DOPFÜYU 5:1 - SHEEYU BAIBEL (BSI)

¹ Oh Mapaowo, Etao hi vepayu khesü licho peio. Etaoye zhupeio, ae Etao nou veahoyu khesü zhupeio.

DOPFÜYU 5:1 Iomraidhean Croise

NEHEMIAH 1:3

Puletao nou ahi haibüa chila peie, “Soureih mainou nüpoa talou moyu maitao hai veashoa nou ae hraosho-a nou bure. Jerusalem vei kivo khesü pepo takhai toure ae rokhubomü khesü meidei laikhaiwure.”

NEHEMIAH 1:8

Chuo nenou nevei kilaio Moses hi paokhai touyu nasü licho peio: ‘Israel maitao nou ahi chilee cheche molouzü, Enou neletaoye sü tyahrütao hrohi sourarou laiwulai.

NEHEMIAH 4:4

Enou haibüa veachi paoe, “Oh Ramai, puletao nou Etaoye ngaophou moa konüyu sü kei nou peio. Puletao nou Etaoye jünüyu nasü panou lah puletao pei hi vepeio. Puletao vei buyu na veishi sü mainou pa shaopoa tatheo, ae puletaoye sü hukhamai soua vakou maivei teidei hi nüpoa tapeio.

JOB VEI LARÜBVÜ 10:9

Mapao nou Eye sü konai nou soupeie, chuo Eye nenou konai hi soudakhai louwulaivu?

JOB VEI LARÜBVÜ 7:7

Chokhaio A Ramai, avei hrümai sü ssü haiyu ali bübaie. Avei savayu teile sü akhai soure.

LOUTAO 119:153

Enou sounou soua buyu sü zhupeio, ae Eye khailupa peio, daiolouzü Enou nevei chikha khesü ngaophou moyu soumoe.

LOUTAO 74:18

Ana Oh Ramai, neye ngaobayu maitao nou neye konüa bue touyu nasü licho peio. ae puletao hai Ramai ye louche moe alia neye ngaora-a bue.

LOUTAO 79:12

Mapaowo, neye konüa buyu tyahrütaoye sü puletao nou soupfüyu deida anai koute hai nenou puletao hi soupeio.

LOUTAO 79:4

Etao hai kinapa maitao hinou hraongu sü ngaore, puletao nou Etaoye sü konüre ae ngaophou moa Etaoye sü pahnü soupeie.

ISAIAH 62:6

Oh Jerusalem, nevei kivo vahi Enou reihkhaomai khaipei khaitoue, puletaoye sü panou hea-khei-a ngasou buso. Mapao hinou buyu maitao, thaokhai toumoa vah soua bulo, asosouo.

JEREMIAH 15:15

Süthaisü Enou paoe, “Oh Mapao, nenou sükhai tiwe. Eye lichopeio ae Eye soukha peio. Eye souveayu maitao pei hi athaosou-a khüngu phoupeio. Puletao pei hi nenou shamea buyu thaio puletao nou Eye southa laire. E neye donou maichi mairao toua baie touyu sü lichopeio.

JEREMIAH 51:51

Neletao nou haibüa paoe, ‘Etao hai chaa ngaore ae hraongu ngaore; Etao sü souloure khouko hazei toure, daiolouzü vakou maitao nou sheeyu buh Rathoki sü poloure.’

DOPFÜYU 1:11

Honapai vei mai hrülai sü lüpoa nou raokhao phoua laire; Puletao hai hria buloure donou puletao vei muteina khesü poa touso lea loure. Nuhdu sü haibüa kra-a bure, “Oh Mapaowo, Eye zhukhaio, avei veahoyu khesü zhupei khaio.”

DOPFÜYU 1:20

“Oh Mapaowo, Enou veahoyu ae chorosoua buyu sü zhupei khaio. Avei mahmo vanou Esü tsüle pepoa nou bure; kikha hi koute-a athai sü bure.

DOPFÜYU 1:9

Honapai vei shee moyu sü ngaokhai loure, ana haithai puh hi dai vepalai touyu hai honapai nou tsücho moe; südonou honapai sü kaodu tare, ae puhye sousava peire mai lia hazei toure. Honapaiye ngaobayu maitao nou veiloure, ae honapai nou Mapao hi zhuvea leshi peio tea kra-a khowe.

DOPFÜYU 2:15

Ludu tacho tayu mai hrülai nou ne hisü bah taongaore. Puletao nou pei züpoa Jerusalem kaodutayu sü konüa haibüa paore: “Hai nahai veisho-a buyu nuhdu nasüvu? Deiphao mai hrülai thainüa buyu nuhdu nasüwu?”

DOPFÜYU 2:20

Zhukhaio, Oh Mapao! nenou souvea peia buyu maitaoye sü zhupei khaio! Naotumaitao nou leshi sho-a buyu lah puletao vei nahmaitao vei vasou sü toua nou bure! Napao maitao ae rachipaola peiyu maitao sü Rathoki hinou southa peia nou bure!

DOPFÜYU 3:19

Enou avei veahoyu ae avei ki hayu sü licholoua sünasü khashoyu kaithapou ali büre.

DOPFÜYU 3:50

Mapao nou rakiva nou Etaoye zhukou ngaoloumo koute hai.

DOPFÜYU 3:61

“Oh Mapaowo, puletao nou Eye ngaophou moa paoshiyu sü nenou chouloure, ae puletao vei do ashi khesü nenou ngaowe.

HABAKKUK 3:2

Oh Mapao, ne daisou-e tiyu Enou süre, alia nevei vahso veitao hai sülou-a ngaopi shore. Nevei vah sütao hai Etao teile hi-a soupu peilai-o, sütao hai panou Eh vei teile hia sülouo; Nenou rarou-a lekha bukia zhuvea peikhaio.

LUK NOU RÜYU KO AVEIBVÜ 23:42

Alia puhnou Jisu hi paoe, “He Mapao, nenou nevei vedeihi veyu kisü Eye li-chopeio!”