DOPFÜYU 5:17 - SHEEYU BAIBEL (BSI)

¹⁷ Hai vanou Etao vei tsüle hai souloure, ae nghidzü kouyu donou halia zhingao more.

DOPFÜYU 5:17 Iomraidhean Croise

JOB VEI LARÜBVÜ 17:7

E le veayule vanou anghithou ngaorara-a baire, alia aphi abah sü kirü rü-a khungu büa baire.

LOUTAO 31:9

Oh Mapaowo, Eye zhuvea peio, daiolouzü E veaho sho-a nou bure; dopfüa kra koute-a buyu donou anghithou sü ha ngaomo tare, avei pfüphao hai-a shichekho tare.

LOUTAO 38:8

Esü lülou hore, ae veasho loure; ale vea-a buyu donou Esü lea nou bubaire.

LOUTAO 6:7

Eye ngaoba zhubayu mainou anghidzü soupa-a krayu donou anghithou maaloua ha ngaotou louhore.

LOUTAO 69:3

Eye soukha peio tea kuyu donou Esü shaloure, ae araoqulu sü thekei lure. Nevei soukha peiyu nasü vuzhi-a buyu donou anghithou sü ha zhuthou louhore.

ISAIAH 1:5

Neletao daidonou puhye dupuwe? Daidonou neletao hai chua panou souveapu peiyu sü jüpawe? Nevei pei teitei nou zhimü khaibaire, ae nevei tsüle sü souloure.

ISAIAH 38:14

Khaitu ae raohou büa Enou ra-e, alia rahou büa E sü lüe, Enou rakiva sü zhungere, Mapao, veahoyu haitao hinou Eye vupa peio.

JEREMIAH 46:5

“Ana Enou daie ngaowe?” tea Mapao nou noue. “Puletao hai ngaopi shopoa nou tudakhai tare. Puletao vei reihmaitao sü pah shire; puletao sü ngaopi shopoa tuvei lousüyu koute tupoa nou tare ae puletao nou thailova reida khaive zhumore.

JEREMIAH 8:18

Avei veayu hai sü souvei louhore;

DOPFÜYU 1:13

“Puhnou mei sü reilova nou seikou peie, ae mei sünasü alekhe nou kei-a nou bue. Puhnou Eye muloure donou shorü southou khaipeie, ae Eye deiphi pokou khaipeiwure. Süthaisü puhnou Eye thaokhaiwure alia Eye panou sokhai timoa soua nou bua baire.

DOPFÜYU 1:22

“Puletao nou vah haso ashi soukhai touyu veishi vanou puletao hia veahoyu sü peio. Avei mahmo vanou Eye tudee peiyu büa puletao-a tudee peio. Ewo veahoyu donou lüpoa nou bua baire, ae avei lüthou hinou soua nou bure.”

DOPFÜYU 2:11

Avei nghithou hai krapouleyu donou ha ngaotou more; Ale sü veashore. Avei maitaoye soushi souhayu donou dopfüa E sü shaloure. Nahmaitao ae nahmaitou khesü nuhdu vei duva hinou shatare.

EZEKIEL 21:15

Hai nanou avei maitao tsüle sü souchathai peilai ae puletaoye panou kaodu talai. Teipeiyu büa reivavayu ae maiye southalai tea buyu khoche nasünou poloua Enou avei maitao nuhdu nasü soupi peilai.

EZEKIEL 21:7

Puletao nou ne hi daisounou dopfüa lüwe tea noulouzü, veahoyu sü velaire, südonou lüwe tea chila peio. Ko süna choulouyu phaki, puletao vei lüthou hisü ngaopiyu nou phoutao loulai, puletao vei bah sü lülou hoa bailai, puletao vei khuvei nasü hata-a bailai, ae puletao vei khoubou sü ngurürüa bailai. Teile sünasü velai; teile sünasü hai hi ve-a bure.” Haisü Ramai Mapao nou paowe.

LEVIMAI LARÜBVÜ 26:36

“Vakou maivei teidei hi nüpoa tayu maitaoye sü Enou ngaopi shoyu soupeilai, sübüa puletaoye panou teikhai nou süünghou ali hüle peiyu kho koute-a choulouyu phaki panou ngaopi-a tutalai. Mai linoua thaihu moyuma soureih hinou tutayu büa panou tutalai, ae ngaobamai hai nghiki ha-a buyuma panou kaodu ta-a bailai.

MIKAH 6:13

Südonou Enou neletaoye soushi talaire, ae neletao vei mah vanou neletaoye sü panou haka talaire.

PAODAKHAIYU CHIKHA 28:65

Tyahrü sütao hrohinou neletao hai vaphia shoyu, moa neletao vei-e tea halia ngaolai moe. Ana Mapao nou neletaoye sü pinguyu, nghithou ngaomoyu alia levea dongai pfüyu nasü neletao hi peilai.