DOPFÜYU 3:48 - SHEEYU BAIBEL (BSI)

⁴⁸ Avei maitaoye soushi soukanghi peiyu donou anghithou hai reidzü büa nghidzü nou küa bure.

DOPFÜYU 3:48 Iomraidhean Croise

LOUTAO 119:136

Maikhe mainou nevei chikha khesü sümoyu donou reidzü küyu büa anghidzü sü kükoua bure.

LOUTAO 137:1

Babilon reipe hinou etao hai dopfüa nou chobue; Etao hai Zion ye sü licho loua nou kra-e.

JEREMIAH 13:17

Hakinou neletao nou keipei molouzü, neletao vei khaophu vanou kheikhei soua Enou kralai; Enou kradu kra-a anghidzü koulai, daiolouzü Mapao vei maitao sü hukhamai sou-a nüpoa tare.

JEREMIAH 14:17

Enou leveayu nasü maikhe mai hi paopeio tea Mapao nou ahi haibüa paoe: “Hea khei sümoa anghi sü panou nghidzü koupeio, Eye panou krayu sü chaoso, daiolouzü avei maitaoye sü shisho-a zhiloure, ae puletao vei zhimü sü dusho loure.

JEREMIAH 4:19

E veare, E veare! E souzhule donou shalou hore! A lethou! Alethou soulere! E ngasou buthoulou hore; Soureih soure paikho ae shabekho khaikho nou E chou-a baire.

JEREMIAH 9:1

Oh apei hai dzübvü ali-e tulouzü, ae anghithou hai dzüla toulouzü, Enou Amaitaoye southayu vanou hea-khei sümoa kra-a bua bailai.

JEREMIAH 9:18

Maikhe maitao nou paoe, “Etao ngheidzü soukou peiloure donou, ae nghithou hi panou ngheidzü phoupei loure donou thasho-a puletaoye panou velou kouli lipei khaio.”

DOPFÜYU 1:16

“Hai vanou Esü krawe, nghidzü nou anghithou sü phouloure. Eye sousava peire mai lia hare; mailinoua avei tsüle soudu peiloure mai hare. Ngaoba maitao nou ajünou veiloure; avei maitao hai hazei tare.

DOPFÜYU 2:11

Avei nghithou hai krapouleyu donou ha ngaotou more; Ale sü veashore. Avei maitaoye soushi souhayu donou dopfüa E sü shaloure. Nahmaitao ae nahmaitou khesü nuhdu vei duva hinou shatare.

DOPFÜYU 2:18

Oh Jerusalem, nevei kivo khesü panou shusoua Mapao hi kra khaio! Nevei nghidzü sü panou reidzü büa hea-khei sü kü khaio: Sokhai timoa kra-a dopfü loukhaio!