DOPFÜYU 1:12 - SHEEYU BAIBEL (BSI)

¹² Honapai nou takou takheyu mai hrülai hisü haibüa kra-a paoe, “Eye zhupei khaio! Mailia Enou souyu büa souyu mai ha-e, Mapao nou puhvei lekha rarou hinou Eye veahoyu pove peiyu büa maili hia soupei moe.

DOPFÜYU 1:12 Iomraidhean Croise

LOUTAO 88:16

Nevei lekha rarou sünou Eye soushi peiwure, nevei zhaipou ashi sünou Eye souhawure.

ISAIAH 13:13

Khoukhoulai Mapao Enou, avei lekha payu teithe sü rakiva buyu na khesü ngulülai, ae deiphao hai puh buh hinou souda laiwulai.

JEREMIAH 10:19

Jerusalem hi maitao nou haibüa kra-a paoe, “Etaoye sü zhishi showure! Etao vei zhimü sü veilou hore. Etao nou haisü healou süe tea tsüchoe.

JEREMIAH 18:16

Puletao nou teidei hai nasü souposhu ngaopi showure teisa panou ngaora loure. Tave taho ngaolouyu mai hrülai nou ngaoposhu khupalai; khupa shoyu donou puletao pei hai ngulai.

JEREMIAH 30:23

Mapao vei lekha rarou hai teikhai teirü ashi büe, teikhai teirü ashi sünou mai ashi maitao hisü hüvelai. Hai nasü soulai tea buyu nasü souche loumo koute chaolai moe. Vere teile hisü haitao hai puhvei maitao nou sheesha teanou süloulai.

JEREMIAH 30:7

Ngaopi shoyu teithe sü velaire; teithe kukhe ali-a hai nasü paonada louhoe— haizhou sü avei maitao nou veaho sholai, ana puletao nou hriloulai.”

JEREMIAH 4:8

Südonou soukousah baloua dopfüa kralo, daiolouzü Mapao vei lekha rarou nasü neletao hinou potalai moe.

JEREMIAH 48:27

Moab, nenou kabüa Israel maiye konüe touyu sü licho khaio! Nenou puhye sü vomai liye nülouyu büa ngaora-a ne pei sü züe.

DOPFÜYU 1:18

“Ana Mapao louzü kao-a baie, daiolouzü Enou puhvei chi sü zülou more. Neletao mai hrülai nou avei chipao sü keilo ae Enou veahoyu sü zhukhaio. Avei nahleyu maitaoye sü hukhamai soua vakou nüpoa tare.

DOPFÜYU 2:1

Mapao nou puhvei lekha rarou hinou Zion sü teimai teizhi sünou hongilure. Puhvei haveih khesü deiphi hi soushikou khaipeiwure. Puhnou lekha payu teithe sü puhvei Rathoki koute-a thaokhaiwua tare.

DOPFÜYU 2:13

Oh Jerusalem, leshi shoa buyu Jerusalem, Enou neye donou dai-e paolaige? Enou neye kabüa sousava peilai? Mailia neye büa veayu sü hahie. Nenou veahoyu sü zaidu büa akhai sü hare; neye donou areih sü halia hazei toure.

DANIEL 9:12

Nenou Etao hi ae Etao peikho maitao hi soulai tea paoyu nasü nenou soupeie. Nenou Jerusalem pei hi tudee peiyu büa deiphao hi buyu nuhdu kukhe ali hiro tudee peimo hie.

JOEL 2:2

maiyu alia zhiyu teithe, teihao chaoyu alia zhiteiyu teithe! Mai-zhi nou deichi sühao louyu büa reihmai sü pouso-a alia khouko buso-a velaire; sübüyu hai raiki pakhai mohie, mokhai-a bonakha hi koutea papulai moe.

MATHIU 24:21

Daiolouzü teideiphao soushu rainou chu koute pakhai moyu moa thaikhai koutea pakhailai moyu adudulai pihiyu nasü ve daolai.