DOPFÜYU 1:21 - SHEEYU BAIBEL (BSI)

²¹ “Enou lüa buyu sü kei peikhaio; mailinoua Eye sousava peire mai hare. Nenou veahoyu khesü ahi pove peiyu phaki Eye ngaobayu maitao nou asah soua bure. Nenou paoh peikhai touyu teithe nasü pove peio; avei ngaoba maitaoye panou Enou veahoyu büa puletao-a veahoyu peio.

DOPFÜYU 1:21 Iomraidhean Croise

LOUTAO 35:15

Ana Enou veahoyu phaki, puletao mai hrülai nou asah sü soua baiwe, ae apehao hinou ve sühao poa Eye konüa bubaiwe; Enou sümoyu shetumai koute-a Eye taida-a baiwe.

LOUTAO 37:13

Ana Mapao nou mai ashi maiye sü konüe, daiolouzü puletao hai thasho-a nou hata bailai touyu sü puhnou süwe.

LOUTAO 38:16

Avei veahoyu donou Eye ngaobayu maitaoye panou konü peiso; Enou kaodu tayu donou puletaoye panou khaophu souso.

ISAIAH 14:5

Mapao nou ashi hinou nuh teidei khoyu maiye khouko sü souha peiwure,

ISAIAH 14:6

Lekha rarou hinou maikhe maiye tudeiyu ae zhaipou shishoa maikhe maiye souvea souhoyu peikho maiye sü souhawure,

JEREMIAH 30:16

Ana chuo, neletaoye soushiyu mai hrülaiye sü soushi peiwulai, ae neletaoye ngaobayu mai hrülaiye sü hukhamai soua nüpoa tawulai. Neletaoye souveayu mai hrülaiye sü souvea peilai, ae neletaoye soushi peiyu mai hrülaiye sü soushi peilai.

JEREMIAH 48:27

Moab, nenou kabüa Israel maiye konüe touyu sü licho khaio! Nenou puhye sü vomai liye nülouyu büa ngaora-a ne pei sü züe.

JEREMIAH 50:11

Mapao nou paoe, “Babilon hi maitaore, neletao nou avei tyahrü nasü soushi peiwure. Neletao nou sasho-a vashore, cho nou moa rhei nou thou taiyu büa neletao sü asah soure,

JEREMIAH 50:15

Nuhdu pehao teitei hinou reihvo sü soukhaio! Chuo Babilon nou mai phi hi vere. Puhvei kivo khesü daphe daphowure. Enou Babilon hisü khüngu phouwe. Südonou puh hisü neletao vei khüngu phoulo, ae puhnou neletao hi soupeiyu büa puh hia soupeio.

JEREMIAH 50:29

“Voulou poyu maitao hisü Babilon hi soureih hulou khaio tea paopeio. Voulou polou süyu mai hrülaiye sü seitawo. Nuhdu nasü sühaolo, panou mailia tupa louso. Puhnou soukhai touyu thaifüa puh hia soupeio, daiolouzü puhnou khaophu soua Israel maivei Sheepu, Eye ngaophou more.

JEREMIAH 50:31

“Khaophu soua buyu Babilon, Khoukhoulai Ramai Mapao Enou ne pei sü hraita laire. Enou neye tudeere teile sü vere.

JEREMIAH 51:24

Mapao nou paoe, “Neletao vei nghingao hinou Enou Babilon ae Babilon hinou hrüa buyu maitao hi puletao nou Jerusalem hi vah ashi soukhai touyu paoh khapeiyu sü ngaolai.

JEREMIAH 51:49

Babilon mainou deiphao mai hrülaiye southayu vanou, ae chuo puhnou Israel mai taoliye southayu donou puh sü kaodu talai. Haisü Mapao Enou paowe.”

DOPFÜYU 1:16

“Hai vanou Esü krawe, nghidzü nou anghithou sü phouloure. Eye sousava peire mai lia hare; mailinoua avei tsüle soudu peiloure mai hare. Ngaoba maitao nou ajünou veiloure; avei maitao hai hazei tare.

DOPFÜYU 1:2

Kheimathe honapai sü kra-a bure; nghidzü hai puhvei baitu hi kükoure. Honapai vei samai khamai hrülai nou puhye sü thaowua takhai toure, puhye sousava peire mai lia hare. Honapaiye chavei lathao-a buyu mai hrülai nou puhye sü lalu peiwure, ae puletao nou chuo puhye sü ngaobayu mai soutare.

DOPFÜYU 1:22

“Puletao nou vah haso ashi soukhai touyu veishi vanou puletao hia veahoyu sü peio. Avei mahmo vanou Eye tudee peiyu büa puletao-a tudee peio. Ewo veahoyu donou lüpoa nou bua baire, ae avei lüthou hinou soua nou bure.”

DOPFÜYU 1:4

Mailinoua chuo Rathoki hisü sheeyu teithetao hia tave ratho more. Naotumaitao nou sühinou veahoyu vei lou soua bue, ae napao maitao nou lüpoa nou bue. Nuhdu vei rokhubomü khesü sakhai-a nou bure, ae Zion sü veahosho-a nou bure.

DOPFÜYU 1:8

Jerusalem nou mahmo hai soupou zhulere, südonou honapai hai mai konü soutare. Honapaiye tsükhoua buyu mai hrülai nou puhye sü ngaorare, daiolouzü puletao nou honapai vei baitouyu sü ngaoloure; honapai hai lah lüa pah pfüku tare.

DOPFÜYU 2:15

Ludu tacho tayu mai hrülai nou ne hisü bah taongaore. Puletao nou pei züpoa Jerusalem kaodutayu sü konüa haibüa paore: “Hai nahai veisho-a buyu nuhdu nasüvu? Deiphao mai hrülai thainüa buyu nuhdu nasüwu?”

DOPFÜYU 2:16

Neye ngaobayu mai hrülai nou neye sü konüre ae neye ngaorade. Puletao nou mütai tupoa nou haibüa neye jünüa paore, “Etao nou puhye sü soushi peiwure! Haibüyu teithe nasü Etao nou kho-a nou bue!”

EZEKIEL 26:2

“Thai-a bailaiyu maipu nare, Tair vei nuhdu hinou hrüa buyu maitao nou Jerusalem ye sü haibüa nou paoe, ‘Chuo Jerusalem hai pepo tare, puhnou huha souloure khouko nasü hatare! Puhnou Etaoye dupu khailai more.’

JOEL 3:14

Mai thethe thethe nou chiku laiyu deikho hisü bure! Daisounou tiyuo, chila peilaiyu deikho hisü Mapao vei teithe hai nghitei toure.

PONGAOPEIYU 18:6

Puhnou peiyu kua puh hisü peikhaio; alia puhnou souyu vahtao thaifüa puh hisü zha ahai koua paorü peikhaio. Puhnou neletaoye donou lathou chohpeiyu pai süna hinou puhye donou zha ahai chihkoua lathou chopeikhaio.