DOPFÜYU 5:21 - SHEEYU BAIBEL (BSI)

²¹ Etaoye ne hi sa-a dakhai ve peio, Mapao! Etaoye sa-a dakhai ve peio. Raichoki büa Etaoye sü souveipu peio.

DOPFÜYU 5:21 Iomraidhean Croise

1 VEMAITO 18:37

Oh Mapao, Eye chila peio, Enou khoyu sü keinou peio, sükulouzü mai haitao nou ne hai Mapao Ramai nasüe touyu sü panou sülo, ae nenou puletaoye ne hi sa-a dakhai veloue touyu sü panou sülo!”

LOUTAO 80:19

Khoukhoulai Ramai Mapao, Etaoye sa-a dakhai vepeio. Nevei zhuvea leshi nasü Etaoye ngaopeio, sükulouzü Etao hai khailu louyu sü ngaolou süe.

LOUTAO 80:3

Oh Ramai, Etaoye poa dakhai ve peio! Nevei zhuvea nasü Etaoye tave ngaopeio, sükulouzü Etao hai khailu loulai.

LOUTAO 80:7

Oh Ramai, Etaoye sa-a dakhai ve peio! Nevei zhuvea nasü Etao hi tave ngaopeio, sükulouzü Etao hai khailu louyu sü ngaolou süe.

LOUTAO 85:4

Etaoye khailupa–apeio, Oh Ramai, Etaoye sa-a dakhai vepeio, ae Etao pei hi vamoyu nasü polai peio.

ISAIAH 60:20

Neletao nou veahoyu teithe taosü akhai soulaire. Khouh teinghi jünou veipua Mapao Enou neletao vei ava nasü teisa nou soupeilai.

JEREMIAH 30:20

Puletao vei nahmaitao sü panou tsümai ali büpeilai, ae puletao vei maime sü anghoujü hinou veishoa soushu peilai; Enou puletaoye souchoro peiyu mai hrülaiye sü tudee peilai.

JEREMIAH 31:18

“Israel maitao nou haibüa dopfüa nou paoyu Enou choue, ‘Mapao, Eletao hai sa-a tata moyu cho-ha büre, ana nenou Etaoye chi zülo tea paodou peie. Etaoye sa-a dakhai vepeio; dakhai tare donou Etao hai souda loure, Etao Ramai Mapao.

JEREMIAH 31:4

Enou neletaoye soushupu peilai. Neletaoye panou beibei poloua asah soua lou soua choyu pa soupu peilai.

JEREMIAH 33:10

Mapao nou haibüa paoe, “Maikhe mainou buh hai nasü radeiki büa mai liro moa hrikhaona ali-a hrümore tea paoyu sü cheche-e; Judah vei nuhdutao ae Jerusalem vei duva khesü sakhai-a mai lia tamoe ae hrikhaona liro hrümoe. Ana buh haitao hinou

JEREMIAH 33:13

Deichitao hinou buyu nuhdutao, deichiphi hinou buyu nuhdutao, ae Judah vei nuhdutao hinou zhaokho maitao nou puletao vei zhaotu khesü phoua nou bulai. Haisü Mapao Enou paowe.”

EZEKIEL 36:37

Ramai Mapao nou paoe, “Enou Israel maiye sü panou ahinou soukha peio tea khopulai, ae Enou puletaoye sü zhaokhome hinou zhaotu hai alao poupayu büa soupoupa peilai.

HABAKKUK 3:2

Oh Mapao, ne daisou-e tiyu Enou süre, alia nevei vahso veitao hai sülou-a ngaopi shore. Nevei vah sütao hai Etao teile hi-a soupu peilai-o, sütao hai panou Eh vei teile hia sülouo; Nenou rarou-a lekha bukia zhuvea peikhaio.

MALAKAI 3:4

Süthaisü Judah ae Jerusalem vei posheelayu hai daoraiki teile hi büa Mapao nou jüpalai.