DOPFÜYU 1:4 - SHEEYU BAIBEL (BSI)

⁴ Mailinoua chuo Rathoki hisü sheeyu teithetao hia tave ratho more. Naotumaitao nou sühinou veahoyu vei lou soua bue, ae napao maitao nou lüpoa nou bue. Nuhdu vei rokhubomü khesü sakhai-a nou bure, ae Zion sü veahosho-a nou bure.

DOPFÜYU 1:4 Iomraidhean Croise

ISAIAH 3:26

Nuhdu vei robomü khesü soushi sasawua panou baitoua buyu naotumai ali nou dopfüa krapoa buyu bülai.

JEREMIAH 10:22

Keikhaio! Haibüyu ko sü velaire! Reikou teidei hinou pai büshoyu velai; süna vei reihmaitao nou Judah nuhdu khesü soushiwulai ae panou lakhao hrüyu buh souta bailai.”

JEREMIAH 14:2

“Judah sü dopfüa nou bure, ae puhvei nuhdutao sü thai tare, sühi maikhe maisü levea nou deiphi hi kaokou loure, alia Jerusalem nou kra nou soukha khoe.

JEREMIAH 9:11

Mapao nou paoe, “Enou Jerusalem sü tangina khaiyu buh ali soupeilai, ae lakhaotao panou bure buh soupeilai; Judah vei nuhdu khesü radeiki hi soudathou peiwulai, mai panou hrüloushi buh ali soupeilai.”

DOPFÜYU 1:21

“Enou lüa buyu sü kei peikhaio; mailinoua Eye sousava peire mai hare. Nenou veahoyu khesü ahi pove peiyu phaki Eye ngaobayu maitao nou asah soua bure. Nenou paoh peikhai touyu teithe nasü pove peio; avei ngaoba maitaoye panou Enou veahoyu büa puletao-a veahoyu peio.

DOPFÜYU 5:13

Nahle maitao hai qila mai ali büa panou taitsüsa-a thou shaore; ae nahmaitao hai panou sühshoyu koupo pfüa chaorara nou talouhoa laire.

DOPFÜYU 5:14

Tsümaitao nou nuhdu vei rokhubomü hisü ve bumore, nahle maitao nou lou sü soumore.

HOSEA 2:13

Puhnou kainüvei nou dei poa Baal ye posheelayu donou, alia mutei noubo ae touhnou tupfüa/maipoa puh leshi mai thaifü taloua Eye ngaiyu vanou, Enou puhye sü tudee souwulai tea Mapao nou paore.

LEVIMAI LARÜBVÜ 26:22

Enou neletao hisü soukhao ashi khesü seive peilai, ae puletaoye panou neletao vei nahmaitaoye southawulai, kikhaorü khesü panou nütou loulai, ae neletaoye panou hrüshi louta-a ludu khesü panou mai haomo ta-a bailai.

MIKAH 3:12

Südonou, neletao vanou Zion sü dou ali büa tatatou laire, Jerusalem sü soushi khaiwulai, ae Rathoki sü vaohro vitawulai.