DANIEL 8:13 - SHEEYU BAIBEL (BSI)

¹³ Süthaisü rakivamai ali nou ali hi haibüa paoyu Enou choue, “Zho ngaoa buyu khesü teile kashoa bukoulai hige? Teile kasho koute mei deia posheela laiyu thaosü mahmo soua bulai hiro? Teile kasho koute rakiva reihmaitaoye panou phinou taicha-a ae rathoki nasü panou soushi khaitoua bulai hie?”

DANIEL 8:13 Iomraidhean Croise

LOUTAO 74:10

Oh Ramai, ngaobayu maitaoye panou teile kaso Etaoye konüa bulaige? Puletaoye panou ne zhih sü teisa nou paoshi-a bailaiwu?

LOUTAO 74:9

Etao vei sheeyu shee veishi sü souhawure; rachipaolayu mai ali-a hare, ae teile kasho-a haibüa bukou laisa touyu hai mailia sümore.

LOUTAO 79:5

Oh Mapaowo, ne Etaoye teisa nou raroua bailaiwu? Nevei lekha rarou nasü mei taoyu büa teisa nou tao-a bubai laidou?

ISAIAH 28:18

Süthaisü neletao nou koa athaimaiye vo soukhai touyu sü thaowua bailai, ae neletao nou rabedushao ye koa nou ae-ao soukhai touyu nasü lalou hoa bailai. Veahoyu ae kaozhou ashi sünou neletao jünou veiloua bailai.

ISAIAH 6:11

Süthaisü Enou noue, “Haibüa teile kaso koute Enou soukou laige, Oh Mapao?” Puhnou haibüa chila peie, “Nuhdu khesü soushi souha laiwua panou sakhai-a bumo koute, ki khesü panou mai hrümo koute, alia teidei teitei sü soushi khaimo koute,

ISAIAH 63:18

Phajü touli hai nevei sheeyu maitaoye sü ngaoba mainou hulaiwure, puletao nou nevei sheeyu Rathoki nasü taisasare.

ISAIAH 9:6

Daiolouzü Etao hi nahtou ali napeie; Nahpoutu ali Etaoye peie! Ae puhnou Etao pei khopu soulai. Puh zhih sü “Khupa shoyu Soukha-apeio,” “Khoukhoulai Ramai,” “Teisa ahri Puo,” “Kaonayu Veo nahpoutu” tea kulai.

JEREMIAH 12:10

Vakou teidei khomai alao nou avei darkha toupei sü soushiwure; puletao nou avei dou sü taika chichiwure; puletao nou veishoa buyu avei teidei sü radeiki soupeire.

DANIEL 11:31

Puhvei reihmaiye panou tave Rathoki ae posheelayu buh sü souzhai khaiwulai, ae shokou meideia Ramai ye sheelayu zhai khesü souhawulai alia ngaorayu vakou maivei bashara ae rathoyu zhai sünou puletao nou pove khailoulai.

DANIEL 12:11

“Posheelayu ae rathoyu zhai nasü souha laiyu alia vakou maivei rah ae basharatao pove khailouyu teile hai teithe thelia kaih haia raikü (1290) loulai.

DANIEL 12:8

Puhnou paoyu sü Enou choue, ana daivanou paowe touyu Enou sümore. Südonou Enou noue, “Oh apaopuwo, haitao hai kabüa kou akhai soulaige?”

DANIEL 4:10

“Enou zhia buyu phaki, ame kounou süübe dushoyu ali deiphao touchü hinou paopa-a ngaoe.

DANIEL 4:13

“Enou sünaye sü zhua tsüchoa buyu phaki, leikeia khoyu rakivamai ali hai raki vanou takouyu Enou zhingaoe.

DANIEL 4:23

Nenou süübe sünaye zhua buyu phaki, rakiva nou rakivamai nou takou haibüa paoe, ‘Süübe nasü vikhao laiwo, ana sünavei bei hai deiphi hi khaipeio. Puhye sü panou vidzü kou cha-a ae rekhaona ae pounghou koa panou po anai koute hrüwo.’

DANIEL 7:16

Buh sühinou la-a buyu mai ali hi Enou ngaoyu zho nasü daivanoue tea noue. Puhnou ahi Enou ngaoa buyu zho nasü daivanoue touyu paongao peie.

DANIEL 7:23

Puhnou haibüa ahi paolapa peie, “Soukhao adai nahai deiphao hi vedei adai chena-e, alia vedei süna hai kukhe maivei vedei teitei jünou tyakulai alia puhnou deiphao teitei sü souphesasa khaiwulai alia soushi khaiwulai.

DANIEL 9:27

Puhnou po anai lihai mai taoli hi khoushoyu vo ali thoulai, alia sübüyu teile dahli takouyu phaki, puhnou posheelayu khesü panou soumoa nukhai bailai. Ramai nou puhye donou souda khaitouyu teile akhai koumo koute puhnou Ngaopi Shoyu vakou maivei rah ae bashara khesü Rathoki hi pove khailai.”

