DOPFÜYU 5:5 - SHEEYU BAIBEL (BSI)

⁵ Etaoye sü rheisüh moa racho ali büa sa-a vah soure, Etao hai veare, ana Etaoye sü panou chao-a shobare.

DOPFÜYU 5:5 Iomraidhean Croise

JEREMIAH 27:2

chophaodao rai hai souhee nou soulo ae phaokayu nasü süü nou souloua avei ngu hinou pfülo tea paoe.

JEREMIAH 27:8

“Ana tyahrü moa vedei taralinoua Babilon hi veo Nebukhadnezzar vei khakhe hi buba louzü, Enou tyahrü süna sü soureih, tokaa, ae sounou ashi sünou tudee peia panou Nebukhadnezzar nou souha khaimo koute souvea peilai.

JEREMIAH 28:14

Daiolouzü Khoukhoulai Mapao, Israel maivei Ramai nou haibüa paoe: Enou tyahrü hrülai vei ngu hisü Babilon hi Veo Nebukhadnezzar vei kuvah soure vei hu phaodao sü thoupeiwure, ae puletao nou puhvei kuvah sü soulai, daiolouzü Enou rekhaona koute-a panou puhvei kuvah soure donou peiwure.”

JEREMIAH 51:58

Khousho-a soukhai touyu Babilon vei kivo khesü deiphi hi dakho kouwulai, ae kusho-a soukhai touyu reihkhaobu khesü meidei laiwulai. Maikhe mainou terou poa soukhai touyu vah khesü hamako bailai; sütao sü meikei vita-a bailai. Haisü Khoukhoulai Mapao Enou paowe.”

DOPFÜYU 1:14

“Enou soumah khaitouyu veishi sü puhnou pothou hrüloure; Puhnou sütao hai ate hi khikhai peie, ae Enou sütao hai pfülou hore. Enou dulou hoyu avei ngaoba maitao bah hi Mapao nou Eye sü thoupeire.

DOPFÜYU 1:3

Judah hi maitaoye sü taitsü poa veasho-a panou vah sou-e, Süpei hinou puletaoye sü vakou nüpoa satare. Puletao hai tyahrü kukhe maivei teidei hi ho hrütare, ana lah puletao vei soua soloure buh ali-a ngaomoe. Ngaoba maitao nou puhye sü sühao loure, tupa loure ludu aliro hazei toure.

DOPFÜYU 4:19

Lüche jünou taveipoa puletao nou Etaoye thaihu loure. Puletao nou Etaoye deichi vanou huloure, Puletao nou Etaoye lichomoa buyu hinou radeiki hinou nüloure.

MIKAH 2:3

Südonou Mapao nou haibüa paoe, “Enou neletao hisü veahoyu hai pove peilaire tea tsüchoda-a bue, ae neletao nou turei palou laimoe. Veahoyu sünou neletao hi velou bua nou ngaoloua bailai, süthaisü neletao nou khaophu soua tapulai moe.

MATHIU 11:29

Aphaodao hai neletao phaohi pokhailo, alia Ahinou doulouwo; daiolouzü Ewo nashawe ea le nawe; alia neletao nou neletao vei rako donou soyu ngaoloulai.

SEI-ATAMAI VAHTAO 15:10

Südonou chuo Eletao puo-pao maitao nou-a moa lah Eletao nou-a pfülou hoyu kousü rozümaitao phaohi popa khaipeia daidonou Ramaiye zhai zhuwe?

PAODAKHAIYU CHIKHA 28:48

Südonou chuo Mapao nou ngaoba maitao sü neletao hi seive peilai, ae neletao nou puletao vei kuvah sü soulai. Neletao nou reizü sho-a, baitou-a alia toure hazei teanou bulai. Mapao nou neletaoye souhamo koute, puhnou neletaoye hu vei phaodao sü thou peilai.