DOPFÜYU 4:11 - SHEEYU BAIBEL (BSI)

¹¹ Mapao nou puhvei lekha rarou veishi hai phapeiwure; Puhnou Zion sü mei shaopeiwure, sünanou beikhei teitei sü meideire.

DOPFÜYU 4:11 Iomraidhean Croise

ISAIAH 51:20

Nevei nahmaitao hai lülou hoa sheatare, puletao hai ludu kinou züa bure, shu ali rüh hinou mulouyu büa züa bure, puletao hisü Mapao vei chaa ae Ramai vei rarouyu sünou phoutao-a bure.

JEREMIAH 13:14

Süthaisü Enou puletaoye leekhao poloua daphe peiyu büa puletaoye taidu ae tsü-le sümoa daphe daphosasa peilai. Enou puletaoye southayu phaki, zhuvea leshi peiyu halinoua Eye khuloulai moe.”

JEREMIAH 17:27

Ana puletao nou achi sü zülai, ae Soteithe sü sheeyu teithe soua reilai. Puletao nou Jerusalem vei robomütao hinou süzhou hai hanalia pfülou moa pfüpa laimoe. Hakinou Enou paoyu zümoa puletao nou soupfü louzü Enou Jerusalem vei robomü khesü mei deiwulai. Mei nou Jerusalem vei vebuh-a deilaiwulai ae mai linoua mei sü sounghi loulai moe.”

JEREMIAH 21:14

Ana Enou neletaoye neletao nou soupfü khaitouyu thaifüa tudee peilai. Enou neletao vei vebuh sü meidei peilai, ae süna pehao hi buyu veishi sü deihawulai. Haisü Mapao Enou paowe.”

JEREMIAH 36:7

Puletao nou Mapao hi veachi paoloua puletao nou vah ashi souyu khesü thaolou vei-e, daiolouzü Mapao nou puletao hi puhvei lekha rarou hai ngaopi sho-a paopei khaitoue.”

JEREMIAH 7:20

Südonou Ramai Mapao Enou Rathoki haina hisü avei lekha rarou lakou peilai. Avei rarou nasü maikhe maitao hi ae kikhaorütao hi, alia süübetao ae shina maratao pei hia raibütoua koupeilai. Avei lekha rarou nasü mei büa taolai, ae mai linoua hai nasü souhei loulai moe.

DOPFÜYU 2:1

Mapao nou puhvei lekha rarou hinou Zion sü teimai teizhi sünou hongilure. Puhvei haveih khesü deiphi hi soushikou khaipeiwure. Puhnou lekha payu teithe sü puhvei Rathoki koute-a thaokhaiwua tare.

DOPFÜYU 2:17

Mapao nou soulai tea paopi peia buyu nasü soupeiwure: Puhnou Etaoye sü zhuveayu aliro ha-a raichoki nou puhnou paopi peiyu büa soushi souhawure. Puhnou Etao vei ngaoba maitaoye panou veiloure, Etao nou kaodu tayu nasü panou puletao vei asah sü soure.

DOPFÜYU 2:3

Puhvei lekha rarou hinou Israel maivei khouko veishi sü souphe soupho khaiwure; Ngaoba maitao nou Etaoye tave soushi-a buyuma puhnou Etaoye soukha peibare. Puhnou mei taoyu büa Etao vei buyu na veishi sü deihakhai toupeire.

DOPFÜYU 2:4

Puhnou Etaoye sü ngaobamai ali büa puhvei voulouthou sü paipa Etaoye kare donou buloure, Etao vei asah souyu ae jüpa-a buyu hrülai sü puhnou souhakhai toupeire. Jerusalem hai hinou Etao hai puhvei lekha rarou nanou dei-a nou bue.

DOPFÜYU 2:8

Mapao nou Zion vei kivo sü soushire donou lela chewure; Puhnou sütao hai soushikhai toure donou douche khaiwure. Chuo kipeitaoh ae kivo khesü soushikhai toua bure.

DOPFÜYU 4:22

Zion hai lah puhvei mahmo vanou veahoyu nasü pfüwe; Mapao nou Etaoye sü teile sho-a nou hukhamai soua panou vakou bupulai more. Ana oh Edom, Mapao nou neye sü tudee peilai, puh nou nevei mah khesü popa ngaopeilai.

EZEKIEL 22:31

Südonou avei lekha rarou nasü puletao hi velai ae mei nou deihayu büa Enou puletaoye sü puletao nou soupfü khai touyu vahtao donou souhawulai.” Haisü Ramai Mapao nou paowe.

EZEKIEL 36:18

Südonou puletao hisü avei lekha rarou hai panou vere, daiolouzü puletao nou teidei hai hinou maiye southa dathare ae puletao nou bashara khesü thotayu donou teidei hainasü souzhai khaiwure.

EZEKIEL 6:12

Kadou kounou buyu maitao hai sounou soua nou thailai; nghia buyu maitao hai soureih hinou southawulai, shokhai toua buyu maitao hai houzüa thai bailai. Puletao hi avei lekha rarou veyu nasü puletao nou süloulai.

DANIEL 9:12

Nenou Etao hi ae Etao peikho maitao hi soulai tea paoyu nasü nenou soupeie. Nenou Jerusalem pei hi tudee peiyu büa deiphao hi buyu nuhdu kukhe ali hiro tudee peimo hie.

LEVIMAI LARÜBVÜ 26:28

avei lekha rarou hinou neletaoye raichoki veahoyu jünou bakha anai hai souveapu peilai.

ZEPHANIAH 2:2

neletaoye thouba chelaiyu büa hulaimo jünou, Mapao vei lekha-rarou sü neletao hi vemo jünou, Mapao vei rapayu teithe vemo jünou tavelo.

ZEKHARIAH 1:6

Enou avei kilai rachi paolayu maitao hinou kharochi ae tukhayu zhaitao sü seive paopeie, ana puletao nou sütao hai ngaophou peimore. Südonou puletao nou ngaozü na thaifüa veayu ngaoe. Süthaisü puletao nou le daloua puletao veayu hai, Khoukhoulai Mapao Enou souvea baie alia sübüa veayu hai vea züa baie touyu lah puletao nou süloue.”

LUK NOU RÜYU KO AVEIBVÜ 21:22

Daiolouzü rüthoukhai touyu teiteisü vete loure donou sütaosü khüh phouyu teithetaoe.