DOPFÜYU 1:6 - SHEEYU BAIBEL (BSI)

⁶ Jerusalem vei kathe aveih khesü hatare. Puhvei süthai-apei maitao hai pou ngaotou moyu khoshu büa lülou hore, Puhye thaihuyu maitao nghoujü nou khouko lia ha-a tua bure.

DOPFÜYU 1:6 Iomraidhean Croise

2 VEMAITO 19:21

Mapao nou puhye donou haibüa paoe, “Jerusalem nuhdu nanou Sennakherib, neye ngaora-e ae neye konüa bure.

2 VEMAITO 25:4

südonou puletao nou nuhdu kivo sü dakhowure. Babilon mai nou nuhdu sü sühao buyuma, reihmai hrülai hai khei nou vakou tupakhai touloure. Puletao nou veo vei kipei hinou ludu buyu, kivo ahai kohinou rokhubomü soukhai touyu na hinou Jordan vei deikho hilova tupoa nou tare.

2 VEMAITO 25:5

Ana Babilon mai vei reihmaitao nou veo Zedekiah ye sü thaihukou Jeriko deikho nghiyu hinou nüloure ae puhvei reihmai hrülai nou puhye sü thaowua tutare.

LOUTAO 50:2

Zion nuhdu hisünou Ramai vei hüveiyu, ae chekhoyu nasü varoua nou bue.

LOUTAO 96:9

Deiphao mai hrülai, Amasheeo ye ngaoyu phaki puhye nakou khurülo; puh nghoujü hinou ngaopi-a ngua bulo!

ISAIAH 1:21

Raichokio louchelou veiyu nuhdu nasü chuo khakhapfü ali büre. Raichokio kaozü soua hrüyu ae acheche mainou phoutao-a buyu nuhdu nasü chuo maiye southayu mai khaitoure.

ISAIAH 12:6

Zion hinou hrüa buyu mai hrülai pai chi-a lou sü soukhaio, daiolouzü Israel maivei sheeyu Ramai hai due-e, ae puh sü puhvei maitao hinou koa bue.”

ISAIAH 4:5

Süthaisü Zion Deichi teitei ae sühinou vejüa buyu mai hrülai pei hisü Mapao nou heako hai teihao nou seive khaipeilai. Alia khei hai meikhao ae meikei ali panou khopeilai. Mapao vei khouko sünou puletao vei nuhdu teitei sü khopeilai.

JEREMIAH 13:18

Mapao nou ahi paoe, “Veo ae puhvei pfüye sü vebuh hinou taokoulo tea paopeio, daiolouzü hüveiyu puletao vei vepeirü sü puletao pei hinou deiphi dekoure.

JEREMIAH 29:4

“Khoukhoulai Mapao, Israel maivei Ramai nou hukhamai soua Jerusalem hinou nüpoa Babilon hi satayu mai hrülai hisü haibüa paowe:

JEREMIAH 47:3

Puletao nou rhei phi kho sü choulai, rheiluki nou tayu phikho sü choulai. Pfüpuo maitao nou lahvei nahmaitaoye reikhaive zhulai moe; puletao vei bah sü lülou hoa bailai,

JEREMIAH 48:41

ae puletao vei nuhdutao alia veishoa soukhai touyu reihkhaobu khesü poloulai. Süzhou teithe sü Moab maivei reihmaitao hai naotumai ali nou nah nare phaki ngaopiyu büa ngaopilai.

JEREMIAH 52:11

Süthaisü puhnou Zedekiah nghithou sü reilapa peiwure, ae puhye hurai nou phuloua Babilon hi sa-a tare. Zedekiah nou Babilon maivei hukhaki hinou thaimo koute bue.

JEREMIAH 52:13

Puhnou Rathoki, veo vei ki, ae Jerusalem hi peikho maitao vei ki khesü meidei laiwure;

EZEKIEL 24:25

Mapao nou ahi paoe, “Thai-a bailaiyu mainare, chuo puletao nou khaophu soua buyu ae sava-a buyu alia jüpasho-a ve zhunüa buyu rathoki nasü Enou puletao hinou potalai. Alia puletao nahnaotu poutu khesü Enou puletao hinou potalai.

PAODAKHAIYU CHIKHA 28:25

“Neletao ngaobamai nghoujü hinou Mapao nou neletao sü hraongu soupeilai. Ludu ali hinou neletao nou takou puletaoye reih soulai, ana ludu anai sou-a puletao hinou neletao hai turacha talai, alia deiphao mai hrülai nou neletao hi vepayu sü ngaoloua ngaopi sholai.

PAODAKHAIYU CHIKHA 32:30

Daidosoua mai ali nou mai theliye sü dulou laige, alia mai ahai nou mai thekirou sü hulai khailou laige? Süsü puletao Ramai Mapao nou puletaoye sü zholaiyu donoue, ae puletao Mapao nou puletaoye thaotayu donou baie.