DOPFÜYU 1:20 - SHEEYU BAIBEL (BSI)

²⁰ “Oh Mapaowo, Enou veahoyu ae chorosoua buyu sü zhupei khaio. Avei mahmo vanou Esü tsüle pepoa nou bure; kikha hi koute-a athai sü bure.

DOPFÜYU 1:20 Iomraidhean Croise

JOB VEI LARÜBVÜ 30:27

Le veayu alia sounou nanou Eye sü paide paisasare, veayu sü teithe teithe pumaimai-a baire.

JOB VEI LARÜBVÜ 33:27

Puletao mai hrülai nou haibüa paolai, “E mahwure. E ha veih ali-a soumoe, ana Ramai nou leshi-a Eye khailu papeie.

LOUTAO 22:14

Deiphi hi dzü lalaiyu büa avei khouko sü hatare. Avei rao teitei sü kuku takhai toure, avei lüthou hai laivoudzü phe nou voudzü zhaotayu büa hatare.

LOUTAO 38:8

Esü lülou hore, ae veasho loure; ale vea-a buyu donou Esü lea nou bubaire.

TSÜCHITAO 28:13

Lah vei mahtao pokuyu puh sü duso palai moe, ana mah lawu-a vah ashi khesü thaokhaiyu mai sü zhuvea ngaoloulai.

ISAIAH 16:11

Südonou Enou Moab ae Kir Heres donou levea-a dopfüe.

ISAIAH 38:14

Khaitu ae raohou büa Enou ra-e, alia rahou büa E sü lüe, Enou rakiva sü zhungere, Mapao, veahoyu haitao hinou Eye vupa peio.

JEREMIAH 14:18

Enou dou hi hoyu phaki, soureih hinou thaiyu thaiphao khesü ngaoe; Enou nuhdu hi talouyu kisü, tokaayu vanou khüthayu mai sü ngaode. Rachipaola maitao ae napao maitao nou puletao vei vah sou-a bue, ana puletao nou dai souwe touyu sü puletao nou sümore.”

JEREMIAH 14:20

Oh Mapaowo, Etao nou ne pei hi mah souwure; Etao nou soupfüyu mahtao ae Etao puopao nou mah soukhai touyu khesü mahla pawe.

JEREMIAH 2:35

neletao nou haibüa paoe, ‘Ehwo halia soumah moe; Mapao nou Etao pei hi lekha rarou more.’ Ana Mapao Enou neletaoye sü haibüa paoyu donou neletao pei hi chi kulai.

JEREMIAH 3:13

Ne hai mahwure, ae nevei Ramai Mapao khakhe hi buba-a thaikhai tare, süübe madai phi khonou nevei lesha nasü vakou mai rahtao hi peiwure, ae nenou avei chipao taosü zü peimore tea nenou mahla louzü chebaie. Haisü Mapao Enou paowe.

JEREMIAH 31:20

“Oh Israel, neye sü Enou leshi kayu nahpoutu nasüe, Enou jüpa kayu nahtou-e. Enou ne zhih sapayu chüsü Enou neye leshi-e. Avei tsüle sü ne hi bua baie, ae Enou neye zhuvea peilai.

JEREMIAH 4:19

E veare, E veare! E souzhule donou shalou hore! A lethou! Alethou soulere! E ngasou buthoulou hore; Soureih soure paikho ae shabekho khaikho nou E chou-a baire.

JEREMIAH 48:36

“Südonou Moab maiye donou ae Kir Heres maitaoye donou ale sü thaizhayu mai alinou sha nghouyu büa leveawe, daiolouzü puletao nou kujükhai touyu kini veishi sü hare.

DOPFÜYU 1:11

Honapai vei mai hrülai sü lüpoa nou raokhao phoua laire; Puletao hai hria buloure donou puletao vei muteina khesü poa touso lea loure. Nuhdu sü haibüa kra-a bure, “Oh Mapaowo, Eye zhukhaio, avei veahoyu khesü zhupei khaio.”

DOPFÜYU 1:18

“Ana Mapao louzü kao-a baie, daiolouzü Enou puhvei chi sü zülou more. Neletao mai hrülai nou avei chipao sü keilo ae Enou veahoyu sü zhukhaio. Avei nahleyu maitaoye sü hukhamai soua vakou nüpoa tare.

DOPFÜYU 1:8

Jerusalem nou mahmo hai soupou zhulere, südonou honapai hai mai konü soutare. Honapaiye tsükhoua buyu mai hrülai nou puhye sü ngaorare, daiolouzü puletao nou honapai vei baitouyu sü ngaoloure; honapai hai lah lüa pah pfüku tare.

DOPFÜYU 1:9

Honapai vei shee moyu sü ngaokhai loure, ana haithai puh hi dai vepalai touyu hai honapai nou tsücho moe; südonou honapai sü kaodu tare, ae puhye sousava peire mai lia hazei toure. Honapaiye ngaobayu maitao nou veiloure, ae honapai nou Mapao hi zhuvea leshi peio tea kra-a khowe.

DOPFÜYU 2:11

Avei nghithou hai krapouleyu donou ha ngaotou more; Ale sü veashore. Avei maitaoye soushi souhayu donou dopfüa E sü shaloure. Nahmaitao ae nahmaitou khesü nuhdu vei duva hinou shatare.

DOPFÜYU 5:16

Etao nou khaophu soua buyu khesü aliro hazei toure. Etao nou mah souwure, ae chuo Etao nou veahoyu nasü ngaore.

EZEKIEL 7:15

Kijüdu hisü taida vayu ae kikha hisü rahta rahvu ae tokaa nou bulai. Vakou nou buyu maitao hai khoche vanou thailai, ae nuhdu khevai nou buyu maitao hai rahta rahvu ae tokaayu vanou thai-a bailai.

DANIEL 9:5

“Etao nou mah sü soupfüwure, kaomo zümoyu khesü soupfüwure; alia nenou kharochi peikhai touyu khesü pfüthore ae zhaido aveih na hinou hrülou moa tarei tawure.

HOSEA 11:8

“Oh Ephraim, kabüa nou E neye sü thaoloulai? Oh Israel maitaore, E neletaoye sü kabüa nou mai kukhe mai bah hi thaothou loulai? Kabüa nou E neletaoye sü Admah mai kua souha khailaige? Mokhaia kabüa nou Zeboüm maiye souveayu büa neletaoye sü souvea khailai? Neletao ye tudee-a souvealai toukhaie, Alesü neletao ye zhuveayu nou phoutsü loua baire.

HABAKKUK 3:16

Enou haihai chouloua ngaopire: Kho sü chouloua a mütai pheire, avei raotao hi tanguyu sü louloure, a phi-a sülou baire. Eye ngaoba-a reih souveyu mai hi veahoyu vere teithe nasü E kheikhei soua kho bulai.

PAODAKHAIYU CHIKHA 32:25

Kijü du hisü pa soureih mai bah hinou thailai; kihikha sü pa ngaopiyu nou phoutao-a bulai. Khelou payu maitao-a, nahmaitou-a ae peihpao payu tsümai koute-a thaikhai toulai.