DOPFÜYU 5:22 - SHEEYU BAIBEL (BSI)

²² Molouzü Etaoye nenou teisa donou malairevu? Nenou Etaoye rarouyu hai akhai hadou?

DOPFÜYU 5:22 Iomraidhean Croise

LOUTAO 44:9

Ana nenou chuo Etaoye laire, ae Etaoye sü panou hraongu ngao-a bure; nenou Etao vei reihmai meye sü koa tapei more.

LOUTAO 53:5

Ana puletao hisü raichoki ve daokhai moyu ngaopi khesü velai, daiolouzü Ramai nou puhvei maitaoye ngaobayu maitao vei rao khesü porarou laiwulai. Ramai nou puletaoye sü laiwure, südonou Israel mainou puletaoye sü soungu peilai.

LOUTAO 74:1

Oh Ramai, daidonou ne haibüa Etaoye thaokhai peiwe? Nevei lekha rarou nasü haibüa teisa nou nevei maitao hisü bua bailaivu?

LOUTAO 79:5

Oh Mapaowo, ne Etaoye teisa nou raroua bailaiwu? Nevei lekha rarou nasü mei taoyu büa teisa nou tao-a bubai laidou?

ISAIAH 64:9

Südonou Oh Mapaowo, Etao pei hi rarou peisou baio, ae Etao vei mah sü teisa nou licho peiso. Etao sü nevei mai baie, Etaoye zhuvea peio.

JEREMIAH 14:19

Mapaowo, nenou Judahye thaovuzü chechevu? Nenou Zion hi maitaoye sü ngaora sholourevu? Ne daisounou Etaoye souveilou hoyu hi koute soushi sholoua khaipeige? Etao nou kaonayu sü zhipoa nou bue, ana havei liro ngaomoe; souvei peiyu sü vuzhi-a nou bue, ana ngaopiyu sünou phouloure.

JEREMIAH 6:30

Puletaoye sü komoyu shahu tea kulai, daiolouzü Mapao Enou puletaoye sü malaiwure.”

JEREMIAH 7:29

“Jerusalem hi maitaore, dopfülo; Neletao vei peishu biloua khilaiwuo. Deichi hi taopalou-a kouli likhaio, daiolouzü Mapao Enou rarou loure, ae avei maitaoye sü malaiwure.

EZEKIEL 24:13

Oh Jerusalem, nenou hrü ashi hrüa soupfükhai touyu sünou lah neye sü souzhai loure. Enou neye soushee peire donou te-a buyuma ne sü sheelu more. Avei lekha sünou neletao hi vemoyu thaio neletao hai sheelou hore.

EZEKIEL 37:11

Ramai nou ahi paoe, “Thai-a bailaiyu mainare, Israel maitao hai rao haitao raibütoua baie. Puletao nou paoe, ‘Etao hai kirürü tare, areih touyu ali-a hare, ae Etao hai hazei toure.’

HOSEA 1:6

Honapai nou poupfü puloue alia nahnaotu ali naloue. Süthaisü Mapao nou puh hi paoe, “Puh zhih sü Loruhamah tea salo, daiolouzü Enou Israel maiye zhuveayu moa khaipeiyu bupulai moe.