DOPFÜYU 2:1 - SHEEYU BAIBEL (BSI)

¹ Mapao nou puhvei lekha rarou hinou Zion sü teimai teizhi sünou hongilure. Puhvei haveih khesü deiphi hi soushikou khaipeiwure. Puhnou lekha payu teithe sü puhvei Rathoki koute-a thaokhaiwua tare.

DOPFÜYU 2:1 Iomraidhean Croise

2 SAMUEL 1:19

“Oh Israel, nevei süthai-apei maitao sü deichi hinou southawure! Khuvei kayu reihmaitao sü kabüa kaodua baidesa!”

1 PUOPAOKO 28:2

David nou tashu laloua puletao hi haibüa paoe, “Avei nuh teidei hinou hrüyu thaihou-jürai maitaore, achi keipeio, Mapao vei Vo Sübvü khaire donou ae avei Ramai ye panou teisa bure donou ki ali soupeilai tea Enou tsücho-e, ae ki süna soure donou Enou soudakhai chewure.

LOUTAO 132:7

Etao nou paoe, “Etao Mapao vei ki hi velai khe, puhvei vebuh nghoujü nou Etao tave puhye tho laikhe.”

LOUTAO 89:45

Nenou puhvei hrümai veiyu nasü soujü laiwure, ae puhye sü panou hraongu pfüa bure.

LOUTAO 99:5

Etao Ramai Mapao ye paosholo; puhye tave puhvei vebuh hinou tholo! Sheeyu nasü puh baie!

ISAIAH 64:11

Etao vei sheeyu ae hüvei shoyu Rathoki, raichoki Etao poupaoh maitao nou neye paoshoyu ki nasü mei nou deihawure. Etao nou sava-a nou jüpa-a buyu buh veishi sü souhawure.

JEREMIAH 30:14

Nevei leshi mai hrülai nou neye ngaiwure; puletao nou neye donou tea tsücho peimore. Enou neye sü ngaobamai ali büa dukhaire; neletaoye zhuveayu ali-a ha-a nou souvea shopeire, daiolouzü neletao vei mah sü alao loure ae neletao vei ashi khesü pousho loure.

DOPFÜYU 1:1

Raichoki mainou phoutao-a buyu nuhdu nasü, chuo kabüa zei tea bure sarou! Vuli hi deiphao mainou tsükhoua buyu nasü, chuo puh sü mimeapfü ali büa bure; Nuhdutao hrohinou vepfüpai soua buyu sü chuo maivei qila soutare.

DOPFÜYU 1:12

Honapai nou takou takheyu mai hrülai hisü haibüa kra-a paoe, “Eye zhupei khaio! Mailia Enou souyu büa souyu mai ha-e, Mapao nou puhvei lekha rarou hinou Eye veahoyu pove peiyu büa maili hia soupei moe.

DOPFÜYU 2:17

Mapao nou soulai tea paopi peia buyu nasü soupeiwure: Puhnou Etaoye sü zhuveayu aliro ha-a raichoki nou puhnou paopi peiyu büa soushi souhawure. Puhnou Etao vei ngaoba maitaoye panou veiloure, Etao nou kaodu tayu nasü panou puletao vei asah sü soure.

DOPFÜYU 4:1

Etao vei sana praivava-a buyu khesü shitare; Rathoki poa nou soukhai touyu chuh khesü duva kinou raroupoa nou bure.

DOPFÜYU 4:11

Mapao nou puhvei lekha rarou veishi hai phapeiwure; Puhnou Zion sü mei shaopeiwure, sünanou beikhei teitei sü meideire.

EZEKIEL 13:13

Ramai Mapao nou chuo haibüa nou paore: “Avei lekha rarou hinou teikhai teirü ashi ae reithou sü seive kivo sü soushiwulai.

EZEKIEL 19:12

Ana rarouyu bah ali nou puhvei maa sü pailapu peiwure. Teinghi palova teikhai sünou puhvei rashithou khesü hüraikou peiwure. Puhvei süübo khesü sousha laiwure; puletao nou thaita-a poa meidei loure.

EZEKIEL 30:18

Enou Ejipt maivei khouko souphe peiyu phaki ae puletao vei khaophu nasü panou akhai soupeiyu phaki, Tahpanhes nuhdu hai maitei-a bailai. Ejipt hai teihao nou chaoholoua bailai ae puhvei nuhdu teitei hinou hrüyu maitao hai hukhamai soua vakou nüpoa ta bailai.

JOEL 2:2

maiyu alia zhiyu teithe, teihao chaoyu alia zhiteiyu teithe! Mai-zhi nou deichi sühao louyu büa reihmai sü pouso-a alia khouko buso-a velaire; sübüyu hai raiki pakhai mohie, mokhai-a bonakha hi koutea papulai moe.

MATHIU 11:23

Alia Kapernahum, newo raki khete kukhe laiwu? Neye akhai hayu kaobvühi polai thouwulai! Daiolouzü nehi soupeiyu khupa vah taohai Sodom hinou soure toulouzü süsü zhou koutea bukouwu laihie!

LUK NOU RÜYU KO AVEIBVÜ 10:15

Alia Kapernahum newo, rakihi khete kukhe laiwu? Neye akhai hayu raobvü hi polai thouwulai.”

LUK NOU RÜYU KO AVEIBVÜ 10:18

Jisu nou puletao hi paoe, “Raki hinou tei-peiyu büa Saitan nou dekouyu Enou ngaoe.

1 SAMUEL 4:21

Honapai nou nahpoutu zhih sü Ichabod tea sapeie, sünavei qo nou “Ramai vei khouko ava hai Israel mai hinou tare” touwe. Daiolouzü Ramai vei Vo Sübvü nasü mainou shaopoa tare, ae puh paoh alia puh khapu sü thaitare.

1 SAMUEL 4:22

Honapai nou paoe, “Ramai vei khouko ava nasü Israel mai hinou tare, daiolouzü Vo Sübvü nasü mainou shaopoa tare.”