DOPFÜYU 3:25 - SHEEYU BAIBEL (BSI)

²⁵ Mapao hai puhye lüa loucheyu mai hrülai hi veisho-e.

DOPFÜYU 3:25 Iomraidhean Croise

SHURAI 49:18

“Mapao, nevei khailu peiyu nasü Enou khoa bue.

1 PUOPAOKO 28:9

Ae Solomon hisü puhnou haibüa paoe, “Anahpoutu Solomon, nevei puo Ramai ye sü phoulo, ae nevei tsüle teitei nou peia puh vei kuvah sü sounü shoa soulo; daiolouzü Ramai hai Etao vei tsüchoyu ae jüpayu teitei sü süa baiwe. Nenou puhye phou louzü, puhye sü nenou ngaoloulai, ana nenou puhye thaowulouzü puhnou neye teisa nou thaowua bailai.

2 PUOPAOKO 15:2

ae puhnou Veo Asa ye ve daolai tea tare, alia puhnou haibüa paoe, “Veo Asa, ae Judah alia Benjamin mai hrülai, apai keipeio! Neletao nou Mapao ye koa salai louzü, puhnou neletaoye salai koute peilai. Neletao nou puhye phoulouzü, neletao nou puhye ngaoloulai, ana neletao nou puhye thaowu louzü, puh-a neletaoye thaowua bailai.

2 PUOPAOKO 19:3

Sübüa buyuma ne hi haveih sü bue, daiolouzü teidei hi buyu Asherah rapfüpai zhurai ae maikhe mainou tho-a buyu basharatao nenou souhalai khaipeiwure, ae nenou Ramai vei jüpa nasü soure donou phoua bue.”

2 PUOPAOKO 30:19

“Oh Mapaowo, Etao vei puopaoh Ramai, nevei zhai aveih hinou puletao vei tsüle teitei nou peia neye thoyu maitaoye sü naanou hilonou soushee loumoa buyuma puletao vei mah sü khaipeio.”

2 PUOPAOKO 31:21

Puhnou Rathoki donou souyu vah teitei ae chikha thaifüa soupfüyu teitei hai puhvei tsüle ae hrümai veishi nou Ramai hi pei-a soupfüyu donou puh hai savayu ngaoloude.

EZRA 8:22

Daisounou tiyuo Enou veo hisü reih soumai ae reih vei rhei pfüyu maiye peio tea kho haore, daiolouzü Enou veo hisü haibüa paowure, “Eh Ramaio Puhye louche-a buyu maiye sü vupei baiwe, ana Puh ye louche moa buyu mai hisü Puh vei rarou-lekha nasü bue.”

LOUTAO 105:3

Etao hai puhvei mai souyu donou lesalo; puhye thoyu mai hrülaiye sü panou asalo.

LOUTAO 119:2

Puhvei kharochi khesü züa laiyu maitao, ae puletao vei tsüle veishi nou peia puh chi züyu maitao hai vasayu maitao-e.

LOUTAO 22:26

Touhayu maiye sü panou tounü sü touloulai, Mapao ye phouyu maitao nou neye sü paosholai. Puletao panou teisa nou savayu sü soulou theo.

LOUTAO 25:8

Mapao hai cheche-e ae veisho-e, südonou puhnou mah maiye ludu daiki nou talai touyu hai doupeiwe.

LOUTAO 27:14

Mapao ye sü louchelo! Puhye lü louchelo, chathai taso. Mapao ye louchelo.

LOUTAO 27:8

Nenou “Ahi velo, ae Eye tholo” tea paoyu phaki, Enou haibüa chila peie, “Mapao, Enou ne hi velai,

LOUTAO 37:34

Mapao vei vu sü zhilo, ae puhvei chikha khesü zülo; puhnou neletaoye tsükhouyu hinou teidei nasü neletao hi peilai, ae mai ashi maiye hulaiyu sü neletao nou ngaolai.

LOUTAO 37:7

Heamealo ae Mapao vei vu khoa bulo; lah vei jüpa hinou soupfüa laiyu maitao nou vasayu nasü ngaoloua thainüso, moyuma do ashi soupfüyu hinou veilouyu maitaoye donou leaveaso.

