DANIEL 8:9 - SHEEYU BAIBEL (BSI)

⁹ Kai adai hrohinou kai taitou ali hai tsüpapure, alia puhnou khelova, teinghi palova ae Hüveishoa buyu Teidei hilosü dulailai poa tsüpare.

DANIEL 8:9 Iomraidhean Croise

LOUTAO 105:24

Mapao nou puhvei maitao hi tyoudzü alao soumoa hapeie, ae puletaoye sü panou ngaobayu maitao jünou khouko ngaopuloue.

LOUTAO 48:2

Ramai vei deichi, Zion hai kushoe ae hüveih shoe, dusoyu veo vei nuhdu haina nou deiphao mai hrülai hisü savayu hai pove peiwe.

JEREMIAH 3:19

Mapao nou paoe, “Oh Israel, Enou neye anahpoutu soua polounüe, ae neye veishoyu teidei ali peinüe, deiphao teitei hinou veikayu teidei. Neletaoye panou Eye neletao vei Puo tea kunüe, ae ahinou pa tala tapu khaimoa bunüe.

EZEKIEL 20:15

Südonou Enou radeiki hinou puletaoye panou mai lia Enou puletao hi peilai touyu teidei, chanaodzü ae laivoudzü nou küa buyu teidei hisü salou peilai moe tea chaachou souwure.

EZEKIEL 20:6

Süthaisü Enou puletaoye Ejipt hinou sapaloua Enou puletaoye donou dopakhai touyu teidei aveih, chonaodzü ae laivoudzü nou küa buyu teidei nasü peilai tea paohpeie.

DANIEL 11:16

Sairia reihmaitao nou sounüna thaifüa puletao nou souloua bailai, daiolouzü mai ali koutea puletao nghoujü hi lalou laimoe; alia puletao nou Apaokhai touyu Teidei hisü louloulai, ae sükhe teitei hai puletao vei khakhe hinou bua bailai.

DANIEL 11:21

“Süthaisü puh thailo pa veo soulaiyu nasü vetya moyu mai ashimai alinou pa veo soulai, lichokhai timoa buyu teile hinou puhnou vedei sü poloulai.

DANIEL 7:8

Enou kai sütao sü tsüchoa zhua buyu phaki, kaitao hrohinou kai taitou ali paopa-a zhingaoe, kai sünatou nou paopaloua rai-a buyu kai kukhe asü taoye sü bei hinou soula laiwure. Kai sünatou hisü nghithou ali bue, alia khouphu soushoyu chipao paoyu mü ali bue.

ZEKHARIAH 7:14

Teikhei nou hüpoa tayu büa Enou puletaoye sü tyadei kukhe hi soupo rarou laiwure. Südonou veishoa buyu puletao vei teidei hisü mai takou-takhe more, alia teidei sühisü mai hrümoyu buh ali soutare.”