ZEKHARIAH 1:19

Eye cha-a buyu rakivamai nahi haitao hai daivanoue tea Enou noue. Puhnou haibüa ahi chila peie, “Soukai haitao nou Judah, Israel, alia Jerusalem ye sü hupho rarou laiwure.”

ZEKHARIAH 14:5

Mapao vei deichi ahai soua dakho khaitouyu deikho hinou neletao nou turei paloulai. Judah hi veo Uzziah nou veo soua buki neletao puopao maitao nou nüsüyu phaki, tupa louyu büa panou neletao-a tupa loulai. Süthaisü Mapao, avei Ramai nou rakivamai hrülaiye sü saloua velai.

MATHIU 11:27

“Apuonou Ahi ha teitei thoupeiwure. Puo deinou maitalinoua Nahpoutuye sümoe, alia Nahpoutu ea Nahpoutu nou Puoye pongao nüa dolouyu puletao deinou maitalinoua puhye sümoe.

MATHIU 24:15

“Südonou neletao nou Daniel rachi paolawo nou paokhai touyu ha-kare souzhaiyu ngaora sünanou sheeyu buh hinou la-a buyu ngaoyu kisü (phoua buyu puhnou süloukhaio!)

MARK 13:14

“Ana neletao nou ‘Ha-kare souzhaiyu ngaora’ sünanou puhnou buzü moyu buh hinou la-a buyu kisü (phoua buyu puhnou süloukhaio), süthaisü Judea hi buyu puletao nou deichi taohi tutaloukhaio.

LUK NOU RÜYU KO AVEIBVÜ 10:22

“Apuonou Ahi na teitei thoupeiwure; alia Apuo baideinou maita mailinoua Nahpoutu hai thaohsa touyu sümoe, moa Nahpoutu ea Nahpoutu nou Puoye pongao nüa dolouyu mai sütao baimoa maitalinoua Puohai thaohsa touyu sümoe.”

LUK NOU RÜYU KO AVEIBVÜ 21:20

“Ana Jerusalem ye reihmainou sühao louyu sü neletao nou ngaolouzü, sükisü puhye sü souhazhei laiyu teilesü ngheisho vere touyusü sülo.

LUK NOU RÜYU KO AVEIBVÜ 21:24

Puletao kamaitaoye sü khochenou daotheawulai, alia kukhemai taoye sü niloua tahrüh teitei hrohi süthai-savelai; alia tahrüh kukhe maitao teilesü chekhou mosa koutesü, tahrüh kukhemai taonou Jerusalem ye sü taisasawulai.

JOHAN 1:18

Maitalia Ramaiye ngaokhai mohie; Puo ngheikinou buyu likhuyu Nahpoutu puhnou Ramaiye süngao peire.

PAODAKHAIYU CHIKHA 33:2

Mapao hai Sinai Deichi vanou ve-e; Puh hai teinghi payu büa Edom hinou pa-e, ae Paran Deichi vanou puhvei maitao hi vangao peie. Puhnou rakivamai thekirouye sü sa-a ve-e, puh bah zhoulo hisü mei taotutu-a bue.

1 THESSALONIMAI 3:13

Haibüa puhnou neletaoye soutsü peilai, alia Eletao Mapao Jisu nou puhvei sheeyu maitao hrülaiye koa veyu kisü Eletao Puo Ramai nghojünou neletaosü liche loulai ea sheeloulai.

EBRIAMAI 10:29

Sükuyu thaisü, kazhou koute shiyu tudeisü Ramainah Poutuye ngaorayu, alia puhye mah hinou soushee peiyu vo navei zhe sünaye souzhaiwuyu, alia zhuvea vei Rakoye sou ahrao peiyu mai sünanou ngaozüe tea nenou chowe?

1 PITAR 1:12

Ramai nou rachi paolamai haitao hisü puletao vei vah hai lah puletao zhiloure donou moe ana neletao donou baie tea pongao peie, süolouzü chu neletao nou rakinou seikouyu Rako Mashi khouko vanou Ko Avei paosü peiyu rachi paopei maitao hinou choulouyu chi sütao vanou puletao nou raia paopeire. Rakivamai koutenoua chi haitao sü sülou nüshoa bue.

JUD VEI SEIKO 1:14

Alia mai sütao vanou Adam hinou maikha anai chena Enok nou haibüa thaikhai pare donou paoe, “Zhukhaio, Mapao nou Puhvei Sheeyu Rakivamai thetheye koa;

PONGAOPEIYU 11:2

Ana Rathoki vakou kijütaowo louzü thaowuwo, douso; daiolouzü sütaosü tahrüh kukhe maitaohi thoupeire. Puletao nou Mashee Nuhdu süsü khou raidai ahai phinou taitoulai.

PONGAOPEIYU 6:10

Puletao nou shusou shaloua, “Mashee ea acheche, Khoukhoulai Mapao! Deiphao hinou hrüa buyu maikhe maitao pei hi nenou chikumojü ea Akhemai zhevei khü phoumojü teile kasho doua bulaihie?”

CHIKUAPEI MAITAO 13:18

Mapao vei rakivamai nanou paoe, “Ne daisounou azhih sü nouwe? Azhih sü khupayu zhih-e.”