DOPFÜYU 4:20 - SHEEYU BAIBEL (BSI)

²⁰ Eletao vei hrirai, Mapao nou dopa peiyu veo sü puletao nou nüloure; ngaobamai taralinou soureih souveyu phaki Etaoye vupa peilousüe tea Etao nou louche-a buyu nasü puletao nou nüloure.

DOPFÜYU 4:20 Iomraidhean Croise

SHURAI 2:7

Süthaisü Ramai Mapao nou dei hinou nai poloua maiye soupeie, alia puh nghou qulu hisü ahri ssü houthou peie ae sübüa maisü hrikhaona ali souloue.

SHURAI 44:30

“Südonou chuo Enou ne kilai apuo hi khaiveyu kisü nahtou nasü koa laimore toulouzü, puhsü thai-a bailai. Puhvei hrirai sü nahtou haina hi phupa khaitoua baie.

2 SAMUEL 1:14

David nou puh hi paoe, “Ne daizhou khu vei-a nou Ramai nou dopeiyu Veoye southawe?”

2 SAMUEL 1:21

“O Gilbon deichitao hisü chuthai teirü moa vidzü panou koupu khaiso; nevei doutao sü panou thoudzü ae rashithou ali koute shikhai noue! Daisounou touyuo ne hinou veo vei rü sü panou hraongu ngaore, Saul veo vei rü sü theadzü napeia sousheepu peimore.

2 SAMUEL 18:3

Ana puletao nou paoe, “Ne Etaoye koa taso, hakia nou Etao kaozhoushi-a tutayuma mokhai-a Etao mai dahli thaita-a buyuma puletaoye donou halia kuyu hae, ana veo newo Etao mai the kirou jünou muteipu hie. Südonou newo louzü nuhdu hinou buloua Etaoye donou molouzü shilaiyu khesü seive peiyu nanou veipua bailai.”

2 SAMUEL 19:21

Süthaisü Zeruiah vei nahpoutu Abishai nou paoe, “Ramai nou theadzü napeiyu veo ye chaayu vanou Shimai ye southayu sü kao-a baie.”

2 PUOPAOKO 35:25

Rachipaolawo Jeremiah nou Veo Josiah thaiyu donou dopfüa khouli liyu lou ali dapei khaitoue. Lou hainasü Israel mainou naotu poutu sümoa lou souyu mainou dopfüa khouli liyu phaki lou hainasü zhaodao koute-a souwe. Lou hai nasü dopfüa khouli liyu larübvü hisü rüthou peikhaitoue.

ISAIAH 32:2

Puletao mai alili hai teikhai hinou bailoure buh ali ae teikhai teirü ashi veyu phaki tutsü louyu buh ali bülai, alia puletao sü radeiki hinou reidzü küyu büa ae halia hayu teidei hisünou chuhdu ali nou teihao soupeiyu bülai.

JEREMIAH 39:5

Ana Babilon vei reihmai nou puletaoye thaihukou Jeriko deikho hinou Zedekiah ye nüloure. Süthaisü puletao nou puhye Veo Nebukhadnezzar hi savere, süphaki puh hai Hamath maivei teidei, Riblah nuhdu hinou bue, ae puh pei hi Nebukhadnezzar nou haibülai touyu chidei soupeie.

JEREMIAH 52:8

Ana Babilon maivei reihmaitao nou thaihupoa kou Jeriko deikho nghiyu hinou Veo Zedekiah sü nüloure, ae puhvei reihmai hrülai sü puh hinou tutare.

JEREMIAH 52:9

Süthaisü puhmai nou Zedekiah ye nüpoa Veo Nebukhadnezzar hi sapoa vere, süphaki puh hai Hamath maivei teidei Riblah nuhdu hinou bue, ae sühinou Nebukhadnezzar nou puh pei hi chiku peie.

DOPFÜYU 2:9

Rokhubomü khesü pepo takhaire, sütao vei tyayu hu khesü sousasawure. Veo alia peikhoyu maitaoye sü hukhamai soua vakou nüpoa tare. Chikha sü chuo doupeipu more, ae rachipaola peiyu maitao hai Mapao hinou zho sü ngaomore.

EZEKIEL 12:13

Ana Enou puhye sü avei khahbesah nou beloua bailai, ae puhye sü rüh hinou muloulai. Süthaisü Enou puhye Babilon vei nuhdu hi sapoa ve khai-a bailai, ae sühinou puh sü ngaomoa thaita bailai.

