DOPFÜYU 3:22 - SHEEYU BAIBEL (BSI)

²² Mapao vei tobai soumoa leshi peiyu ae zhuvea peiyu nasü chukoute-a buhie.

DOPFÜYU 3:22 Iomraidhean Croise

2 SAMUEL 24:14

“E veashore, Eye panou mai kukhemai bah hi delouwuso, Eye panou Ramai vei bah hi delou-a baio, daisounou touyuo puh sü maiye zhuvea leshi süshoe,” tea David nou chila peie.

NEHEMIAH 9:31

Anou nevei zhuvea leshiyu hai dusho-e, nenou puletaoye thaopei moe moa souha peimoe. Ne hai zhuvea leshi süshoyu Ramai-e!

LOUTAO 103:10

Etao nou ngaozü na thaifüa puhnou Etaoye tudee moe, moa Etao nou soumah pfümah khaitouyu thaifüa paoh khapei moe.

LOUTAO 106:45

Puhnou puletaoye donou vo soukhai touyu nasü licho peie, ae puhvei zhuvea leshi hinou puhnou puletao hi lekha nasü khaita peie.

LOUTAO 69:17

Nevei kilai ahinou ne zhu sü pfüku peiso; Esü veaho shoa nou bure— chunou avei akho nasü keipeio.

LOUTAO 77:8

Puhnou Etaoye zhuvea leshiyu nasü bairevu? Puhnou apaokhai touyu nasü vete morevu?

LOUTAO 78:38

Ana Ramai nou puhvei maitaoye sü zhuvea peie, puhnou puletao vei mahmo khesü khaipeie ae puletaoye sü souha pei moe. Vu taoli hai puhvei lekha rarou nasü khailoua panou pamoe.

LOUTAO 86:15

Ana newo louzü, Oh Mapaowo, maiye zhuvea süyu ae leshi süyu Ramaie, ne hai teisa nou heamea süyu, zhuvea leshi süyu ae chilee checheyu nasüe.

JEREMIAH 3:12

Puhnou Israel hisü taho haibüa paopeio tea ahi paoe, “Chilee cheche moyu Israel, ahi dakhai velo. Enou ne pei hi raroupu khailai more, dailouzü E hai maiye zhuvea süyu Mapao-e, Enou neye teisa nou rarou-a bulai moe.

JEREMIAH 30:11

Daiolouzü Enou neletaoye tave vupa peilai. Enou neletaoye hupho rarou khaitouyu tyahrü veishi sü souhakhai toupeilai, ana Enou neletaoye souhalai moe. Neletaoye tudee peimoa panou talai moe; ana Enou neletaoye kaozü hinou tudee peia bailai. Haisü Mapao Enou paowe.”

JEREMIAH 31:20

“Oh Israel, neye sü Enou leshi kayu nahpoutu nasüe, Enou jüpa kayu nahtou-e. Enou ne zhih sapayu chüsü Enou neye leshi-e. Avei tsüle sü ne hi bua baie, ae Enou neye zhuvea peilai.

DANIEL 9:9

Etao nou ne chi zümoa mahmo souyuma, Oh Mapaowo, newo louzü maiye zhuvea süe alia khailupa peia baie.

MALAKAI 3:6

“Mapao E hai data tumoe, südonou Oh Jakob tyaonah taore, neletao-a souha moe.

LUK NOU RÜYU KO AVEIBVÜ 1:50

Alia puhvei zhuveahai maikha-kha hinou puhye piyu maitaohi bue.