DANIEL 9:16 - SHEEYU BAIBEL (BSI)

¹⁶ Oh Mapaowo, raichoki nenou Etaoye vupeiyu büa, nevei lekha rarou nasü nevei sheeyu deichi, nevei Jerusalem nuhdu hinou zhuvea nou polai peia baio; daiolouzü Etao vei mah ae Etao paipao maitao nou soukhai touyu mahtao donou Jerusalem alia nevei mai hrülaiye sü Eletao pehao hinou hrüa buyu tyahrütao vei zünü soua bure.

DANIEL 9:16 Iomraidhean Croise

NEHEMIAH 9:8

Nenou puh hai chilee chechewe touyu süloue, ae nenou puhye koa vo soupeie. Nenou puhye Kanaan maivei teidei, Hit maivei teidei, Amor maivei teidei, Periz maivei teidei, Jebus maivei teidei, ae Girgash maivei teidei hai puhvei tyaosholea hi peilai tea chaachou soupeie. Nenou apaokhai touyu nasü souvete peie, daiolouzü ne hai cheche-e.

LOUTAO 143:1

Oh Mapaowo, avei veachi sü keipeio! Nevei checheyu nasü nou avei akho noupeio, nevei chilee checheyu nou Eye chila peio.

LOUTAO 31:1

Mapaowo, E ne hinou ve bailoulai tea vewe, Eye panou hraoyu ngaoso. Ne hai checheyu Ramai-e, Eye khailupa peio tea ne hi veachi paowe.

LOUTAO 41:13

Israel maivei Ramai Mapao ye paosholo! Puhye teisa nou paosho-a bulo! Amen! Amen!

LOUTAO 71:2

Nevei acheche hinou Eye soukha peio ae vupa peio. Nevei noubei sü ahi pfürei peio ae Eye khailupa peio.

LOUTAO 79:4

Etao hai kinapa maitao hinou hraongu sü ngaore, puletao nou Etaoye sü konüre ae ngaophou moa Etaoye sü pahnü soupeie.

LOUTAO 85:4

Etaoye khailupa–apeio, Oh Ramai, Etaoye sa-a dakhai vepeio, ae Etao pei hi vamoyu nasü polai peio.

LOUTAO 89:51

Oh Mapaowo, nevei ngaobayu maitao nou nenou dopa louyu veoye konüa ngaophou moyu sü soupeiwe! Puhnou tayu buh veishi hisü puletao nou ngaophou moa konüa lai-a baire.

TAPALOUYU 20:5

Neletao nou bashara moyuma zhurai taraliye nakou tholai moe, daiolouzü neletao Ramai Mapao nasüe E baie, ae Esü ashiye zhuthoulou hoyu Ramai-e. Eye ngaorayu mai hisü Enou puletao vei tyaosholea asü ae adai koute veahoyu sü peiwe.

ISAIAH 5:25

Südonou Mapao sü puhvei maitao pei hi rarou loure, puh bah sü thaipa puhvei maitaoye tudee talaire. Deichi khesü ngure, alia thaiphao khesü lududo kinou hashi laikhai touyu büa thai-a bure. Mapao vei lekha-rarou nasü chua chemo hie, puhvei maitaoye tudeepure donou buhie.

JEREMIAH 24:9

Enou puletao hi veahoyu sü seive peia panou deiphao mai hrülaiye ngaopi shoyu soupeilai. Maikhe mainou puletaoye ngaophou moa konü peilai, ae Enou puletaoye soupho laiyu buh veishi hisü panou puletao vei zhih sü chaa soua poa talai.

JEREMIAH 29:18

Enou puletaoye khoche, tokaayu, ae rahtayu sünou thaingou talai, ae puletaoye hupove khaitouyu buh veishi hinou puletaoye mai hrülai panou ngaopiyu, chaa, pihiyu, ngaohiyu ae chaa peiyu sü soupeilai.

JEREMIAH 32:31

Nuhdu hai hi maitao nou nuhdu soushu louyu teithe hinou poa avei lekha rarou soupa koute bubaie. Südonou nuhdu hai nasü souhawure donou ale laloure,

JEREMIAH 32:32

daiolouzü Judah alia Jerusalem hi maitao nou vah ashi sü puletao vei vemaitao ae süthai-apei maitao, puletao vei napao maitao alia rachipaolayu maitaoye koa soupfüre.

EZEKIEL 22:4

Neletao hai maiye southayu vei mah bure ae basharataoye souyu donou lah neletaoye souzhai loure, südonou neletao vei teile sü vere, neletao vei teile sü chere! Südonou chuo Enou tyahrütaoye panou neletaoye ngaora-a konülai ae neletao hai mai hrülai vei jünü sü panou soulai.

EZEKIEL 5:14

Neletao vei pehao hinou hrüyu tyahrütao nou neletaoye ngaolouyu phaki, puletao nou neletaoye konülai ae neletaoye ngaora-a nou tavai ta-a bailai.

DANIEL 11:45

Puhnou dushoyu puhvei sahpao sü zaidu ae sheeyu deichi kohinou soukhai loulai, ana mai ali koutea puhye soukha peire mai ha-a puhsü thaita bailai.”

DANIEL 9:20

Enou avei mah ae avei maitao Israel maivei mah paopa-a alia Mapao Ramai hinou puhvei sheeyu Rathoki nasü soushu dakhai peire donou veachi paoe.

JOEL 3:17

“Süthaisü neletao nou süloulai, E hai neletao vei Ramai Mapao-e, sheeyu Zion deichi hinou bue touyu. Alia Jerusalem hai sheeyu bue, ae vakou mainou buh sühi loupu khailoulai moe.

ZEKHARIAH 8:3

Enou Zion hi dakhai velai, alia Jerusalem nuhdu touchü hinou ve hrülai, alia Jerusalem hai louche louveiyu nuhdu teanou kulai, alia Khoukhoulai Mapao vei deichi nasü sheeyu deichi tea panou kulai.

2 THESSALONIMAI 1:6

Alia Ramai nou souzü nasü soupeilai, süolouzü neletaoye souvea-a buyu puletao pei hisü puhnou vea-hoyu pove peilai,

1 JOHAN 1:9

Ana Eletao nou Eletao vei mah hai Ramai hi dua paopa ngaowu louzü, puhwo louche louveie ea chechewe, alia Eletao mahsü khaipeilai ea Eletaoye Eletao vei kao-zümoyu teitei hinou soushee peilai.

1 SAMUEL 2:7

Puhnou kamai-a panou touha-e ae kamai-a panou toungiwe; puhnou kamai-a panou tainou soua hrüe ae kamai-a panou aduso mai soua hrüe.