EZEKIEL 17:18

Puhnou lah chaachou soukhai touyu nasü souphewure ae vo soukhai touyu nasü püthore. Puhnou hai teitei hai soupfüre, südonou chuo puh sü tupa loulai moe.”

EZEKIEL 31:17

Puletao nou puhye koa raichoki nou kaodu tayu tao nou buyu thaimai vei deiphao hisü koa talai ae puhvei teikhu khenou hrüa buyu maitaoye sü tyahrütao hi soupho rarou laiwulai.

DANIEL 4:12

Sünavei sünghou khesü hüveishoe, ae deiphao mai hrülai toulousü rashithou sü shia bue. Rekhaona khenou sünavei teikhü hinou ve baia bue, alia raohou khesü sünavei botao hinou phe soua bue, ae hrikhaona hrülai nou sünavei rashithou sü haitoue.

HOSEA 13:10

Neletao nou ‘Etao ye vemai alia süthai-apeimai peio’ teanou kholouyu vemaitao sü chuo neletaoye khopeire donou daiki nou bue? Neletaoye vupei laiyu süthai-apei maitao kalo nou bue?

CHIKUAPEI MAITAO 9:15

Shube nou puletao hisü haibüa chila peie, ‘Chechevujü hinou neletao nou Eye panou neletao pei hi veo soulai toulouzü, tave avei teikhu hinou bailo; ana neletao nou sübüa soumolouzü, avei shubetao hinou mei taopaloua Lebanon hi sedar süübe khesü panou deithawulai.’

1 SAMUEL 12:3

E neletao nghoujü nou la-a bue, maitarali hia Enou kaomoyu vah ashi soulouzü, chu Mapao vei nghoujü ae veo vei nghoujü nou avei mah khesü paopa peikhaio. Enou neletao vei cho moyuma rheisüh pokhai touyu buvu? Enou maitarali hia da-zhu khaitouyu moyuma souchoro khaitouyu buhae? Enou maitarali hia seihla toukhai touyu buhae? Hakinou Enou haibüa kaomoyu vah soukhai touyu bulouzü, Enou polouyu nasü paoh khapeilai.”

1 SAMUEL 12:5

Samuel nou chila peie, “Zhou teithe neletao nou Eye vah ashi ali-a soumoe, sheesha-a hrüa bubaie tea paopayu hai Mapao nou ae puhnou dopapei khaitouyu veo nou shaki süe. “Ouvai, Mapao nou Etao vei shaki nasüe,” tea puletao nou chila peie.

1 SAMUEL 16:6

Puletao nou velouyu phaki, Samuel nou Jesse nahpoutu Eliab ye zhingao loukhaie, puh lah haibüa tsüchoe, “Mapao nghoujü nou la-a buyu mai haina hai dolouyu maipouna vuzüyu phare.”

1 SAMUEL 24:10

Mapao nou neye chuhlya qulu hai hinou abah hi thou peiyu sü ne lah neye zhukhaio. Avei maitao nou neye southa-o tea ahi paowe, ana Enou neye southa ba-a baire, daiolouzü ne hai Mapao nou dopa peikhai touyu veo mai ali-e.

1 SAMUEL 24:6

ae puhnou puhvei maitao hi paoe, “Mapao nou theadzü napei khaitoua panou Israel maivei veo souyu avei paopu pei hisü Eye panou abah khakhaiso! Puh hai Mapao nou dopa peiyu veo mai alie, südonou puh pei hi hashi ali-a Enou soulai moe!”

1 SAMUEL 26:16

Abner, nenou souzü vah nasü soulou more. Hriyu Mapao zhih hinou E chaachou souwe, süolouzü neletao mai hrülai nou thaiyu kao-e, daiolouzü Mapao nou veo dopeikhai touyu neletao vei paopuye sü neletao nou vulou more. Zhukhaio, veo vei heung sü daiki bue? Veo pei hinou khaitouyu dzübvü nasü daiki bue?”

1 SAMUEL 26:9

Ana David nou puh hi paoe, “Ne puhye southa laimoe; daiolouzü Mapao nou theadzü napeikhai toua veo panou soure donou dopa louyu puhye maitaralia southayu maina sü puhnou tudee-a bailai.”