DANIEL 8:12 - SHEEYU BAIBEL (BSI)

¹² Maikhe mainou teithe teithe vei posheela laiyu thaosü buh sühinou mahmo panou soutare, alia acheche nasü deiphi hi laikhaiwure, alia kai sünanou soupfüyu teitei hisü ngalouyu hai ngaoloue.

DANIEL 8:12 Iomraidhean Croise

JOB VEI LARÜBVÜ 12:6

Ana avaomai ae Ramai ye sümoyu maiye souveayu hae, puh mainou thoyu Ramai sü lah puletao vei khouko sü baie.

LOUTAO 119:142

Nevei acheche nasü akhai bulai moe, ae nevei chikha khesü teisa nou cheche-a bulai.

LOUTAO 119:43

Teisa panou acheche chi paoloure donou Eye soukha peio, daiolouzü avei areih hai nevei chipao hinou bua baie.

LOUTAO 28:5

Puletao hai Mapao nou soupei khaitouyu vah haso khesü popei moe, ae puhnou soupfüyu vah khesü ngaophou more, südonou puhnou puletaoye sü tudee peilai ae teisa nou puletaoye sü souha khaiwulai.

ISAIAH 59:14

Kaozü nasü hulaiwure, ae acheche nasü veloulou hore. Checheyu nasü maisou ludu hinou kaodu tare, ae aveih nasü buh hare.

JEREMIAH 12:1

“Oh Mapaowo, Enou ne hi chi paoyu phaki, nenou cheche loua baiwe. Ana Enou ne hi kaozü vanou chi paolai. Daivanou mai ashi mainou vasapalou-a duso louge? Daidonou tsüle sheemoyu mainou veilouwe?

DANIEL 11:28

Sairia hi veo sünou reih souyu hinou polouyu kini taoli pfüloua lahvei teidei hisü dakhai talai, ana puh nou Ramai vei maitao rathoyu zhai nasü souhawure donou tsücho talai. Puh sü lah sounü pfünüyu khesü soupfü loulai alia lahvei teidei hisü dakhai talai.

DANIEL 7:21

Enou zhua buyu phaki, kai sünatou nou Ramai vei maitao hi reih züre, alia puletao jünou reih veiloure.

DANIEL 8:4

Zhaotu süna sünou puhvei kai ahai pfüa teinghi loulova, reilova ae khelova boua buyu Enou zhingaoe. Hrikhaona ali koutea puhye sü dulou hore, alia puhvei khouko hinou mai aliro turei palou moe. Puhnou sounü pfünü jüpayu teitei sü soua baiwe alia khaophu soushoa nou bue.

PONGAOPEIYU 13:7

Puh hisü sheeyumaitao pei hi reih züloua puletaoye koloure aetou peire. Alia puh hisü khü hrülai, tahrüh, la ea maitya hrülai pei hi paopu soure zü nasü peire.

1 SAMUEL 23:9

Saul nou puhye soushire donou souda-a bure touyu sülou khaie, David nou Abiathar hi paoe, “Ephod nasü hai hi pokou.”