DOPFÜYU 3:39 - SHEEYU BAIBEL (BSI)

³⁹ Etao nou soumah pfümah khaitouyu vanou Etaoye tudee peiyu phaki, Etao daisounou nolealea bulaige?

DOPFÜYU 3:39 Iomraidhean Croise

2 VEMAITO 3:13

Elisha nou Israel maivei veo hisü haibüa chila peie, “Enou neye daivanou soukha peilai? Ne pfüpuo nou phakuyu rachipaola peiyu maitao hinou taho nouloua baio.” Joram nou chila peie, “Moe, Mapao nou veo mai Etao asüye Moab maivei veo bah hi thaothou peiyu phare.”

2 VEMAITO 6:32

Südonou puhnou Elishaye nüloure donou kopomaiye seitawure. Süphaki Elisha hai puhvei ki hinou puhye ve chayu tsümai daotuli hai koa nou bue. Veo vei kopomaitao nou veloumo jünou, Elisha nou tsümaitao hi paoe, “Maiye southayu nanou Eye southare donou maiye sü seivere! Puletao nou hai hi veyu phaki, kikhu sü khulo ae puletaoye panou kihikha talouso, veo-a puletao vei thailova nou koa lai-e.”

2 VEMAITO 6:33

Puhnou chi sütao hai paoche louyu thaibü, veo nou tave loua haibüa paoe, “Mapao nou Etao hi haibüa veahoyu teitei sü pove peia baie. Chuo E daisounou puh vei vuh sü khopua nou bukou laige?”

EZRA 9:13

Haibüa Etao nou vah ashi souyu ae mah souyu donou veayu teitei hai, Etao Ramai-o louzü Etao vei mah jünou tai-e Etaoye tudee baie, alia süpeinou Etaoye haibüa soukha peie.

JOB VEI LARÜBVÜ 11:6

Puhnou neye thoushoyu hasü nou popa doupeilai, Ramai vei tsüdo aveih nasü deiphao mainou süve telou hoe. Ramai nou neye souvea zü buyu jünou khai-a souvea-a baie.

JOB VEI LARÜBVÜ 15:13

Ne Ramai pei hi rarou-a puhye paoshiwe.

LOUTAO 107:17

Kamai sü voyu donou puletao vei mahmo vanou sounou soua bue, ae puletao nou vah ashi souyu donou veaho-a nou bue.

TSÜCHITAO 19:3

Mai linou züdou moyu soupfüa haka tayu phaki, puhnou rapa-a Mapao pei hi paodu-a bubaiwe.

ISAIAH 51:20

Nevei nahmaitao hai lülou hoa sheatare, puletao hai ludu kinou züa bure, shu ali rüh hinou mulouyu büa züa bure, puletao hisü Mapao vei chaa ae Ramai vei rarouyu sünou phoutao-a bure.

JEREMIAH 10:19

Jerusalem hi maitao nou haibüa kra-a paoe, “Etaoye sü zhishi showure! Etao vei zhimü sü veilou hore. Etao nou haisü healou süe tea tsüchoe.

JEREMIAH 30:15

Neletao zhizhu louyu vanou daisounou neletao nolealeawe? Neletao nou souyu sü veilou hoe. Enou neletaoye haibüa tudeeyu hai daisou nouge touyuo neletao vei mah pousho loure, ae neletao vei ashi sü dusho-a buloure.

DOPFÜYU 3:22

Mapao vei tobai soumoa leshi peiyu ae zhuvea peiyu nasü chukoute-a buhie.

LEVIMAI LARÜBVÜ 26:41

ae süvanou Enou puletao pei hi rarouloua puletaoye sü ngaobayu maitao vei teidei hi seiho khaiwure. Akhai hikou haibüa neletao vei nahmai tyaomaitao nou leda louzü ae puletao vei mah donou veahoyu hai ngaoloure toulouzü,

LEVIMAI LARÜBVÜ 26:43

Daiolouzü rai-a nou teidei nasü panou mai hrümoa thaokhailai, sübüa teidei sü panou soyu hai ngaoche loulai, ae puletao nou lah vei mahmo donou veahoyu sü ngaolai, daiolouzü puletao nou avei chikhatao ae kharochi khesü züba-a malaiwure.

MIKAH 7:9

Mapao vei lekha rarou ae chaa nasü Etao nou teile daotuli hai pfüa bulaire, daiolouzü Etao nou mah souwure. Ana akhai hiolouzü puhnou Etaoye vupa peilai, ae Etao hi kaozü moyu nasü souzü peilai. Puhnou Etaoye ava hi popa peilai; Puhnou Etaoye khailupa peiyu nasü Etao nou ngaolai.

MAIPEI PHOUYU 11:11

ae puhnou Mapao hi paoe, “Ne kilai Eye daisounou haibüa souveawe? Ne daisounou Eye dzüphiwe? Ne daisounou mai haitao hrülaiye zhure vah sü ahi peiwe?

MAIPEI PHOUYU 16:41

Thainesho hai Israel maisou nou Moses ae Aaron pei hisü rao-a nou haibüa paoe, “Ne hai nou Mapao vei maiye sü southawure.”

MAIPEI PHOUYU 17:12

Israel maitao nou Moses hi paoe, “Süthaisü Etao hai sühinou che-a baie!

PONGAOPEIYU 16:9

Puletaoye sü soushoyu meisounou chapeire, alia veahoyu haitao pei hi khouko buyu Ramai puh zhihsü puletao nou paoshi paokha peire, alia puletao nou le daloua puhvei dushosü paosho peibae.