DOPFÜYU 4:22 - SHEEYU BAIBEL (BSI)

²² Zion hai lah puhvei mahmo vanou veahoyu nasü pfüwe; Mapao nou Etaoye sü teile sho-a nou hukhamai soua panou vakou bupulai more. Ana oh Edom, Mapao nou neye sü tudee peilai, puh nou nevei mah khesü popa ngaopeilai.

DOPFÜYU 4:22 Iomraidhean Croise

LOUTAO 137:7

Oh Mapaowo, Edom mainou Jerusalem ye polouyu teithe puletao nou dai soupeie touyu khesü licho peio. Puletao nou haibüa paoyu sü licho peio, “Beikhei hi koute souphepho laikhai touwo.”

ISAIAH 40:2

Jerusalem hinou hrüa buyu maitaoye pailako aveih nou keapeio, ae puletao hisü haibüa paopei khaio, süolouzü puletao hai teile taoli veaho shore, anou chuo puletao vei mahmo khesü khaipeiwure. Enou puletaoye sü mahmo souyu donou soutaosoua tudei peiwure.”

ISAIAH 52:1

Oh Zion, kaishulo, ae khouchilo! Oh Sheeyu Ramai vei nuhdu, nevei sabanü aveih nasü tulo. Daiolouzü sheemoyu ae vakou mainou nevei robomü hisü taloupu khailai more.

ISAIAH 60:18

Neletao nou taidayu pai sü choupu laimoe, ae neletao vei teidei hisü pepoyu ae hakayu sü ngaopu laimoe. Enou neletaoye sü kivo ali büa khopeilai ae vupeilai. Enou neletaoye khailupa peiyu donou neletao nou Eye paosholai.

JEREMIAH 32:40

Enou akhai hayu vo ali puletaoye koa souloulai. Enou puletaoye donou havei soupeiyu sü thaokhailai moe, ae Enou puletaoye panou puletao vei tsüle teitei nou Eye ngaopi-a buyu sü soupeilai, sübüa puletaoye panou ahinou tavai takhai toulai moe.

JEREMIAH 33:7

Enou Judah ae Israel sü kaozhou aveih peipulai, ae Enou puletaoye sü raichoki büa soushupu peilai.

JEREMIAH 33:8

Puletao nou apei hi soumah khaitouyu teitei sü Enou soushee peilai, ae Enou puletao vei mahmo khesü khaipeilai.

JEREMIAH 49:10

Ana Enou Esau vei tyaosholea hrülaiye sü souha khaiwure, puletao nou tutsüyu buh veishi sü Enou popa ngaokhai toupeire, südonou puletao hai tutsü loushire. Edom mai hrülaiye sü mai ali koutea shokhai peimoa nou souhakhai touwure.

JEREMIAH 50:20

Teile süna veyu phaki, Israel maitao hisü mah aliro ngaolai moe ae Judah hisü tsüshi ali-a bulai moe, daiolouzü Enou vupa peikhai touyu maitao vei mahmo khesü khaipeiwulai. Haisü Mapao Enou paowe.”

DOPFÜYU 4:21

Edom ae Uz teidei hinou hrüa buyu maitaore, asalo ae vasa-a bulou khaio. Neletao hia veahoyu nasü velaire; neletao-a baitoua nou hraongu pfüa talai.

DOPFÜYU 4:6

Avei maitaoye teile daotuli hai Sodom hi hrüa buyu maitao jünou souveapu peiwure, sükhai toumoa Ramai bah hinou veayu sü vedaore.

EZEKIEL 37:28

Enou avei Rathoki nasü puletao hi panou teisa sü bure donou khaipeiyu phaki, tyahrü kukhe taonou E hai Mapao-e ae Enou Israel maiye avei mai soure donou dopa loure touyu hai süloulai.”

EZEKIEL 6:12

Kadou kounou buyu maitao hai sounou soua nou thailai; nghia buyu maitao hai soureih hinou southawulai, shokhai toua buyu maitao hai houzüa thai bailai. Puletao hi avei lekha rarou veyu nasü puletao nou süloulai.

OBADIAH 1:10

“Daiolouzü ne thaihou soua buyu Jakob ye sü neletao nou taida peia ae southa peiyu vanou neletao sü hraongu ngaolai ae neye teisa nou souhawulai.

MALAKAI 1:3

ana Enou Esau ye ngaorae; Enou puhvei deichi khesü panou hakata-a baie, alia puhvei tyaonahtao sü rekou buyu lakhao khehi peithouwure.”

MALAKAI 1:4

Hakinou Edom mainou haibüa paolouzü, “Etaoye souphe soupho laire, ana soushi khaitouyu buhtao sü Etao nou soushu pulou bailai.” Hrülai pei buo Mapao nou haibüa paolai, “Puletao nou soushuloua malae, ana Enou soushisasa peiwu bailai, puletaoye shiyu tyahrü alia Mapao nou hrühphao nou rarouyu teidei-e teanou mainou kumosa.”