DOPFÜYU 5:19 - SHEEYU BAIBEL (BSI)

¹⁹ Ana oh Mapaowo, ne sü teisa vei veo süe, ae nenou akhai ha-a nou khosa-a hrülai.

DOPFÜYU 5:19 Iomraidhean Croise

LOUTAO 10:16

Mapao sü akhai ha-a teisa nou veo sü soulai. Rah kukheye thoyu maitao hai puhvei teidei hinou hata-a bailai.

LOUTAO 102:12

Ana Mapao, newo louzü teisa nou veo sü soulai, vere khaphao teitei nou neye sü licholai.

LOUTAO 145:13

Nevei vedei hai teisa vei vedei soulai, ae nenou akhai ha-a teisa nou veo sü soulai. Mapao nou paokhai touyu chipao teitei hai cheche-a vete-a bailai, ae puhnou soupfüyu veishi hai zhuvea leshi hinou soupeia baie.

LOUTAO 146:10

Mapao nou teisa sü veo soulai. Oh Zion, nevei Ramai nou akhai ha-a teisa nou veo sü soulai. Mapao ye paosholo.

LOUTAO 29:10

Mapao nou zaidu pei hinou khosa-a nou bue, puhnou teisa veo sü soua khosa-a hrülai.

LOUTAO 45:6

Ramai nou neye peikhai touyu vedei nasü teisa nou akhai ha-a bukou telai. Nevei maitaoye sü nenou kaozü hinou khasa-a hrüpeilai;

LOUTAO 9:7

Ana Mapao hai teisa vei veo süe; chikure donou puhnou vebuh sü soushu loure.

LOUTAO 90:2

Deichitao soupei mojü nou moa teideiphao soushumo jünou ne hai akhai hayu Ramai-e, ae haithai-a teisa nou bure Ramai sü ne baie.

LOUTAO 93:2

Oh Mapaowo, nevei vebuh sü araikha hinou tsüsho-a soushu khaiwure, ae newo louzü akhai ha-a teisa nou bue.

DANIEL 2:44

Vemai sütao nou nuh teidei khoa buyu phaki hinou, rakibu Ramai nou veteidei ali soushulai, alia sümaiye sü hasou kilia soushilou hoe, mokhaia mai kukhe nou veiloulai moe. Veteidei haina nou veteidei kukhe pfüphouye sü souhalai alia akhai soulai, ana vedei haina nou teisa vei soua bulai.

DANIEL 7:14

Puh hisü soulou süyu zü, kathe alia vedei zhure khouko teitei peiwure. Puhye sü panou mai hrülai, tyahrü teitei, ae la kukua paiyu mai veishi panou puhvei kuvah soulai, puh hisü teisa nou khasa-a hrüre khouko sü bulai, alia puhvei vedei hai hakhai toulai moe.

DANIEL 7:27

Deiphao hinou buyu vedei teitei ae khouko teitei sü Kukulai Ramai vei maitao hisü peiwulai. Puletao vei vedei hai teisa vei vedei soulai, alia deiphao hi vemai hrülai nou puletao vah soulai ae puletao chi zülai.”

HABAKKUK 1:12

Oh Mapao, avei Ramai, avei Masheeo, Ne sü teisa nou hria buyu namowu? Oh Mapao, nenou Babilon maiye panou Eye souveare donou soudusho peiwure; Oh chuhduo, nenou peletaoye panou Etaoye tudeere donou soushu peiwure.

JOHAN 1:38

Jisu nou thailo reiveyu kisü puhai nou puh thai fülaiyu ngaoloua puhaihi noue, “Nehai dai phouwe?” Alia puhai nou puh hi chila peie, “Rabbi” (süolouzü Dou-apeio toue), “Ne dai kinou bue?”

PAODAKHAIYU CHIKHA 33:27

Ramai nou neletaoye sü teisa nou vupeiwe, ae puhvei akhai hayu bah sünou neletaoye soukha peilai. Puhnou neletao ngaoba maiye neletao nghoujü nou hulai peilai, ae puletaoye sü souhawo tea paopeilai.

1 TIMOTHI 1:17

Teisa Veo, athai hayu ea nghithounou ngaomoyu, likhei baiyu Ramai puh hisü khuhaoyu ea teisanou adu-sho souyu nasü souloutheo, teisanou! Amen.

EBRIAMAI 13:8

Jisu Khrista hai doa, zhoua ea teisa nou kheihao baie.

PONGAOPEIYU 1:4

Johan nou Asia teideihi buyu lüloumaime anaihi rüe. Chuchu buyu raikinou buyu ea thaikhai hi velaiyu Ramai puh hinou, alia puhvei vebuh nghojünou buyu rako anaitao hinou,

PONGAOPEIYU 1:8

Chuchu buyu, raikinou buyu, alia thaikhaihi velaiyu khoukhoulai Ramai Mapaowo nou paoe, “Esü Alpha ea Omega süe.”