DANIEL 9:11 - SHEEYU BAIBEL (BSI)

¹¹ Israel mai hrülai nou ne chi zümoa chikha khesü pfüthowure alia tarei tare, alia nevei kilai Moses nou chikha rükhai peiyu hi chaa khesü lah Etao pei hi poveloua baie, daiolouzü Etao nou kaomo zümoyu mah sü souwure.

DANIEL 9:11 Iomraidhean Croise

2 VEMAITO 18:12

Samaria hai daivanou kaodu tare toulouzü, Israel mainou puletao vei Ramai Mapao chi sü zübare, ana puletaoye koa nou vo soukhai touyu nasü pfüthowure, ae puhvei kilai Moses hinou peikhai touyu chikha teitei nou zübare. Puletao hai paochi zübare ae kei-a keipei bare.

ISAIAH 1:3

Kikhaorü louzü lah puletao vei paopuye süwe, alia rheisüh-a lah paopu nou to peiyu buh ngaowe. Ana Israel mai-o louzü sülou more, avei maitao hai tsü sükulou more.”

ISAIAH 43:28

alia neletaoye khasa-a buyu peikho maitao nou avei sheeyu rathoki nasü souzhai peiwure. Südonou Enou Israel maiye sü panou soushi khaiwure hisü peithouwure; Enou avei maitaoye sü panou hraongu ngaore donou souwure.”

JEREMIAH 16:11

Süthaisü nenou puletao hi Mapao nou haibüa paowe tea paopeio, ‘Neletao vei puopao mainou Eye thaowure, ae rah kukhe thaifü tare ae puletao vei kuvah soutare. Puletao nou Eye malaiwure ae achi zümore.

JEREMIAH 2:29

Neletao daidonou apei hi nolealeage? Daidonou neletao apei hi vamo-a Eye duwe?

JEREMIAH 30:14

Nevei leshi mai hrülai nou neye ngaiwure; puletao nou neye donou tea tsücho peimore. Enou neye sü ngaobamai ali büa dukhaire; neletaoye zhuveayu ali-a ha-a nou souvea shopeire, daiolouzü neletao vei mah sü alao loure ae neletao vei ashi khesü pousho loure.

JEREMIAH 32:23

Ana puletao nou talou teidei nasü polouyu thai, puletao nou nevei chikha khesü zübare, moyuma nenou paodou peiyu thaifüa hrümore; nenou soupfülo tea kharochi peiyu alia puletao nou soupfülou more. Südonou nenou veahoyu haitao veishi sü puletao hi pove peie.

JEREMIAH 40:3

ae chuo puhnou paokhai touyu büa soupeire. Neletao hi haibüa vepayu sü daivanoue toulouzü neletao nou Mapao chi zümoa mah souyu donoue.

JEREMIAH 44:22

Neletao nou vah ashi ae ngaorayu vah souyu khesü Mapao nou healou hore, südonou zhou teithe hai neletao vei teidei sü soushi khaiwua panou mai liro hrümore, para tare, ae chaa ngaoyu teidei ali soutare.

JEREMIAH 44:23

Neletao hi haibüa veahoyu veyu khesü neletao nou rah kukhe hi poukai nüvei meidei peia Mapao nou neletao hi chikha peiyu khesü zümoyu vanou vepawe.”

JEREMIAH 6:19

He deiphao, keikhaio! Puletao nou hashi soupfüyu donou Enou mai haitao pei hisü tudee peilai, daiolouzü puletao nou avei dou-apei sü malaiwure ae avei chipao sü zü bare.

DANIEL 9:13

Moses vei chikha larübvü hi rüthoukhai touyu tudee laiyutao teitei hai Etaoye tudee peire, ana Etao hai kaomo zümoyu ae mahmo souyu hinou le daloua ne jüpa soure donou phoumoe, alia ne vei zhuvea nasü kholou moe, Oh Mapao Ramaie.

DANIEL 9:5

“Etao nou mah sü soupfüwure, kaomo zümoyu khesü soupfüwure; alia nenou kharochi peikhai touyu khesü pfüthore ae zhaido aveih na hinou hrülou moa tarei tawure.

ZEKHARIAH 1:6

Enou avei kilai rachi paolayu maitao hinou kharochi ae tukhayu zhaitao sü seive paopeie, ana puletao nou sütao hai ngaophou peimore. Südonou puletao nou ngaozü na thaifüa veayu ngaoe. Süthaisü puletao nou le daloua puletao veayu hai, Khoukhoulai Mapao Enou souvea baie alia sübüa veayu hai vea züa baie touyu lah puletao nou süloue.”

ZEKHARIAH 7:12

Khoukhoulai Mapao vei chipao alia chikha khesü puhvei Rakoye panou rachi paolayu maitao hinou seive-e, ana puletao nou sütao hai-a keimore donou puletao lethou sü chuh büa soukhou sholoua baire. Südonou Khoukhoulai Mapao vei dushoyu lekha-rarou nasü puletao hi vere.

ZEKHARIAH 8:13

Judah alia Israel maitaore! Raichoki louzü vakoumai nou haibüa mailinou mailiye chaawe: ‘Judah alia Israel mai hi chaa ashi veyu büa panou ne hi-a vetheo,’ teanou. Ana chuo Enou neletaoye sü khailu peire, alia vakoumai-a mailinou maili hi haibüa paolai, ‘Judah alia Israel mainou shiha ngaoyu büa ne-a panou shiha sü ngaolou theo.’ Südonou ngaopiso, khuveisho loua baio.”

PAODAKHAIYU CHIKHA 8:20

Neletao nghoujü hinou Mapao nou tyahrü kukheye souhalaiyu büa, neletao-a neletao Ramai Mapao chi zülou moyu thaio souhalai bailai.