DOPFÜYU 4:10 - SHEEYU BAIBEL (BSI)

¹⁰ Avei maitao hi veahoyu veyu hai ngaopi soure; leshisho-a buyu pfü maitao nou lah nahmaiye touso soua khotoure.

DOPFÜYU 4:10 Iomraidhean Croise

2 VEMAITO 25:3

Po süna vei khouh adai nava khoukha akü zhou hai nuhdu hinou hrüyu maitao hai halie toure hazei toure, daiolouzü buh sühisü tokaa shisho loure,

ISAIAH 22:2

Nuhdu teitei hisü shurao soua buyu sü daidonoue? Neletao mai thaiyu hai khoche nou daotha moe, moa reih soua thaimoe.

ISAIAH 49:15

Südonou Mapao nou chila peie, “Naotumai ali nou puhvei nahtouye ngailou süvu, ae honapai nou nakhai touyu nahtou naye leshi laimowu? Honapai nou nahtouye ngaiyuma Ewo louzü neletaoye ngaikhai toulai moe!

JEREMIAH 19:9

Ngaobamai nou nuhdu hai nasü sühao loulai ae sühinou hrüa buyu maitaoye sü southare donou telai. Ngaobamai nou nuhdu sü soutaosoua dalouyu donou vakou palou shia nuhdu khevai buyu maitao hai alinou ali vei sou toulai, lahvei nahmai koute-a datha toulai.”

DOPFÜYU 2:11

Avei nghithou hai krapouleyu donou ha ngaotou more; Ale sü veashore. Avei maitaoye soushi souhayu donou dopfüa E sü shaloure. Nahmaitao ae nahmaitou khesü nuhdu vei duva hinou shatare.

DOPFÜYU 2:20

Zhukhaio, Oh Mapao! nenou souvea peia buyu maitaoye sü zhupei khaio! Naotumaitao nou leshi sho-a buyu lah puletao vei nahmaitao vei vasou sü toua nou bure! Napao maitao ae rachipaola peiyu maitao sü Rathoki hinou southa peia nou bure!

DOPFÜYU 3:48

Avei maitaoye soushi soukanghi peiyu donou anghithou hai reidzü büa nghidzü nou küa bure.

DOPFÜYU 4:3

Lakhao koute-a lah puletao vei toutu sü leshi-a nou kiko peiwe, ana avei maitao hai ostrik rehou büa lahvei nahmaiye leshi peimore.

EZEKIEL 5:10

Süvanou Jerusalem hinou buyu pfüpuo maitao nou puletao vei nahmai hai toulai, ae nahmaitao nou puletao vei pfüpuoye toulai. Enou neletaoye sü shisho-a nou tudee peilai ae shokhai toua buyu maitao hai hupho rarou laikhai toupeilai.

LEVIMAI LARÜBVÜ 26:29

Neletao nou houzü zhuleyu donou lah neletao vei nahmai koute-a panou toulai.