao nou pao-a buyu ko teitei nasüwo louzü Eletao vei raki hi adusho vei vebuh bahkha zhoulo vanou chobua buyu haikuyu napao peicha nasü bue.

EBRIAMAI 9:16

Daiolouzü, nüü touyu hisü nüü-apeio thaivuzüre touyu vei lapeiyu hai buvu zülai,

EBRIAMAI 9:26

daiolouzü, puhnou sükua soure toulouzü puhsü deiphao soushu rainou vuh alao vea pokou vuzülai. Ana chuwo maihrü teitei akhai soulouyu kihinou lah puhye posheelayu hinou mah souhawure puhnou teisavei donou vuh likheithe talou peire.

1 PITAR 1:21

Puh vanou neletao nou puhye athai hinou souhrishu peiyu ea puhye kathe soupeiyu Ramaiye louchewe; alia südonou neletao vei lü ea areih nasü Ramai hi bue.

1 PITAR 3:22

Jisu Khrista hai raki hi khetare ea puhnou Ramai bahkha zhoulo vahinou bu-a rakivamai hrülai pei hi, alia kukhe raki vanou paopu souyu ea khouko buyu rakotao pei hi tukha-a buloure.

2 PITAR 1:16

Daiolouzü, Ehnou neletao hi Eletao Mapao Jisu Khrista nou adusho hinou khaive laiyu ko süna paongao peiyu kisü, daomaiko talinou sei-a paongao moe, ana lah Eh nghithou vuzünou puhvei adushosü ngaoe.

2 PITAR 1:17

Puo, Ramai hinou puhnou tsükhouyu ea khouko ava ngaoyu kisü, alia Aku Kulaio Ramai hinou pai linou shakoua puh hi, “Haina hai lah Enou leshiyu Anah Poutue, puh pei hisü Enou khraso peire!” tea paoyu kisü Eletao-a sühisü bue.

1 JOHAN 1:7

Ana puhnou avahi buyu büa, Eletao nou ava hinou hrüa bulouzü, süthaisü Eletao sü alinou liye koa meime zholoure, alia puhnah Poutu, Jisu vei zhenou Eletaoye mah teitei hinou soushee peiwure.

1 JOHAN 3:5

Neletao nou süwe süolouzü Khrista nou Eletao mah pota peiloure donou ve, alia puh hisü mahlia hae.

JUD VEI SEIKO 1:25

Jisu Khrista vanou Eletao vei likhuyu Ramai, Khailu-apeio hisü, kathe, akukulai, khouko ea du-shosü daoraiki-a, chua ea akhai khailai koutea souloutheo! Amen.

PONGAOPEIYU 3:21

Enou reih koloua Apuoye koa puh vebuh hinou buzhoyu büa, reih kolouyu puhtao hisü Eye koa Avebuh hinou buloure zü nasü Enou peilai.

PONGAOPEIYU 4:11

“Eh Mapao ea Ramai! Newo adusho, tsükhouyu ea, khouko ngaozüe. Daiolouzü nenou na teitei soupeie alia ne leli hinou puletao sü veloue ea hriloue.”