DANIEL 9:3 - SHEEYU BAIBEL (BSI)

³ Südonou Enou lousah banaolou, vonai nalou alia azhuh Ramai Mapao hi pfürei veloua soutaosou lüh-a puh hi veachi paoe.

DANIEL 9:3 Iomraidhean Croise

2 SAMUEL 12:16

David nou nahtuye panou veiloure donou halia toumo somoa kheimathe deiphi hinou te-roupoa Ramai hi veachi pao-a khoe.

EZRA 10:6

Süthaisü Ezra nou Rathoki hinou paloua Eliashib nahpoutu Jehohanan kihi loure, alia süzhou khei hai puhnou halia toumoa nüpoa tayu hinou dakhaive louyu maitao nou chilee moa mah souyu donou dopfüa bue.

EZRA 8:21

Süthaisü, Ahava rei hinou Etao mai hrülainou Ramai hi nakouloua veachi paolai tiyu hai shapa peie, daiolouzü Etao nou tayu veidu nasü veih-a panou buhisü vete loure donoue.

EZRA 9:5

Koukhe vei posheelayu teile veyu phaki, Enou dopfüa buyu hinou lashu loure alia avei sahnü payutao noupoa Enou Ramai hi khoukhü loua ae abah khapaloua

NEHEMIAH 9:1

Khouh haina vei khoukha kaidai zhou hai Israel maisou nou vejüloua puletao nou mahmo soukhai touyu donou levea-a hatou moa lüh-a veachi paoe. Puletao hai vakou maitao hinou kupa loure, ae puletao nou leveayu vei sheesoua soukousah nou banou loure alia puletao vei pei vasü vounai posho khailoure. Süthaisü puletao vei mahmo ae puletao vei puopaoh maitao nou mah soukhai touyu khesü mah lare.

ESTHER 4:16

“Susa nuhbei hi hrüa buyu Jihudimai hrülaiye save jülo, alia athaosou heakhei asü hai lüh-a touso ali-a toumoa veachi paopeio. E alia avei kilai mai hrülai nou neletao büa halia toumoa lüh-a veachi paolai. Süthai nou zhai moa buyuma Enou veo hisü taloulai.”

JOB VEI LARÜBVÜ 42:6

Südonou chuo Enou paopayu chipaotao sü choloua E hrao shore, ae chuo vounai alia konai hinou kou da-a nou E le daloure.

LOUTAO 35:13

Ana puletao nou sounou souyu phaki, Enou puletaoye donou dopfü peie; Enou ha toumoa puletaoye donou apei pfünakou veachi paopeie.

ISAIAH 22:12

Süteithe zhousü Khoukhoulai Mapao nou neletaoye kra-a dopfülo, pei saiwuo ae soukousah banoulo tea paopeie.

JEREMIAH 33:3

“Eye lakhaio, ae Enou neye chila peilai; nenou sükhai toumoyu khupayu ae veishoyu khesü Enou ne hi paongao peilai.

EZEKIEL 36:37

Ramai Mapao nou paoe, “Enou Israel maiye sü panou ahinou soukha peio tea khopulai, ae Enou puletaoye sü zhaokhome hinou zhaotu hai alao poupayu büa soupoupa peilai.

DANIEL 6:10

Veo nou chikha nasü ae-ao souloua sheesao nopeiwure touyu Daniel nou süa bulikhei, puhnou teithetsü puh ki hi veloua puhvei kide areina hinou buyu vabome, Jerusalem hilova reipoa buyu hinou khoukhüloua teitheli hinou bakha asü Ramai hi veachi paoe alia puhye paoshowe.

DANIEL 9:2

Puhnou vekoulouyu po araina hisü Daniel, Enou Sheeyu larübvü nasü phoua Jerusalem nuhdu nahai po rainai soushi khaiwulai tea Mapao nou rachipaolawo Jeremiah hi paopei khaitouyu sü tsüchoa bue.

DANIEL 9:20

Enou avei mah ae avei maitao Israel maivei mah paopa-a alia Mapao Ramai hinou puhvei sheeyu Rathoki nasü soushu dakhai peire donou veachi paoe.

DANIEL 9:4

Enou Ramai Mapao hi avei maitao nou mah soukhai touyu khesü paopa-a veachi paoe, “Oh Mapaowo, dushoyu ae khupa shoyu Ramai, newo vo soukhai touyu nahai veikhai timoe, alia neye leshiyu mai ae nenou zho lükhai touyu nahai soupfüa buyu mai hisü nevei tobai soumoyu leshi hai bue.

JOEL 1:13

Oh napao maitaore, soukousah banoulo alia dopfülou khaio, kouli likhaio, rathoyu ki hinou vah soua bumaitao! Rathoki hi veloua nou kheimathe dopfüa bulouo! Daiolouzü poa sheela laiyu thoudzü khesü Ramai vei ki hi hazhi toure.

JOEL 2:12

Mapao nou paoe, “Ana chukoute-a, ne lü teitei nou pei-a, lüh loua nou, alia kra-a dopfü lounou ahi dakhai velo;

JONAH 3:5

Nineveh hi hrüa buyu mainou Ramai ye louche loure, südonou puletao mai taidu teitei nou, alia soukousah banou khai touloua, lühlai teanou chi souloue.

MATHIU 17:21

(Ana haibüyu tyahai veachi paoyu ea lühyu likhei deinou ha kukhe linoua hulai palou hoe.)

LUK NOU RÜYU KO AVEIBVÜ 2:37

alia süthaisü puhnou po raichadai meamaipfü ali soua hrükoure. Puhnou khei-heanou lüh-a ea veachi paonou ko-a Ramaiye thoa Rathoki hinou thaokhaimoa bue.

SEI-ATAMAI VAHTAO 10:30

Kornelia nou chila peie, “Teithe adai jühi, Enou Aki hinou koukhe chupha teilecho asü hinou veachi paoa bue. Alia sükhaimoa peiva vayu sah bahyu mai alinou Anghojünou kou laloua paoe,