DOPFÜYU 1:18 - SHEEYU BAIBEL (BSI)

¹⁸ “Ana Mapao louzü kao-a baie, daiolouzü Enou puhvei chi sü zülou more. Neletao mai hrülai nou avei chipao sü keilo ae Enou veahoyu sü zhukhaio. Avei nahleyu maitaoye sü hukhamai soua vakou nüpoa tare.

DOPFÜYU 1:18 Iomraidhean Croise

1 VEMAITO 13:21

ae Judah hinou veyu rachipaolawo hisü paoe, “Nenou Mapao chi zümoyu donou, ae nevei Ramai Mapao nou kharochi peiyu sü soumore.

EZRA 9:13

Haibüa Etao nou vah ashi souyu ae mah souyu donou veayu teitei hai, Etao Ramai-o louzü Etao vei mah jünou tai-e Etaoye tudee baie, alia süpeinou Etaoye haibüa soukha peie.

NEHEMIAH 9:26

“Ana nevei maitao nou ne chi züba-a khaityare; puletao nou nevei Chikha khesü thaifü bare. Ne hi dakhai velo tea puletao hi paopi peiyu nevei rachipaola peiyu maitaoye sü puletao nou datha peie. Puletao nou neye sü tobai soumoa paoshi peie,

NEHEMIAH 9:33

Nenou Etaoye tudee peiyu hai kaozü hinou soupei-a baie, Etao nou mahmo souyuma, newo louzü chilee cheche-a baie.

LOUTAO 107:11

daiolouzü puletao nou Khoukhoulai Ramai vei chikha khesü zübare ae puhnou paodou peiyu khesü laiwu laire.

LOUTAO 119:137

Oh Mapaowo, checheyu nasü ne-e, ae nevei chikhatao hai kao-e.

LOUTAO 119:75

Mapao, nenou chiku peiyu hai chechewe touyu Enou süwe, ae nehai chilee checheyu donou Eye tudee peia baie.

LOUTAO 145:17

Mapao nou souyu vah teitei hai kaozü hinou soupeia baie, ae puhnou leshi hinou vah haso veishi hai soupeie.

TAPALOUYU 9:27

Veo nou mai seiho Moses ae Aaron ye kuloua puhai hi paoe, “Zhaovu louzü Enou mahre; Mapao nou kaore, ae avei maitao alia Enou mahwure.

JEREMIAH 12:1

“Oh Mapaowo, Enou ne hi chi paoyu phaki, nenou cheche loua baiwe. Ana Enou ne hi kaozü vanou chi paolai. Daivanou mai ashi mainou vasapalou-a duso louge? Daidonou tsüle sheemoyu mainou veilouwe?

JEREMIAH 32:23

Ana puletao nou talou teidei nasü polouyu thai, puletao nou nevei chikha khesü zübare, moyuma nenou paodou peiyu thaifüa hrümore; nenou soupfülo tea kharochi peiyu alia puletao nou soupfülou more. Südonou nenou veahoyu haitao veishi sü puletao hi pove peie.

JEREMIAH 4:17

ae puletao nou Jerusalem sü dou hi khoyu mai nou sühaoyu büa sühao loulai, daiolouzü honapai vei mainou Mapao chi züba-a khaityare. Haisü Mapao nou paoe.

JEREMIAH 49:12

“Tudeeyu vei chapai hinou kezü moa buyu maitao-a tudee peiyu vei chapai hinou ke laie. Neletaoye tudee peilai moe tea neletao tsüchowu? Moe, neletao hai chapai süna hinou kelai!

DOPFÜYU 1:12

Honapai nou takou takheyu mai hrülai hisü haibüa kra-a paoe, “Eye zhupei khaio! Mailia Enou souyu büa souyu mai ha-e, Mapao nou puhvei lekha rarou hinou Eye veahoyu pove peiyu büa maili hia soupei moe.

DOPFÜYU 3:42

“Etao nou mahmo souwure ae khaityawure, alia Oh Mapaowo, nenou Etaoye sü khaipei more.

DOPFÜYU 5:16

Etao nou khaophu soua buyu khesü aliro hazei toure. Etao nou mah souwure, ae chuo Etao nou veahoyu nasü ngaore.

DANIEL 9:5

“Etao nou mah sü soupfüwure, kaomo zümoyu khesü soupfüwure; alia nenou kharochi peikhai touyu khesü pfüthore ae zhaido aveih na hinou hrülou moa tarei tawure.

DANIEL 9:7

Oh Mapao, newo louzü cheche-e, ana Etao louzü, Judah teidei hinou hrüyu mai-a, Jerusalem hinou hrüyu mai-a, alia Israel mai hrülai, buh holo hailo nou hrüa buyu nenou vah ashi ae mah souyu donou hulai rarou khaitouyu mai hrülai hai lah Etao pei hi veashoyu sü pove loua baie.

AMOS 8:13

Süzhou teithe hisü pfüphao aveih nahlemai koute-a houreiyu vanou shatalai.

ZEPHANIAH 3:5

Ana Mapao louzü chukoute nuhdu sühi bue, Puhwo checheyu likhei sou-a baie, kaomoyu halia soumoe. Teithe payu chü Puhwo louzü souzü vah nasü souwe; ana chechemoyu maitao nou hraoyu sümoe.

ZEKHARIAH 1:6

Enou avei kilai rachi paolayu maitao hinou kharochi ae tukhayu zhaitao sü seive paopeie, ana puletao nou sütao hai ngaophou peimore. Südonou puletao nou ngaozü na thaifüa veayu ngaoe. Süthaisü puletao nou le daloua puletao veayu hai, Khoukhoulai Mapao Enou souvea baie alia sübüa veayu hai vea züa baie touyu lah puletao nou süloue.”

ROMMAI 2:5

Ana nevei le khouyu ea le dabayu lethou buyu donou ne sü lah nepei hi Ramai nou puhvei acheche chi kulaiyu pongao laiyu puhvei rarou Teithe ki donou Ramai vei rarou nasü podzü khaibaiwe.

ROMMAI 3:19

Chuo Eletao nou süloure, süolouzü emai hrülaiye panou paikhaimoa ea deiphao teiteiye Ramai vei chikuyu khehi pove khailoure donou, razhainou paokhai touyu pfüphou sü razhai khehinou hrüa buyutao donou paokhai toubaie.

PAODAKHAIYU CHIKHA 32:4

“Mapao hai neletaoye vupeiyu Chuhdu nasüe, puhvei ludu teitei sü kaokhai toubaie. Neletao Ramai hai louchelou veiyu Ramai-e, Puh hi kaomoyu ali-a hae, kaozü süyu ae acheche sü puh-e.

CHIKUAPEI MAITAO 1:7

Adonibezek nou paoe, “Enou vemai mai rainai ye puletao vei bahkrü ae phikrü daode peie, Enou souyu büa chuo Ramai nou ahia soupeire.” Puhye sü Jerusalem hi savere alia sühinou puhsü thaire.

1 SAMUEL 15:23

Puh chi zümoa khaityayu hai hraomai ali büa baie, ae rochiyu hai bashara aliye thoyu raibüa baie. Daiolouzü nenou Mapao vei chikha nasü malaiyu donou puhnou neye sü veo souyu hinou laiwure.”