DOPFÜYU 3:37 - SHEEYU BAIBEL (BSI)

³⁷ Mapao vei leli loumoa nou mai linoua halia soupfü louhoe.

DOPFÜYU 3:37 Iomraidhean Croise

2 SAMUEL 16:10

“Hai nasü nevei vah moe, hakianou ne ‘David ye chaa peio,’ tea Ramai nou puh hi paoyu vanou chaa-a bailouzü, ‘Ne daisounou haikua veoye chawe,’ tea thaonou paolou süe?” tea veo nou Zeruiah nahpoutu hi paoe.

1 VEMAITO 22:34

Ana Sairia vei reihmai ali nou puhvei voulouthou sü tarasoua kapayu hinou Israel hi Veo Ahab vei rü ae khaohoyu kohinou kapeiwure. Südonou puhnou puhvei rheiluki pfüyu na hisü paoe, “Reihbu hinou Eye vakou sapa peia baio, daiolouzü Eye zhipeiwure.”

2 VEMAITO 6:33

Puhnou chi sütao hai paoche louyu thaibü, veo nou tave loua haibüa paoe, “Mapao nou Etao hi haibüa veahoyu teitei sü pove peia baie. Chuo E daisounou puh vei vuh sü khopua nou bukou laige?”

JOB VEI LARÜBVÜ 10:13

Ana raicho kinou ne Eye souhawure donou kheikheisou-a tuda khaiwure touyu chuo E süloure.

JOB VEI LARÜBVÜ 2:10

Job nou paoe, “Ne voyu chi paowe! Ramai nou Eh hi havei peiyu phaki sa sa-a polou, ae Eh hi veayu panou veyu phaki kabüa Ramai pei hi vamoyu chi paolai?” Taibüa Job nou haizhou koute veayuma Ramai pei hi chi-lashi ali-a paomoe.

TAPALOUYU 10:10

Veo nou puhai hi paoe, “Enou Mapao zhih hinou chaachou souwe, süolouzü neletaoye panou naotumai ae nah maitaoye satakhai laimoe. Daiolouzü neletao nou tsü ashi cho-a baie.

TSÜCHITAO 16:9

Mai ali nou tsüchodawe, ana Mapao nou puhvei phika süthaita peiwe.

TSÜCHITAO 19:21

Mai ali vei tsü hisü chodayu hai alao bue, ana Mapao vei leli thaifüa soushu paloua bailai.

TSÜCHITAO 21:30

Tsüvei linoua, kaiyu linoua, douzüapei linoua po-a Mapao ye dulou hoe.

ISAIAH 46:10

Soushu arai nou akhai koute vepare khesü Enou paosüpa peiwure; daoh raichoki nou vepare sü paopeiwure. Enou lichoda khaitouyu khesü vepalai; ae Enou soulai tea buyu khesü souvete vuzülai, tea Enou paopeiwure.

JEREMIAH 23:32

Mapao Enou paoyu sü keilo! Dahrührüa me paoyu rachipaola maitaoye sü Enou aetoulai moe. Puletao nou da-a me sü paopeia avei maitaoye sü süthaimah peiwure, ae puletao nou khaophu soua bue. Enou puletaoye sü seita moe, moyuma takhaio tea kharochi peimoe, ae puletao hai avei maitaoye donou koyu liro hae. Haisü Mapao Enou paowe.”

DANIEL 4:35

Puhye donou deiphao mai hai hazhotou lia moe; rakivamai ae deiphao mai hrülai hai puhvei khakhe hinou bue. Mai tarali nou puhye dulou hoe, mokhaia puhnou souyu vah khesü daivanou souwe tea noulou hoe.

ROMMAI 9:15

Daiolouzü puhnou Moses hi paoe, “Enou zhuveapei nüyu puh hisü Enou zhuvea peilai; Enou leshipei nüyu puh hisü Enou leshi peilai.”

EPHESAMAI 1:11

Ha teitei hai Ramai nou soudayu ea puh leli thaifüa souloure; alia Khristaye koa ali soulouyu hinou Ramai nou Eletaoye lah puhvei maitao souloure donou doloure daiolouzü Ramai puhnou soudayu nahai shuraikai hinou puhnou le layu süna vahinou beih soua bue.