DOPFÜYU 2:6 - SHEEYU BAIBEL (BSI)

⁶ Etao nou puhye thoyu Rathoki nasü puhnou souphe soupho sasare; Puhnou sheeyu teithetao ae Soteithe sü souhawure. Puhvei lekha rarou hai veo hi ae napao maitao hi raibütoua vere.

DOPFÜYU 2:6 Iomraidhean Croise

LOUTAO 74:7

Puletao nou nevei Rathoki nasü soushi laiwua mei deiwure; puletao nou neye thoyu buh nasü souzhaiwure.

LOUTAO 76:2

Puhvei ki hai Jerusalem hinou bue; puhnou Zion Deichi hinou hrüe.

LOUTAO 80:12

Daidonou ne sünavei bokha khesü hrapa peiwe? Chuo süphi hi talai veyu mai tarali nou darkha shithou sü haitoulou bailaire;

LOUTAO 89:40

Nenou puhvei nuhdu kivo khesü dakhowure, ae puhvei reikhao buh khesü soushi peiwure.

ISAIAH 1:13

Hamako hinou Eye pove sheela peipu khaiso. Neletao nou poukai nüvei meidei-a Eye thoyu hai Ewo kai hüthoulou hore. Khouh Ashu Nüh nüyu, Soteithe reiyu alia maisou nou tave jüa buyu teitei sü Ewo zhu thoulou hore, daiolouzü sütao teitei hai neletao vei mah nou souzhai khaiwure.

ISAIAH 1:8

Jerusalem nuhdu likhei shokhaitoua bubaire, nuhdu sünasü darkha kipei hi repao ali büa ae rekou hi sahpao haobuyu ali büa duloure buh ali-a hazei toure.

ISAIAH 43:28

alia neletaoye khasa-a buyu peikho maitao nou avei sheeyu rathoki nasü souzhai peiwure. Südonou Enou Israel maiye sü panou soushi khaiwure hisü peithouwure; Enou avei maitaoye sü panou hraongu ngaore donou souwure.”

ISAIAH 5:5

“Enou avei darkha kipei hi dai-e soulai touyu sü neletao hi paongaolai: Enou bokha sü hralaiwulai, ae bouvo sü dakhao laiwulai alia rekhaona panou talou toulou-a deisasa-a bailai.

ISAIAH 5:6

Enou kipei nasü phi soupei mo-a nou vukhai bailai, phi soupeiyu thaosü panou pounghou ae shube khenou paphoulou bailai. Enou teihao-a panou sühisü teirü koupei laimoe.”

ISAIAH 63:18

Phajü touli hai nevei sheeyu maitaoye sü ngaoba mainou hulaiwure, puletao nou nevei sheeyu Rathoki nasü taisasare.

ISAIAH 64:11

Etao vei sheeyu ae hüvei shoyu Rathoki, raichoki Etao poupaoh maitao nou neye paoshoyu ki nasü mei nou deihawure. Etao nou sava-a nou jüpa-a buyu buh veishi sü souhawure.

JEREMIAH 17:27

Ana puletao nou achi sü zülai, ae Soteithe sü sheeyu teithe soua reilai. Puletao nou Jerusalem vei robomütao hinou süzhou hai hanalia pfülou moa pfüpa laimoe. Hakinou Enou paoyu zümoa puletao nou soupfü louzü Enou Jerusalem vei robomü khesü mei deiwulai. Mei nou Jerusalem vei vebuh-a deilaiwulai ae mai linoua mei sü sounghi loulai moe.”

JEREMIAH 42:18

“Israel maivei Ramai Mapao nou paoe, ‘Enou avei lekha rarou hai Jerusalem maitao hi lapa peiyu büa neletao nou Ejipt hi hota louzü, Enou neletao hia lapa peilai. Neletaoye sü ngaora sholai; maikhe mainou neletaoye ngaoposhu neletao vei zhih hai chaa soua polai, ae neletaoye konü peilai. Neletao nou teidei hai nasü ngaopu loulai moe.’”

JEREMIAH 45:4

“Ana Mapao Enou soukhai touyu khesü daphe dapho laiwulai, ae Enou shothou khaitouyu khesü paipa laiwulai. Enou haisü deiphao veishi hi soupeilai.

JEREMIAH 50:28

(Babilon teidei hinou tupa louyu maitao nou Jerusalem hi vere, ae puletao nou kabüa Etao vei Ramai Mapao nou puhvei Rathoki hi soupeiyu vei khüngu sü Babilon mai hi phoupeie touyu khesü paongao-e.)

DOPFÜYU 1:4

Mailinoua chuo Rathoki hisü sheeyu teithetao hia tave ratho more. Naotumaitao nou sühinou veahoyu vei lou soua bue, ae napao maitao nou lüpoa nou bue. Nuhdu vei rokhubomü khesü sakhai-a nou bure, ae Zion sü veahosho-a nou bure.

DOPFÜYU 4:16

Mapao nou puletaoye donou tsücho peimore, puhnou puletaoye sü soupho rarou peiwure. Puhnou Etao vei napao maitao ae süthai-apei maitaoye sü tsükhou peimore.

DOPFÜYU 4:20

Eletao vei hrirai, Mapao nou dopa peiyu veo sü puletao nou nüloure; ngaobamai taralinou soureih souveyu phaki Etaoye vupa peilousüe tea Etao nou louche-a buyu nasü puletao nou nüloure.

DOPFÜYU 5:12

Etao vei süthai-apei maitao hai nüpoho rai nou daothawure; tsümaitaoye sü tsükhou peimore.

EZEKIEL 17:18

Puhnou lah chaachou soukhai touyu nasü souphewure ae vo soukhai touyu nasü püthore. Puhnou hai teitei hai soupfüre, südonou chuo puh sü tupa loulai moe.”

LEVIMAI LARÜBVÜ 26:31

neletao vei nuhdu khesü soukanghi khaiwulai, neletao nou rathoyu buh khesü soushiwulai, ae neletao nou posheela peiyu khesü Enou popeilai moe.

ZEPHANIAH 3:18

Neletaoye soushire nasü Enou neletao hinou popa laipeilai, sübüa panou neletaoye sü chaa nasü pfüpu laimoe.

MALAKAI 2:9

Südonou ne sü maikhemai nghoujü hinou hraongu soupeilai, daisounou touyuo, nenou avei ludu nasü tamoe, ana nenou maikhe maiye soukua chikha sü doupeiwe.