DOPFÜYU 4:13 - SHEEYU BAIBEL (BSI)

¹³ Ana hai khesü vepare, daiolouzü rachipaola peiyu maitao vei mahmo vanou ae napao maitao nou mahmo souwure. Puletao nou cheche maiye sü southawure.

DOPFÜYU 4:13 Iomraidhean Croise

JEREMIAH 14:14

Ana Mapao nou chila peie, “Rachipaolayu maitao nou azhih hinou mada-a paoa baie. Enou puletaoye seita moe, moyuma Enou puletaoye taho rachi paopeio tea kharochi peimoe. Puletao nou zho ngaoyu hai ahinou ve moe; puletao nou vepare chi paoyu hai dahrührüa puletao vei tsü hinou paopayu chipao baie.

JEREMIAH 2:20

Khoukobu Mapao nou paoe, “Oh Israel maitaore, neletao nou achi zübae ae Eye thobae. Deichi kuyu hinou ae süübe phi khonou neletao nou khakha-a tounah hrüloure vei rah sü thotare.

JEREMIAH 2:30

Hakonou E neletaoye tukha baire. Puletao nou achi zübare, zhaipou shishoyu khaosouveo ali büa neletao nou rachipaola maitao sü southare.

JEREMIAH 5:31

rachipaola maitao nou acheche chi paomore; napao maitao hai rachipaolayu maitao vei kharochi hinou teidei kho-a baire, ae avei maitao nou haisü jüpa loure. Ana akhai teile veyu kisü puletao nou dai soulai?”

JEREMIAH 6:13

Tai-du soumoa mai hrülai nou kaomoyu ludu hinou tounüa viyu sü phou-a baire; rachipaolaiyu maitao ae nahpao maitao koutea maikhe maitao hisü da-a baire.

DOPFÜYU 2:14

Nevei rachipaola peiyu maitao hai dayu deinou hachi kukhe paore halia hazei toure; Neletaoye süthai mah peire donou puletao nou neletao vei mahmo khesü paopa peimore. Puletao nou neletaoye panou ledayu hai komoe tea licho loure.

EZEKIEL 11:6

Neletao nou nuhdu hai hinou mai alao southare, südonou luduva hisü thaiphao nou phoutao-a bure.

EZEKIEL 22:25

Süthai-apei maitao hai souveo nou soukhaona southakhai touyu hinou ra-a buyu büa bure. Puletao nou maiye sü southare, puletao nou polou süyu koute hai maivei pousha ae na khesü poloure ae puletao nou maiye southayu donou mimea maipfü hai alao pare.

MATHIU 23:31

Südonou neletao nou neletao hai rachi paolamai taoye southeayu maitao vei nahmaitaoe touyu hai lah neletao-a aetouwe.

SEI-ATAMAI VAHTAO 7:52

Neletao puokhemai taonou rachi paolamaitao hronou thaohye souvea moyu bue? Alia puletao nou Achecheo verevei raia paosü peiyu maitaoye koutea southeare. Alia chuo neletao nou puhye sü shoh soupei-a southeare.