DOPFÜYU 1:3 - SHEEYU BAIBEL (BSI)

³ Judah hi maitaoye sü taitsü poa veasho-a panou vah sou-e, Süpei hinou puletaoye sü vakou nüpoa satare. Puletao hai tyahrü kukhe maivei teidei hi ho hrütare, ana lah puletao vei soua soloure buh ali-a ngaomoe. Ngaoba maitao nou puhye sü sühao loure, tupa loure ludu aliro hazei toure.

DOPFÜYU 1:3 Iomraidhean Croise

2 VEMAITO 25:11

Süthaisü Nebukhadnezzar nou nuhdu hi shokhai toua buyu maitao, vah soulou süyu maitao ae Babilon veo nou thaokhaiwua tayu maitao hai hukhamai soua Babilon hi nüpoa tare.

2 VEMAITO 25:21

Hamath maivei teidei hinou bue. Sühinou veo nou puletaoye da-dapeia southawure. Südonou Judah maitaoye puletao vei teidei hinou hukhamai soua vakou nüpoa takhai toure.

2 VEMAITO 25:4

südonou puletao nou nuhdu kivo sü dakhowure. Babilon mai nou nuhdu sü sühao buyuma, reihmai hrülai hai khei nou vakou tupakhai touloure. Puletao nou veo vei kipei hinou ludu buyu, kivo ahai kohinou rokhubomü soukhai touyu na hinou Jordan vei deikho hilova tupoa nou tare.

2 VEMAITO 25:5

Ana Babilon mai vei reihmaitao nou veo Zedekiah ye sü thaihukou Jeriko deikho nghiyu hinou nüloure ae puhvei reihmai hrülai nou puhye sü thaowua tutare.

JEREMIAH 13:19

Judah vei teidei khekou buyu nuhdu khesü mainou poloure, mai linou-a puletao hisü taloulou hore. Judah mai hrülaiye sü hukhamai soua nüpoa takhaire.”

JEREMIAH 16:16

Mapao nou paoe, “Zhukhaio, Enou kha phoumai alao seive puletaoye panou nüloulai. Süthaisü Enou sou huyu mai alao seive peilai, ae puletao nou puletaoye deichi teitei hinou ae lyaqulu veishi hinou hupoa talai.

JEREMIAH 24:9

Enou puletao hi veahoyu sü seive peia panou deiphao mai hrülaiye ngaopi shoyu soupeilai. Maikhe mainou puletaoye ngaophou moa konü peilai, ae Enou puletaoye soupho laiyu buh veishi hisü panou puletao vei zhih sü chaa soua poa talai.

JEREMIAH 39:9

Süthaisü reihmai peikhowo Nebuzaradan nou nuhdu hinou shokhaitoua buyu maitao ae puh hi tuveyu maitaoye hukhamai soua Babilon hi nüpoa tare.

JEREMIAH 52:15

Süthaisü Nebuzaradan nou touha kayu maitao, nuhdu hi shokhai toua buyu maitao, vah soulou süyu maitao, ae Babilon veo hi tuveyu maitaoye nüpoa Babilon hi tare.

JEREMIAH 52:8

Ana Babilon maivei reihmaitao nou thaihupoa kou Jeriko deikho nghiyu hinou Veo Zedekiah sü nüloure, ae puhvei reihmai hrülai sü puh hinou tutare.

DOPFÜYU 2:9

Rokhubomü khesü pepo takhaire, sütao vei tyayu hu khesü sousasawure. Veo alia peikhoyu maitaoye sü hukhamai soua vakou nüpoa tare. Chikha sü chuo doupeipu more, ae rachipaola peiyu maitao hai Mapao hinou zho sü ngaomore.

DOPFÜYU 4:15

Maikhe mainou puletao hisü haibüa paore, “Tavailo! Eye deiso! Neletao hai sheemore!” Südonou puletao hai sühaota-a shetumai ali soutare, ae puletao nou veyu buh veishi hinou mailia puletaoye sü jüpa-a popei more.

DOPFÜYU 5:5

Etaoye sü rheisüh moa racho ali büa sa-a vah soure, Etao hai veare, ana Etaoye sü panou chao-a shobare.

EZEKIEL 5:12

Zha asü soukhai touyu hinou neletao zha ali hai sounou souyu hinou ae khü-züyu hinou nuhdu hinou thailai; zha ali hai nuhdu vei vakou hinou khoche hinou thailai; ae shokhai toua buyu zha ali hai hupho rarou laiwua panou khoche nou poloua thaihu talai.

PAODAKHAIYU CHIKHA 28:48

Südonou chuo Mapao nou ngaoba maitao sü neletao hi seive peilai, ae neletao nou puletao vei kuvah sü soulai. Neletao nou reizü sho-a, baitou-a alia toure hazei teanou bulai. Mapao nou neletaoye souhamo koute, puhnou neletaoye hu vei phaodao sü thou peilai.