LOUTAO 39:7

Süthaisü, Oh Mapaowo, Enou dai-e vuzhi-a bulaige? Avei areih nasü ne baie.

LOUTAO 61:1

Oh Ramai, Enou krayu apai sü chou peio, Enou veachi paoyu sü keinou peio!

LOUTAO 61:5

Oh Ramai, Enou ne hi apaokhai touyu khesü nenou süwe, ae neye tsükhou-a buyu maitao vei kikaa khesü nenou Eye peie.

LOUTAO 69:32

Mainou souvea souho-a buyu maitao nou hainasü ngaolouyu phaki, puletao hai lesa sholai; Ramai ye tho-a buyu maitaoye sü le souhro peipulai.

LOUTAO 71:14

Enou tobai soumoa ne vureih-a bulai; Enou neye sü paoshokhai poshokhai-a bulai.

ISAIAH 25:9

Teithe haizhou sü mai hrülai nou haibüa paolai, “Puh hai Etao Ramaie, Eletao nou puhye louchewe, alia puhnou Etaoye khailupeie. Puh sü Mapao, Etao nou puhye lüloucheyu vanou chuo Etao hai sava-a nou bure, daiolouzü puhnou Etaoye khailupa peie.”

ISAIAH 26:9

Khei teile hi avei tsüle teitei nou neye thainüwe, avei hrümai teitei nou neye phouwe. Nenou deiphao maiye chikuyu phaki deiphao hi hrüa buyu mainou acheche nasü süloulai.

ISAIAH 30:18

Anou chukoute-a Mapao sü neletaoye zhuvea peilai tea kho-a bue, puhnou neletaoye khuleshi peilai tea bue. Daiolouzü Mapao hai kaozü ae macha soupeio Ramai-e, Mapao ye loucheyu ae puh vuh kholouyu maikhe sü shiha ngaolouyu mai soulai.

ISAIAH 40:31

Ana Mapao vei vu kholouyu maisü puletao vei pfüchi sü soukhoupu peilai. Puletao sü leche büa shouh pfüloua zhaoloulai. Puletao sü tuta loulai ana vealai moe, puletao hai talai anou holai moe.

ISAIAH 55:6

Mapao ye sü ngaolou süa bukinou phoulo, ae puh nghiki bukinou kulo.

ISAIAH 64:4

Daoh nou zhou koute hai neye louche-a nevu reih-a buyu maitao hi haibüa vah haso soupeiyu Ramai kukhe ali-a ngaomo hie ae chou-a choumo hie.

DOPFÜYU 3:26

Südonou Etao hai heameapoa puhvei vu kholouyu haina-a veika-e, Etaoye khailupa peiloure donou puhvei vu kholo.

HOSEA 10:12

Acheche nasü neletao lah vuthoulo, tobai soumoa leshiyu nasü chilo; thoutai vuthou khaitouyu deisü shalo, daiolouzü chuki hai Mapao ye phouyu teilere, sükulouzü puhnou ve neletao ye teirü büa ha sü peilai.

ZEPHANIAH 3:8

Mapao nou paoe, “Enou kushulou-a neletaoye mahdure teithe nasü kholo. Tyahrü kheye pove jülou-a veteidei khesü save jülou-a, puletao pei hi Enou vamoyu Avei lekha-rarou nasü lakoure donou Ale lawure. Avei lekha-rarouyu mei nou deiphao teitei deihawulai.

1 THESSALONIMAI 1:10

puhnah Poutu, puhnou athai hinou souhrishu louyuna sülouzü Eletaoye vere Ramai vei rarou hinou khailupa peiyu Jisu veresü kabüa neletao nou khoa busa touyu vanou puletao lahnou paongao-a bue.

JEMS 5:7

Südonou, thaihou jürai khemai, Mapao vemo koutesü shamealo. Zhukhaio, tatamai alinou dei vei muhteiyu rashithou sü zhia, sünanou teirü araina ea teirü nana ngaomo sasü shamea-a kho-a bue.