DOPFÜYU 2:2 - SHEEYU BAIBEL (BSI)

² Mapao nou zhuveayu aliro ha-a nou Judah vei nuh teidei khesü souhawure, ae puhvei lekha hinou teidei vupeiyu reihkhaobu khesü soushi laiwure. Puhnou vedei nasü ae sühi süthai-apei maitaoye sü hraongu soupeiwua deiphi laikhai peiwure.

DOPFÜYU 2:2 Iomraidhean Croise

JOB VEI LARÜBVÜ 2:3

“Ne akilai Job ye ngaoho ngaomoe?” tea Mapao nou noue. “Deiphao hi puh büa paochi züyu alia veiyu mai kukhe ali-a hae. Puh hai Eye thowe, alia hashi touyu lia soumore donou soutaosou tsü cho-a hrüwe. Puhnou hashi ali-a soumoyuma nenou puh pei hi hraire donou tea ahinou kholoure, ana chu koute-a puh hai dao raichoki bütou tea cheche hinou bu-a baie.”

LOUTAO 21:9

Puhnou veyu phaki, puletaoye sü mei deiyu büa souha peilai. Mapao vei lekha rarou sünou puletaoye sü zhaoloulai, ae mei nou puletaoye sü deihawulai.

LOUTAO 74:7

Puletao nou nevei Rathoki nasü soushi laiwua mei deiwure; puletao nou neye thoyu buh nasü souzhaiwure.

ISAIAH 22:5

Daiolouzü Khoukhoulai Mapao nou zho kounou ngaoyu Deikho hisü panou büraroua ngaopiyu, haongu pa ngaoyu, ae nuhdu vei kivo panou pepotayu alia shusoua sharayu paisü pa deichiva hi khana büyu teithe sü panou vedaoe.

ISAIAH 23:9

Puletao vei kathe, khaophu souyu teitei, alia deiphao mainou tsükhoua buyu veishi sü souhare donou Khoukhoulai Mapao nou haibüa soure donou tsüchoda khaiwure.

ISAIAH 25:12

Puhnou Moab maivei kushoa soukhai touyu kivo ae reihkhaobu khesü deiphi hi soulakou khaipeilai.

ISAIAH 26:5

Khaophu souyu maiye sü puhnou souna taikou khaipeiwe, duso shoa buyu nuhdu khesü puhnou souha peiwe, ae puhnou nuhdu vei kivo khesü deiphi hi soupepokou khaipeiwe.

ISAIAH 27:11

Süübo khesü kita chata-a bailai, alia naotumai nou süü sükhesü poloua mei deilai. Daiolouzü maikhe mai hai sükulou süyu tsüdo sü hare, südonou puletaoye Sou-apeio nou puletaoye zhuveayu sü bulai more, ae puletaoye leshi-jüpayu sü ngaopei laimoe.

ISAIAH 43:28

alia neletaoye khasa-a buyu peikho maitao nou avei sheeyu rathoki nasü souzhai peiwure. Südonou Enou Israel maiye sü panou soushi khaiwure hisü peithouwure; Enou avei maitaoye sü panou hraongu ngaore donou souwure.”

ISAIAH 47:6

Enou avei maitao pei hisü rarou loure, avei kikaa thaore maitaoye sü ahrao soupeie: Enou puletaoye sü ne bah hi thoupeie, anou nenou puletaoye sü zhuvea peimoe; tsümai koute-a nenou koupo sü sühpua nou peia baie.

JEREMIAH 13:14

Süthaisü Enou puletaoye leekhao poloua daphe peiyu büa puletaoye taidu ae tsü-le sümoa daphe daphosasa peilai. Enou puletaoye southayu phaki, zhuvea leshi peiyu halinoua Eye khuloulai moe.”

JEREMIAH 19:15

Israel maivei Ramai Mapao nou ahi paopeio tea paoyu nasü paoe, “Zhukhaio, hashi velai tea Enou paopayu taosü nuhdu hai hi ae pehao hi buyu nuhtao hisü seive peilai, daiolouzü neletao nou rochih sholoure ae Enou paoyu sü zübare.”

JEREMIAH 21:7

Ana neletao, neletao vei peikho maitao alia soureih hinou, tokaayu hinou ae rahta rahvu hinou thai moa hrilouyu maitaoye sü panou Babilon hi Veo Nebukhadnezzar alia neletaoye ngaobayu maitao, neletaoye southalai tea phou-a buyu maitao bah hi thoupeiwulai. Puhnou neletaoye khoche nou daothalai, puhnou neletaoye zhuvea peilai moe, ae leshi peilai moe, moa puletao nou neletao maili-a shokhai peilai moe. Haisü Mapao Enou paowe.’ ”

JEREMIAH 5:10

Puletao vei darkhabe khesü jülaire donou Enou ngaobamaiye seive peilai, anou puletao mai hrülaiye souhakhai toulai moe. Enou puletaoye panou botao sü vilaiwulai, daiolouzü sütao hai avei moe.

