DOPFÜYU 1:13 - SHEEYU BAIBEL (BSI)

¹³ “Puhnou mei sü reilova nou seikou peie, ae mei sünasü alekhe nou kei-a nou bue. Puhnou Eye muloure donou shorü southou khaipeie, ae Eye deiphi pokou khaipeiwure. Süthaisü puhnou Eye thaokhaiwure alia Eye panou sokhai timoa soua nou bua baire.

DOPFÜYU 1:13 Iomraidhean Croise

JOB VEI LARÜBVÜ 18:8

Puhnou rüh southou khaitouyu hi phika kakouyu donou puh phi sü rüh hi louloure,

JOB VEI LARÜBVÜ 19:6

Hai hai Ramai nou baie touyu neletao chukoute süloumo hiwu? Eye nüloure donou Puhnou rüh southou-a baie.

JOB VEI LARÜBVÜ 30:30

Avei vasou sü teiva tare alia Enou rakiyu hai meinou rouyu soure.

LOUTAO 129:5

Zion ye ngaora-a buyu mai hrülaiye sü hraongu soupeio ae hulai peio.

LOUTAO 140:5

Khaophu souyu maitao nou Eye muloulai tea rüh southou khaipeiwe, ae Eye beloulai tea puletao nou khahbe sü avei ludu hi khikhai toue.

LOUTAO 22:14

Deiphi hi dzü lalaiyu büa avei khouko sü hatare. Avei rao teitei sü kuku takhai toure, avei lüthou hai laivoudzü phe nou voudzü zhaotayu büa hatare.

LOUTAO 31:10

Esü veahoyu khaikho dao-a bubaire, dopfüa krayu donou avei hrümai sü soujü laiwure. Veahoyu donou Esü lülou hore, avei rao koute-a shitare.

LOUTAO 35:4

Eye southalai tea buyu maitaoye sü panou hraongu ae kangheiyu sü southeo! Eye soushilai tea buyu maitaoye sü panou büroloua thailo dakhai tayu sü soupeio!

LOUTAO 38:8

Esü lülou hore, ae veasho loure; ale vea-a buyu donou Esü lea nou bubaire.

LOUTAO 66:11

Nenou Etaoye panou sho-rü hisü deloue, ae Etaoye panou koupo sühsho-a pfüe.

TAPALOUYU 12:9

Sou nasü so-a toulai moe moyuma dzü koa kholoua toulai moe, ana sou veishi nou - pei, phibao ae lesourai teitei loua mei nou rouloua toulai.

ISAIAH 42:17

Basharaye loucheyu mai hrülai, ae zhurai soukhai touyu naye ramai-e tea buyu mai teitei sü Enou hraongu alaosou soupeilai.”

JEREMIAH 44:6

Südonou Enou avei lekha rarou nasü Judah vei nuhdutao hi ae Jerusalem vei duvatao hisü lakou peie, ae sütao sü meideilai peie. Sütao sü soushiloua khaiwure ae zhou koute ngaopi shopoa nou buhie.

DOPFÜYU 1:22

“Puletao nou vah haso ashi soukhai touyu veishi vanou puletao hia veahoyu sü peio. Avei mahmo vanou Eye tudee peiyu büa puletao-a tudee peio. Ewo veahoyu donou lüpoa nou bua baire, ae avei lüthou hinou soua nou bure.”

DOPFÜYU 3:11

Puhnou Eye ludu hinou hulaiwure, Eye paide paisasa peiwure, ae thaokhai peiwure.

DOPFÜYU 5:17

Hai vanou Etao vei tsüle hai souloure, ae nghidzü kouyu donou halia zhingao more.

EZEKIEL 12:13

Ana Enou puhye sü avei khahbesah nou beloua bailai, ae puhye sü rüh hinou muloulai. Süthaisü Enou puhye Babilon vei nuhdu hi sapoa ve khai-a bailai, ae sühinou puh sü ngaomoa thaita bailai.

EZEKIEL 17:20

Enou souhuyu maivei besah sü poloua puhye beloulai. Enou puhye sü Babilon hi poho sühinou puhye tudee peilai, daiolouzü puhnou ahi chilee cheche more.

EZEKIEL 32:3

Tyahrütao nou tave jülouyu phaki, Enou neye sü khahbesah nou beloulai, ae puletaoye panou neye sü reipe hi daopa khaiwulai.

HOSEA 7:12

Puletao nou tayu thaifüa, Enou avei rüh sünou puletao ye beloulai; Enou puletaoye tei hi raohou li büa ponya kouwulai; puletao nou vah ashi souyu thaifüa Enou puletaoye sü tukha souwulai.

NAHUM 1:6

Puh vei rarou nghoujü hi thaonou lalou süe? Souhyu puhvei lekha nasü thaonou healou süe? Puh lekha sü mei büa lakou peilai, alia puhnou chuhdu nasü dakhosa peilai.

HABAKKUK 3:16

Enou haihai chouloua ngaopire: Kho sü chouloua a mütai pheire, avei raotao hi tanguyu sü louloure, a phi-a sülou baire. Eye ngaoba-a reih souveyu mai hi veahoyu vere teithe nasü E kheikhei soua kho bulai.

PAODAKHAIYU CHIKHA 28:65

Tyahrü sütao hrohinou neletao hai vaphia shoyu, moa neletao vei-e tea halia ngaolai moe. Ana Mapao nou neletaoye sü pinguyu, nghithou ngaomoyu alia levea dongai pfüyu nasü neletao hi peilai.

2 THESSALONIMAI 1:8

Sükisü Ramaiye bayu ea Eletao Mapao Jisu vei Ko Aveina zübayu puletao pei hisü tudee peilai.

EBRIAMAI 12:29

daiolouzü Eletao Ramaiwo chechenou hateitei souhalou süyu meie.