DANIEL 8:8 - SHEEYU BAIBEL (BSI)

⁸ Süthaisü nghitu nasü nou khaophu sousho pare, ana puhnou khouko veishoa buyu phateile hinou puhvei kai nasü chatare. Kai süna buh hinou veishoyu kai adai holo hailo ae reilo khelo reipoa tsüpare.

DANIEL 8:8 Iomraidhean Croise

2 PUOPAOKO 26:16

Ana Veo Uzziah nou dusho pakhaie, puh hai khaophu soutare, südonou puh sü kaodu tare. Puhnou puhvei Ramai Mapao ye ngaophu moa Rathoki hi talou pou kainüvei deiyu posheelabu hinou meidei-a posheelare donou taloue.

ESTHER 9:4

Daiolouzü Mordekai hai chuo veo vei vedei hinou khouko pfüshoyu mai ali soure, alia vedei teitei hisü puh zhih hai tashore; alia Mordekai hai khouko ngaopu khaikhai pare.

JEREMIAH 49:36

Enou Elam mai hisü kainghou adai hinou pa teikhai ashi sü hüve peilai, ae Enou puletaoye sü tyahrü veishi hi shetumai soua bukhaimo koute hupho raroulai peilai.

JEREMIAH 5:27

Raohou thoukhaiyu bvü ali hi raohou nüthou phoukha-a buyu büa puletao vei ki hisü maivei na shaopoa ve phoukha khailoure. Südonou puletao hai khouko buwe ae toungiwe,

EZEKIEL 16:7

Veishoyu poube ali büa Enou neye sü panou vipaloue. Nenou dusho paloua püphao vei shoyu naotumai ali souloure, nevei naonao hai veisho-a nou paloue, ae nevei peishu hai shokouloue, ana ne sü baitoua nou bua baie.

EZEKIEL 28:9

Puletao nou neye southalai tea veyu phaki, ne hai rah alie tea khalou süvu? Nenou neye southare maitaoye daolouyu phaki, ne hai thai-a bailaiyu mai ali soua bailai, ne sü rah moe.

DANIEL 11:4

Puhnou sübüa khouko pfüsho payu phaki, puhvei vedei sü dade adai soua bailai. Puhvei vebuh hisü maitya kukhemai nou pa veo soua bailai, ana puletao hai puh büa khouko bulai moe.

DANIEL 4:31

Veo nou chipao haitao paoche loumo kinou raki vanou pai ali haibüa shakoue: “Oh Veo Nebukhadnezzar, nevei vedei hai ne hinou potawu laire.

DANIEL 5:20

Ana puhnou khaophu soupayu phaki, puhvei vebuh nasü puh hinou polai peie alia puhvei kathe khesü hatare.

DANIEL 7:2

Enou zhia buyu phaki, avei zho kounou deiphao kainghou adai hinou teikhai sü hüpoa ve zaidu dzü sü hülüa ngaoe.

DANIEL 7:6

Süna thailo hai Enou zhua buyu phaki, khaosou kukhe ali hai shirakhao zhai büa tapa-a ngaoe, ana puh phao hisü raohou shouh adai ae pei adai pfüwe. Puh hisü tukha lousüyu khouko thoupei khaitoue.

DANIEL 8:22

Chatayu kai ali hinou kai adai tsüpayu hai puletao vei tyahrü hinou vemai adai palai, ana veo araina büa puletao hai khouko bulai moe.

DANIEL 8:5

Enou haisü daivanousa tea tsüchoa buyu phaki, nghitu ali puh phi dei himoa tuvei shopoa teinghi loulo vanou tupoa veyu ngaoe. Puhvei nghithou ahai kohinou kai ali veishoa nou bue.

DANIEL 8:7

Puhnou zhaotu nahisü tupoa kou bouvayu Enou ngaoe. Puhnou lekha shopoa zhaotu navei kai ahai khinou bouchawure, alia puh nghoujü nou zhaotu nasü khouko hazhia deiphi bou khaokou khaiwure, alia puhye sü mai ali nouro nghitu hinou vupapei loure khouko hare.

MATHIU 24:31

Alia puhnou puhvei rakivamai taoye paiku shoa houyu be khonou pua seivelai, alia puletao nou puhnou dopa louyu maitaoye rateiva akhai polo dova hinou akhai polo koute, deiphao kaihoung dai hinou pove dzülai.

MARK 13:27

Süthaisü puhnou rakivamai taoye deiphao kainghou adaihi seita-a panou deiphao akhai alilova nou alilova koute hinou puhnou dolouyu maitaoye podzülai.

PAODAKHAIYU CHIKHA 31:20

Enou puletao paipaoh mai hi peilai tea chaachou soukhai touyu teidei, laivoudzü ae chonaodzü nou küa buyu füdei hisü puletaoye save peiyu phaki, puletao hai touva lisoua ae sova lisoua hrülai. Ana puletao hai rah kukheye thotawulai ae puletao vah ashi sü souta bailai, alia Eye malaiwua Eye koa vo thoukhai touyu nasü pfüphe pfüpho-a bailai.

PONGAOPEIYU 7:1

Haina thaisü rakivamai adainou teikhaiye panou deiphao hi, zai hi moa süübe tali vahi hükhai more donou deiphao kaihoung adai hinou la-a deiphao vei teikhai adaiye keipoa buyu sü Enou ngaoe.