DOPFÜYU 4:19 - SHEEYU BAIBEL (BSI)

¹⁹ Lüche jünou taveipoa puletao nou Etaoye thaihu loure. Puletao nou Etaoye deichi vanou huloure, Puletao nou Etaoye lichomoa buyu hinou radeiki hinou nüloure.

DOPFÜYU 4:19 Iomraidhean Croise

JEREMIAH 16:16

Mapao nou paoe, “Zhukhaio, Enou kha phoumai alao seive puletaoye panou nüloulai. Süthaisü Enou sou huyu mai alao seive peilai, ae puletao nou puletaoye deichi teitei hinou ae lyaqulu veishi hinou hupoa talai.

JEREMIAH 4:13

Zhukhaio, ngaoba maisü teihao büa laire, puletao vei rheiluki khesü chishoyu rürai veiyu büre, ae puletao vei rheisü teihi lüche jünoua tuvei puhie. Daizhou koute ngaopisa! Eletao sü halaire!

DOPFÜYU 1:13

“Puhnou mei sü reilova nou seikou peie, ae mei sünasü alekhe nou kei-a nou bue. Puhnou Eye muloure donou shorü southou khaipeie, ae Eye deiphi pokou khaipeiwure. Süthaisü puhnou Eye thaokhaiwure alia Eye panou sokhai timoa soua nou bua baire.

HOSEA 8:1

Mapao nou paoe, “Ngaoba mainou Amaitao vei teidei hi loure donou rashopeiki büa laire, shabe sü houre donou soudalouo, daiolouzü puletao nou Eye koa Vo soukhai touyu nasü souphewure, alia Avei chikha khesü pfüthouwure.

HOSEA 8:3

Ana puletao nou vah aveih nasü soumoa malaiwure; südonou puletaoye sü ngaoba mainou ngoulaiwulai.

LEVIMAI LARÜBVÜ 26:36

“Vakou maivei teidei hi nüpoa tayu maitaoye sü Enou ngaopi shoyu soupeilai, sübüa puletaoye panou teikhai nou süünghou ali hüle peiyu kho koute-a choulouyu phaki panou ngaopi-a tutalai. Mai linoua thaihu moyuma soureih hinou tutayu büa panou tutalai, ae ngaobamai hai nghiki ha-a buyuma panou kaodu ta-a bailai.

AMOS 2:14

Tuvei shoyu mai-a tutalou laimoe, khoushoyu mai-a puletao vei khouko sü bupu laimoe, alia reihmai koutea lah puletao vei hrirai khailu palou laimoe.

HABAKKUK 1:8

“Puletao vei rheitao hai shirakhao jünou tuveih hie, hrouyu nüsei jünoua khusho hie. Rheipfüyu mainou khuveishoa hukouwe. Puletao vei rhei pfüyu maitao hai doushoyu buh hinou vewe, lüche linou ha nütoulai busoua puletao sü zhaovewe.

PAODAKHAIYU CHIKHA 28:49

Neletao nou la sümoyu, dousho-a buyu tyahrü ali, Mapao nou neletaoye panou dure donou seive peilai. Puletao nou leche ali büa neletao hisü zhaovelai.