DOPFÜYU 4:16 - SHEEYU BAIBEL (BSI)

¹⁶ Mapao nou puletaoye donou tsücho peimore, puhnou puletaoye sü soupho rarou peiwure. Puhnou Etao vei napao maitao ae süthai-apei maitaoye sü tsükhou peimore.

DOPFÜYU 4:16 Iomraidhean Croise

SHURAI 49:7

Puhai vei lekha nasü panou chaa pfütheo, daiolouzü haisü ngaopi shore, rarou hisü chaa bulai, daiolouzü haisü khushore. Enou puhaiye sü Jakob kikhamai hinou porasa touwulai, alia Israel mai hrohinou puhaiye sü porarou peiwulai.

2 PUOPAOKO 36:17

Südonou Mapao nou Babilon hi Veo ye panou puletao pei hi reih souvere. Veo nou Judah hi nahlemai hrülaiye sü southawure ae Rathoki-a soushiwure. Puhnou Judah hi maiye sü taidu, naotu poutu, ae veishi sümoa zhuveayu aliro ha-a nou southakhai toure. Ramai nou haibüa mai hrülaiye sü puh bah hi thaothou peiwure.

LOUTAO 106:27

ae puletao vei tyaosholea maitaoye sü panou porarou ta-a vakou maivei teidei hinou pa thaita bailai tea puhnou lelawure.

LOUTAO 106:44

Ana puletao nou krayu pai sü Mapao nou keinou peie, ae puletao nou veahoyu nasü puhnou süpeie.

ISAIAH 24:2

Mai hrülai sü raibütoua bailai, maisoua ae napao maitao, qila maitao ae paopu maitao-a, zhoyu mai ae hülouyu maitao-a, poupao peiyu maitao ae pou louyu maitao-a, toungiyu na-a alia touhayu maina-a raibüa bailai.

ISAIAH 47:6

Enou avei maitao pei hisü rarou loure, avei kikaa thaore maitaoye sü ahrao soupeie: Enou puletaoye sü ne bah hi thoupeie, anou nenou puletaoye sü zhuvea peimoe; tsümai koute-a nenou koupo sü sühpua nou peia baie.

JEREMIAH 15:4

Veo Hezekiah nahpoutu Manasseh nou Judah hi veo soua buyu teile hi Jerusalem hinou soukhai touyu vahtao donou Enou puletaoye deiphao mai hrülaiye panou puletaoye ngaoloua ngaopi shoyu soupeilai.”

JEREMIAH 24:9

Enou puletao hi veahoyu sü seive peia panou deiphao mai hrülaiye ngaopi shoyu soupeilai. Maikhe mainou puletaoye ngaophou moa konü peilai, ae Enou puletaoye soupho laiyu buh veishi hisü panou puletao vei zhih sü chaa soua poa talai.

JEREMIAH 52:24

Süpei hinou, reihmai peikhowo Nebuzaradan nou Napao Peicha Seraiah, puh khe hinou buyu napao Zephaniah, ae rathoki hinou peikhoyu mai asü noupu hukhamai soua nüpoa tare.

DOPFÜYU 2:20

Zhukhaio, Oh Mapao! nenou souvea peia buyu maitaoye sü zhupei khaio! Naotumaitao nou leshi sho-a buyu lah puletao vei nahmaitao vei vasou sü toua nou bure! Napao maitao ae rachipaola peiyu maitao sü Rathoki hinou southa peia nou bure!

DOPFÜYU 2:6

Etao nou puhye thoyu Rathoki nasü puhnou souphe soupho sasare; Puhnou sheeyu teithetao ae Soteithe sü souhawure. Puhvei lekha rarou hai veo hi ae napao maitao hi raibütoua vere.

DOPFÜYU 5:12

Etao vei süthai-apei maitao hai nüpoho rai nou daothawure; tsümaitaoye sü tsükhou peimore.

EZEKIEL 5:10

Süvanou Jerusalem hinou buyu pfüpuo maitao nou puletao vei nahmai hai toulai, ae nahmaitao nou puletao vei pfüpuoye toulai. Enou neletaoye sü shisho-a nou tudee peilai ae shokhai toua buyu maitao hai hupho rarou laikhai toupeilai.

PAODAKHAIYU CHIKHA 28:25

“Neletao ngaobamai nghoujü hinou Mapao nou neletao sü hraongu soupeilai. Ludu ali hinou neletao nou takou puletaoye reih soulai, ana ludu anai sou-a puletao hinou neletao hai turacha talai, alia deiphao mai hrülai nou neletao hi vepayu sü ngaoloua ngaopi sholai.

PAODAKHAIYU CHIKHA 32:26

Enou puletaoye sü huporarou khaiwua deiphao maiye panou puletaoye lichopu khailai more tea E tsü choe.

EBRIAMAI 8:9

Süsü Enou puletao vei puo-pao maitaoye baokao süthailoua Ejipt teidei hinou sapayu teithe zhou puletaoye koa soukhai touyu vo süna railaimoe. Daiolouzü puletao sü Avei vo hisü tobai soumoa bupeimoe, alia südonou Enou puletaoye chopeikhai more, tea Mapao nou paoe.