DOPFÜYU 2:17

Mapao nou soulai tea paopi peia buyu nasü soupeiwure: Puhnou Etaoye sü zhuveayu aliro ha-a raichoki nou puhnou paopi peiyu büa soushi souhawure. Puhnou Etao vei ngaoba maitaoye panou veiloure, Etao nou kaodu tayu nasü panou puletao vei asah sü soure.

DOPFÜYU 2:21

Nahmai tsümai sümoa ludu hinou thai-a nou bure, Nahle maitao hai ngaoba maivei khoche hinou kaodu tare. Nevei lekha payu teithe hi nenou puletaoye sü zhuveayu ha-a nou southawure.

DOPFÜYU 2:5

Mapao nou Israel maiye sü ngaobamai ali büa souhawure; Puhnou veo vei ki fühao ae reihkhaobu khesü soushiwure; Puhnou Judah hi maitaoye sü veahoyu ae dopfüyu hai soupoupu papeie.

DOPFÜYU 3:43

“Nenou Etaoye sü thaingouho southawure, ae nevei zhuvea leshi nasü nevei lekha rarou nanou pokure,

EZEKIEL 5:11

“Ramai hai hri-a buyu donou ae hai sü Mapao Ramai vei chipao thaifüa Enou neletaoye sü zhuveayu halia ha-a nou neletaoye sü daode laiwulai, daiolouzü neletao nou avei Rathoki sü souzhai peiwure ae ngaorayu vah ashi khaikho hai neletao nou soupfüre.

EZEKIEL 7:4

Enou neletao mai ali koute-a phapeilai moe, moyuma zhuveayu hai ali-a bupeilai moe. Neletao nou vah haso ashi soukhai touyu donou neletaoye Enou tudee peilai, sübüa neletaoye panou E hai Mapao-e touyu sü süloulai.”

EZEKIEL 7:9

Enou neletaoye vupa peilai moe, moyuma zhuvea leshiyu hai titoulia ngaopeilai moe. Neletao nou vah haso ashi soukhai touyu thaifüa enou neletaoye sü tudee peilai, sükua neletaoye panou E hai Mapao-e touyu sü süloulai ae Enou neletaoye tudee peia baie touyu sü panou süloulai.”

EZEKIEL 8:18

Avei lekha rarou nasü puletao mai hrülai hisü velai. Puletao mai ali koute-a Enou phapeilai moe, ae puletao hi zhuvea leshiyu hai ali-a ngaopeilai moe. Puletao nou pai chilou süyu koute pai chi-a nou shurasoua ahi veachi sü paolai, ana Enou puletao vei veachi sü kei peilai moe.”

EZEKIEL 9:10

Ana Enou puletaoye leshi peilai moe; Enou puletao hisü puletao nou mai hi soupfüyu bütoua soupeilai.”

MIKAH 5:14

Neletao vei teidei hi buyu Asherah rapfüpai vei zhurai soukhai touyu khesü Enou souhawulai.

MALAKAI 1:4

Hakinou Edom mainou haibüa paolouzü, “Etaoye souphe soupho laire, ana soushi khaitouyu buhtao sü Etao nou soushu pulou bailai.” Hrülai pei buo Mapao nou haibüa paolai, “Puletao nou soushuloua malae, ana Enou soushisasa peiwu bailai, puletaoye shiyu tyahrü alia Mapao nou hrühphao nou rarouyu teidei-e teanou mainou kumosa.”

MATHIU 18:33

alia Enou neye zhuvea peiyu büa ne-a nesa kilai naye zhuvea peizü mowu?’

2 KORINTHMAI 10:4

Ehnou reih züyuki seiyu baseitao sü deiphao vei basei moe, ana chihyu reihmaibuh taoye souhare donou Ehnou seiyu süolouzü khouko buyu Ramai vei baseitaoe.

PAODAKHAIYU CHIKHA 28:52

Neletao Ramai Mapao nou neletao hi peikhai touyu teidei hisü puletao nou soureih huloulai, ae neletao nou vei-e tea louche buyu, kusho-a soukhai touyu reihkhaobu ae kivo khesü kaodu talai.

PAODAKHAIYU CHIKHA 32:22

Avei lekha sü mei büa panou taolai, ae sünasü panou rabedushao koute taokoulai, Deiphao hi buyu na veishi sü deihawulai, ae deichitao vei beikhei teitei-a panou deilai.