DANIEL 9:9 - SHEEYU BAIBEL (BSI)

⁹ Etao nou ne chi zümoa mahmo souyuma, Oh Mapaowo, newo louzü maiye zhuvea süe alia khailupa peia baie.

DANIEL 9:9 Iomraidhean Croise

2 SAMUEL 24:14

“E veashore, Eye panou mai kukhemai bah hi delouwuso, Eye panou Ramai vei bah hi delou-a baio, daisounou touyuo puh sü maiye zhuvea leshi süshoe,” tea David nou chila peie.

1 VEMAITO 8:30

Avei veachi alia avei maitao nou buh haina hi reiloua veachi paoyu khesü keinou peio. Nenou buyu rakiva nou Etao nou khoyu khesü keipeio ae Etaoye khaipeio.

NEHEMIAH 9:31

Anou nevei zhuvea leshiyu hai dusho-e, nenou puletaoye thaopei moe moa souha peimoe. Ne hai zhuvea leshi süshoyu Ramai-e!

LOUTAO 130:4

Ana nenou etao vei mahmo khesü khaipeie, südonou etao nou neye khuhao-a nou ne nghoujü nou la-a bue.

LOUTAO 130:7

Israel maitao, Mapao ye louchelo, daiolouzü puhvei leshi hai akhai ha-e ae puh hai teisa nou khailu peinüshoa bua baie.

LOUTAO 62:12

ae tobai soumoa zhuvea leshi peiyu nasü puh baie. Oh Mapaowo, maikhe mainou soupfüyu vah thaifüa nenou puletaoye sü buu peio.

LOUTAO 86:15

Ana newo louzü, Oh Mapaowo, maiye zhuvea süyu ae leshi süyu Ramaie, ne hai teisa nou heamea süyu, zhuvea leshi süyu ae chilee checheyu nasüe.

LOUTAO 86:5

Oh Mapaowo, newo louzü veisho-e ae khaipeiyu nasüe, ne hi veachi paoyu mai hrülai hisü, nevei tobai soumoa leshipeiyu nasü peie.

ISAIAH 55:7

Mai ashi maiye panou puletao vei ludu nasü thaokhaio, ae cheche moyu maiye panou puletao vei tsüle ashi nasü thaowo. Puhye sü panou Eletao Ramai Mapao hi dakhai velo, sübüa puhye sü panou puh vei zhuvea leshi ae khailu peiyu nasü ngaolo.

ISAIAH 63:7

Enou Mapao vei tobai soumoa leshiyu paolai, Mapao nou Etaoye donou soupei khaitouyu teitei donou, ae Puhnou veisho-a Israel maiye zhuvea leshi peiyu ae tobai soumoa leshi peiyu donou Enou puhye paosholai.

JEREMIAH 14:7

Avei maitao nou ahi haibüa kra-a paoe, ‘Etao vei mahtao nou eh pei hi zhopao sou-a buyuma, Oh Mapaowo, nenou apaokhai touyu büa Etaoye soukha peio. Etao nou neye thaowua vu taoli tare, Ehnou mah sü souwure.

EZEKIEL 20:13

Ana puletao nou radeiki hinou buyu teile hia Eye khaityawe, puletao nou hriloure avei chikha khesü souphewure ae avei kharochi khesü malaire. Puletao nou avei soteithe nasü souzhaiwure. Puletaoye avei lekha rarou sünou souhawu laire tea Enou tsücho-e.

DANIEL 9:5

“Etao nou mah sü soupfüwure, kaomo zümoyu khesü soupfüwure; alia nenou kharochi peikhai touyu khesü pfüthore ae zhaido aveih na hinou hrülou moa tarei tawure.

DANIEL 9:6

Eletao vemai, vemai nahpoututao, Etao paipao, ae Etao teidei hi mai hrülai nou ne kilai, rachipaola-apei maitao nou ne chi paoyu khesü noupei bare.

DANIEL 9:7

Oh Mapao, newo louzü cheche-e, ana Etao louzü, Judah teidei hinou hrüyu mai-a, Jerusalem hinou hrüyu mai-a, alia Israel mai hrülai, buh holo hailo nou hrüa buyu nenou vah ashi ae mah souyu donou hulai rarou khaitouyu mai hrülai hai lah Etao pei hi veashoyu sü pove loua baie.

DANIEL 9:8

Etao vemaitao, peikho maitao, alia paipao maitao nou haongu vah sü soupfüwure alia ne hisü mah souwure.

JONAH 4:2

Südonou puhnou Mapao hisü veachi paoe, “Oh A Mapaowo, Enou ne hi haibüa bailai tiyu sü E nuh hi bukinou paomowu? Süvanou E Tarshish hi tutsü tamowu; Ne hai zhuvea süyu, lekha hahamoyu, leshi akhai hayu, alia ashi souyuma khaipeiyu Ramaie touyu Enou süwe.