DANIEL 9:5 - SHEEYU BAIBEL (BSI)

⁵ “Etao nou mah sü soupfüwure, kaomo zümoyu khesü soupfüwure; alia nenou kharochi peikhai touyu khesü pfüthore ae zhaido aveih na hinou hrülou moa tarei tawure.

DANIEL 9:5 Iomraidhean Croise

2 VEMAITO 18:12

Samaria hai daivanou kaodu tare toulouzü, Israel mainou puletao vei Ramai Mapao chi sü zübare, ana puletaoye koa nou vo soukhai touyu nasü pfüthowure, ae puhvei kilai Moses hinou peikhai touyu chikha teitei nou zübare. Puletao hai paochi zübare ae kei-a keipei bare.

2 VEMAITO 21:15

Enou haibüa avei maitao hisü soupeilai, daiolouzü puletao nou mahmo khesü soure, ae Enou puletao vei puopaoh maitaoye Ejipt hinou sapa peiyu nou poa zhou koute hai Eye khaityare.”

EZRA 9:6

Puh hi paoe, “Oh A Ramai, E mai jünou haolere alia apei pfülashu Neye zhulou hore, daiolouzü Etao vei mah hai Eh pei jünou kushore, alia Etao vei mah sü raki khe nghire.

LOUTAO 106:6

Etao puopaoh maitao büa Etao nou mahmo khesü soupfüwure, Eletao nou vah ashi sü soure ae mai shi-a soure.

LOUTAO 119:102

Enou nevei paodou–apei khesü ngaophou moyu sü soumoe, daiolouzü ne hai Eye dou-apeio nasüe.

LOUTAO 119:176

Ewo hakhai touyu zhaotu ali büa moa laire; südonou nevei kilai Eye tave zhupeio, daiolouzü Enou nevei chikha khesü ngaophou moyu sü soumoe.

LOUTAO 18:21

Enou Mapao vei chikha sü züwe, ae Enou Ramai hisü nou tarei tamoe.

ISAIAH 53:6

Etao mai hrülai motayu zhaotu büre, Etao mai veishi hai lahkuku nou tanüyu hisü tare. Ana Mapao nou Etao vei mahmo teitei sü puh pei hi pokakhai peiwure.

ISAIAH 59:13

Etao nou ne chi zümoa neye malaiwure, ae ne thaifüa tamore. Etao nou mai kukhe maiye sü souvea souchoro peiwure, ae Etao nou kaomo zümoyu tsücho-a chipao lako ashi khesü paopawure.

ISAIAH 64:4

Daoh nou zhou koute hai neye louche-a nevu reih-a buyu maitao hi haibüa vah haso soupeiyu Ramai kukhe ali-a ngaomo hie ae chou-a choumo hie.

JEREMIAH 14:20

Oh Mapaowo, Etao nou ne pei hi mah souwure; Etao nou soupfüyu mahtao ae Etao puopao nou mah soukhai touyu khesü mahla pawe.

JEREMIAH 14:7

Avei maitao nou ahi haibüa kra-a paoe, ‘Etao vei mahtao nou eh pei hi zhopao sou-a buyuma, Oh Mapaowo, nenou apaokhai touyu büa Etaoye soukha peio. Etao nou neye thaowua vu taoli tare, Ehnou mah sü souwure.

JEREMIAH 3:25

Eletao nou Eletao hrao donou kou zülou laikhe, ae hraongu nasü panou Etaoye holou laikhe. Enou nahle bukinou chukoute Etaoye ae Etao puopao Ramai Mapao nghoujü nou mah souwure. Etao nou Mapao Ramai chi zümore.”

JEREMIAH 30:14

Nevei leshi mai hrülai nou neye ngaiwure; puletao nou neye donou tea tsücho peimore. Enou neye sü ngaobamai ali büa dukhaire; neletaoye zhuveayu ali-a ha-a nou souvea shopeire, daiolouzü neletao vei mah sü alao loure ae neletao vei ashi khesü pousho loure.

JEREMIAH 44:3

Daiolouzü puletao nou vah ashi sü soure ae avei lekha soupa peire. Puletao nou moa puletao vei puopaoh maitao nou tho moyu rah kukhe hi puletao nou posheela peire ae puletao vei kuvah sü soutare.

DOPFÜYU 1:18

“Ana Mapao louzü kao-a baie, daiolouzü Enou puhvei chi sü zülou more. Neletao mai hrülai nou avei chipao sü keilo ae Enou veahoyu sü zhukhaio. Avei nahleyu maitaoye sü hukhamai soua vakou nüpoa tare.

DOPFÜYU 1:20

“Oh Mapaowo, Enou veahoyu ae chorosoua buyu sü zhupei khaio. Avei mahmo vanou Esü tsüle pepoa nou bure; kikha hi koute-a athai sü bure.

DOPFÜYU 3:42

“Etao nou mahmo souwure ae khaityawure, alia Oh Mapaowo, nenou Etaoye sü khaipei more.

EZEKIEL 5:6

Ana Jerusalem nou avei kharochi khesü züba-a rulare ae tyahrü kukhetao jünou maishipure ae puhvei pehao hinou buyu maitao jünou paochi hai zübapu loure. Jerusalem nou avei kharochi ae chikha khesü züba-a malaiwure.

EZEKIEL 6:9

Sübüa puletao hai hukhamai soua vakou nüpoa talai. Puletao nou buh sütao hinou Eye licholai ae puletao nou Eye louche moa basharataoye jüpapua thoyu donou Enou rarouloua puletaoye tudee peiwe touyusü puletao nou süloulai. Puletao nou vah ashi ae kaozü moyu soukhai touyu donou puletao hai lah puletaoye ngaora-a bulai.

DANIEL 9:11

Israel mai hrülai nou ne chi zümoa chikha khesü pfüthowure alia tarei tare, alia nevei kilai Moses nou chikha rükhai peiyu hi chaa khesü lah Etao pei hi poveloua baie, daiolouzü Etao nou kaomo zümoyu mah sü souwure.

DANIEL 9:15

“Ejipt teidei hinou nevei maitaoye nenou khupa soua sapa peiyu nasü, zhou koute ne zhih ngaimoa buyu Oh Ramai Mapaowo, Etao nou mah sü souwure, Etao nou kaomo zümoyu khesü soupfüwure.

DANIEL 9:9

Etao nou ne chi zümoa mahmo souyuma, Oh Mapaowo, newo louzü maiye zhuvea süe alia khailupa peia baie.

HOSEA 1:2

Mapao nou raikai nasoua Hosea hi haibüa paoe, “Taho khakhayu naotumai aliye ne chapfü soure donou polouo alia khakhapfü hinou nahmai hrülo, daiolouzü teidei hainasü Mapao ye thaoyu vanou shishoyu khakhapfü ali soutare.”

MALAKAI 3:7

Neletao vei puopao vei teile hinou poa zhou koute hai achikha hinou tarei tare, alia avei chikha hai zükhai more. Ahi dakhai velou-o, alia Enou neletao hisü dakhai velai,” teanou Hrülai pei hi Mapao nou paoe. Ana neletao nou paoe, “Kakua Etao dakhaive khailaige?”

EBRIAMAI 3:12

Südonou thaihou jürai khemai, leikeilo, molouzü neletao hrohinou maitalinou ashi ea louche moyu le nasü pfüloua neletaoye hriyu Ramai hinou sataloua panou kaoduta bailai.