DANIEL 9:2 - SHEEYU BAIBEL (BSI)

² Puhnou vekoulouyu po araina hisü Daniel, Enou Sheeyu larübvü nasü phoua Jerusalem nuhdu nahai po rainai soushi khaiwulai tea Mapao nou rachipaolawo Jeremiah hi paopei khaitouyu sü tsüchoa bue.

DANIEL 9:2 Iomraidhean Croise

2 PUOPAOKO 36:21

Rachipaolawo Jeremiah nou paokhai touyu chipao nasü vetere: “Soteithe reichelou moyu sü reiche loure donou teidei hai nasü po rainai hai maiye panou hrümoa bulai.”

EZRA 1:1

Persia hi veo Sairas nou vekou louyu po araikou, Ramai nou rachi paolawo Jeremiah hi paokhai tiyu taosü cheche-a pare. Puhnou Sairas hisü thashoa khekou vei kharochitao hai rüpaloua seitapeio, alia paikushoa puhvei vedei teitei hisü phou peikhaio tea lepeie:

LOUTAO 119:24

Nevei paodou peiyu taonou Eye sousava peiwe, sütao nou Eye süthaisa-a tapeie.

ISAIAH 64:10

Nevei sheeyu nuhdu khesü radeiki vitare; Jerusalem hai soushi khaiwua mai pahatare.

JEREMIAH 1:1

Larübvü haina hai Benjamin teidei hi buyu Anathoth nuhdu hinou napao ali sou-a buyu Hilkia nahpoutu Jeremiah veie.

JEREMIAH 25:18

Jerusalem ae Judah vei nuhdutao, alia sühi vemaitao ae peikho maitaoye panou sünasü keloue, sübüa puletaoye panou radeiki vita-a ngaopi shore donoue, ae maikhe maiye panou puletao vei zhih sü chaa soua chukoute poyu büa pore donoue.

JEREMIAH 26:18

“Judah hi veo Hezekiah teile hi Moresheth hinou rachipaolapu Mikah nou Khoukhoulai Mapao nou haibüa paowe tea paoe, ‘Zion hai dou büa tadao toulai, Jerusalem sü soushiwua panou houshi khaiyu buh soutawulai, ae Rathoki vei deichi sü vaohro vitawulai.’

JEREMIAH 26:6

Hakinou neletao nou paochi zümoa bukoure toulouzü, Enou Rathoki hai nasü Shiloh hi soupeiyu büa soupeilai, ae deiphao mai hrülaiye panou nuhdu haina zhih sü chaa ali soua polai.”

JEREMIAH 27:7

Tyahrü hrülai nou puhvei kuvah soulai, ae puhvei vedei hai kaodu tare teile vemo koute hai puletao nou puhvei nahmai ae tyaomaitao vei kuvah sü soulai. Süthaisü puhvei tyahrü sünou khouko buyu tyahrütao ae dusoyu vemaitao vei kuvah soulai.

JEREMIAH 29:10

“Mapao nou haibüa paoe, ‘Babilon maiye donou po rainai cheyu phaki Enou neletao hi velai, ae Enou paokhai touyu khesü Enou neletao hi souche peilai alia neletaoye buh haihi sa-a dakhaive peilai.

JEREMIAH 7:34

Enou Judah vei nuhdutao ae Jerusalem vei ludutao hisü savayu paikho ae shanghi soua vasayu pai khesü panou akhai soulaire. Teidei sü panou radeiki vita-a bailai.

DOPFÜYU 1:1

Raichoki mainou phoutao-a buyu nuhdu nasü, chuo kabüa zei tea bure sarou! Vuli hi deiphao mainou tsükhoua buyu nasü, chuo puh sü mimeapfü ali büa bure; Nuhdutao hrohinou vepfüpai soua buyu sü chuo maivei qila soutare.

EZEKIEL 29:11

Mai moyuma hrikhaona ali-a panou sühisü hrülaimoe. Po raidai koute hai panou halia hrüa bulai moe.

DANIEL 9:3

Südonou Enou lousah banaolou, vonai nalou alia azhuh Ramai Mapao hi pfürei veloua soutaosou lüh-a puh hi veachi paoe.

MIKAH 3:12

Südonou, neletao vanou Zion sü dou ali büa tatatou laire, Jerusalem sü soushi khaiwulai, ae Rathoki sü vaohro vitawulai.

ZEKHARIAH 1:12

Süthaisü Mapao vei rakivamai nanou paoe, “Oh Khoukhoulai Mapao, nenou Jerusalem alia Judah nuhdutao hi rarou-lekhayu hai chuo po rainai pare. Nevei zhuveayu halia ngaomoa puletao hai teile kasho bulai hige?”

ZEKHARIAH 7:5

Teidei haihi hrüa buyu mai hrülai alia napao maitao hisü haibüa paopeio: “Neletao nou khouh angou nava alia khouh anai nava dopfüa ae lüh-a po rainai koute souyu hai Eye tsükhouyu donouwu?

MATHIU 24:15

“Südonou neletao nou Daniel rachi paolawo nou paokhai touyu ha-kare souzhaiyu ngaora sünanou sheeyu buh hinou la-a buyu ngaoyu kisü (phoua buyu puhnou süloukhaio!)

MARK 13:14

“Ana neletao nou ‘Ha-kare souzhaiyu ngaora’ sünanou puhnou buzü moyu buh hinou la-a buyu kisü (phoua buyu puhnou süloukhaio), süthaisü Judea hi buyu puletao nou deichi taohi tutaloukhaio.

SEI-ATAMAI VAHTAO 8:34

Vasou datamai sünanou Philip hi noue, “Enou nehi khowe, rachi paolawonou haina hai thaoh vanou paowe; lah puh vanou ho, mai kukhe ali vanou paowe?”

1 TIMOTHI 4:13

E vemo koutesü lüloumaime nghojühi sheeyu larübvü phouyu, ko paodouyu ea doupeiyu hinou nevei teile ea teyu sü peikhaio.

PONGAOPEIYU 1:3

Paosüyu rachi hainavei chipaotao phouyu puhsü rakoveie, alia chipao süsü keiloua larübvü hainahi rüthoukhai touyu sütao zülouyu puletaosü rakoveie! Daiolouzü sütao teitei palaiyu phasü ngheire.