DOPFÜYU 1:11 - SHEEYU BAIBEL (BSI)

¹¹ Honapai vei mai hrülai sü lüpoa nou raokhao phoua laire; Puletao hai hria buloure donou puletao vei muteina khesü poa touso lea loure. Nuhdu sü haibüa kra-a bure, “Oh Mapaowo, Eye zhukhaio, avei veahoyu khesü zhupei khaio.”

DOPFÜYU 1:11 Iomraidhean Croise

2 VEMAITO 6:25

Südonou nuhdu hisü touso hai chelujü shore, sübüa rheisüh pei ali hai shahu raicha ae vupou mu hai gram kaih ahai hinou shahu angou peie.

LOUTAO 79:4

Etao hai kinapa maitao hinou hraongu sü ngaore, puletao nou Etaoye sü konüre ae ngaophou moa Etaoye sü pahnü soupeie.

JEREMIAH 15:19

Mapao nou haibüa ahi chila peie, “Nenou ahi dakhaive louzü, Enou neye podakhai loulai, ae neye panou avei kilai soupu peilai. Nenou chaochao soua chi paomoa muh teiyu chipao paolouzü, neye panou avei rachipaolayu nasü soupu peilai. Maikhe mainou ne hi dakhai velai, ae nenou puletao hi velai moe.

JEREMIAH 19:9

Ngaobamai nou nuhdu hai nasü sühao loulai ae sühinou hrüa buyu maitaoye sü southare donou telai. Ngaobamai nou nuhdu sü soutaosoua dalouyu donou vakou palou shia nuhdu khevai buyu maitao hai alinou ali vei sou toulai, lahvei nahmai koute-a datha toulai.”

JEREMIAH 38:9

“Oh puo veo, maikhe mainou rachipaolawo Jeremiah ye dzükhao hi laithouyu sü kaomoe, puh sü thai-a bailai, daiolouzü nuhdu hisü raokhao hazei toure.”

JEREMIAH 52:6

Po süna vei khouh adai, khoukha akü zhou hai tokaa sholoua maikhe mai hai halia toure hare.

DOPFÜYU 1:8

Jerusalem nou mahmo hai soupou zhulere, südonou honapai hai mai konü soutare. Honapaiye tsükhoua buyu mai hrülai nou puhye sü ngaorare, daiolouzü puletao nou honapai vei baitouyu sü ngaoloure; honapai hai lah lüa pah pfüku tare.

DOPFÜYU 1:9

Honapai vei shee moyu sü ngaokhai loure, ana haithai puh hi dai vepalai touyu hai honapai nou tsücho moe; südonou honapai sü kaodu tare, ae puhye sousava peire mai lia hazei toure. Honapaiye ngaobayu maitao nou veiloure, ae honapai nou Mapao hi zhuvea leshi peio tea kra-a khowe.

DOPFÜYU 2:11

Avei nghithou hai krapouleyu donou ha ngaotou more; Ale sü veashore. Avei maitaoye soushi souhayu donou dopfüa E sü shaloure. Nahmaitao ae nahmaitou khesü nuhdu vei duva hinou shatare.

DOPFÜYU 2:12

Puletao nou houre ae reire tea puletao vei pfü hinou kra-a nou bure; Puletaoye zhizhu khaitouyu büa ludu kinou kaodu tare, ae pfü vei bah hinou sososoua thaitare.

DOPFÜYU 2:20

Zhukhaio, Oh Mapao! nenou souvea peia buyu maitaoye sü zhupei khaio! Naotumaitao nou leshi sho-a buyu lah puletao vei nahmaitao vei vasou sü toua nou bure! Napao maitao ae rachipaola peiyu maitao sü Rathoki hinou southa peia nou bure!

DOPFÜYU 5:1

Oh Mapaowo, Etao hi vepayu khesü licho peio. Etaoye zhupeio, ae Etao nou veahoyu khesü zhupeio.