DANIEL 7:9 - SHEEYU BAIBEL (BSI)

⁹ Enou zhua buyu phaki, vebuh khesü pokou khaipeia zhingaoe. Teisa nou hria buyu mai süna sünou vebuh ali hi kou buloure. Puhvei sabanü hai vürah büa kaawe ae puhvei peishu hai veikayu phako büe. Puhvei vebuh hai lukiphi pfüa mei taopoa tawe.

DANIEL 7:9 Iomraidhean Croise

1 VEMAITO 22:19

Mikaiah nou haibüa paopue, “Mapao nou paoyu chi sü keilo! Rakiva nou Mapao sü puhvei vebuh hi bue, ae rakivamaitao nou puhye sühao poa buyu sü Enou ngao-e.

2 PUOPAOKO 18:18

Mikaiah nou paopue, “Chuo Mapao nou paoyu chipao sü keilo! Raki hinou Mapao hai puhvei vebuh hinou bua Enou zhingaoe, ae puh pehao hisü rakivamai nou lapoa nou bue.

LOUTAO 45:8

Nevei sabanü hisü poukai nüvei myrrh ae aloes nou napei khaitoue; praongi nou soukhai touyu vebuh hinou neye sü lou souyu mainou sousava peia nou bue.

LOUTAO 90:2

Deichitao soupei mojü nou moa teideiphao soushumo jünou ne hai akhai hayu Ramai-e, ae haithai-a teisa nou bure Ramai sü ne baie.

LOUTAO 93:2

Oh Mapaowo, nevei vebuh sü araikha hinou tsüsho-a soushu khaiwure, ae newo louzü akhai ha-a teisa nou bue.

ISAIAH 6:1

Veo Uzziah thaiyu po hi Enou Mapao ye ngaoe. Puh hai du-sho shoa nou puhvei vebuh hinou bue, alia puhvei naazao kai nou kou rathoki sü phoutao loure.

ISAIAH 9:6

Daiolouzü Etao hi nahtou ali napeie; Nahpoutu ali Etaoye peie! Ae puhnou Etao pei khopu soulai. Puh zhih sü “Khupa shoyu Soukha-apeio,” “Khoukhoulai Ramai,” “Teisa ahri Puo,” “Kaonayu Veo nahpoutu” tea kulai.

JEREMIAH 49:38

Enou puletao vei vemaitao ae süthai-apei maitao sü southalai, ae avei vebuh sü sühinou soushu loulai.

EZEKIEL 1:26

Hrikhaonatao pei hinou haorüa soukhai touyu phaova nou mutei chuh saphir nou soukhai touyu vebuh ali büa nou bue, ae vebuh sühisü mai ali nou buyu büa nou bue.

DANIEL 7:13

Enou mai ali büa rakiva teihao nou koa jüpoa veyu avei zho kounou ngaoe, alia puhye sü teisa hria buyu nahisü sapoa koupeiwure.

DANIEL 7:22

Süthaisü teisa hria abuwo nou Kukulai Ramai vei maitao jüpa hinou chikude peiwure, alia Ramai vei maitao nou vedei nasü ngaoloure teile sü vere.

MIKAH 5:2

Mapao nou paoe, “Oh Bethlehem Ephrathah, ne hai Judah hinou taikayu nuh ali baie, ana ne vanou Enou Israel maiye khopeire mai ali vepeilai, puhvei kikhamai hai daoh puopaoh maivei khaphao hinou vewe.”

HABAKKUK 1:12

Oh Mapao, avei Ramai, avei Masheeo, Ne sü teisa nou hria buyu namowu? Oh Mapao, nenou Babilon maiye panou Eye souveare donou soudusho peiwure; Oh chuhduo, nenou peletaoye panou Etaoye tudeere donou soushu peiwure.

MATHIU 17:2

Alia Jisu hai puletao nghojü nou zhu datare, alia puh zhuhai teinghi büa valoure ea puhvei sahnühai kaathou peivava loure.

MATHIU 28:3

Puh zhuhai teipeiyu kue, alia puh sahnü taosü vüra kua kaawe.

MARK 9:3

alia puh sahnühai kaathou peivava loure- süolouzü kaayu nou deiphao maitalinoua sübüa shaokaa pailou hore.

SEI-ATAMAI VAHTAO 2:30

Südonou puhnou rachi paolamai ali soua puh tao-nahmai aliye panou puh vebuh hisü bulai tea Ramai nou cha-chouli puh hi apaopei khaitoue touyu sü puhnou süloue.

SEI-ATAMAI VAHTAO 2:33

Südonou puhye sü puhpuo, Ramai bahkha zhoulo hi panou khe bulouyu vanou, alia Puo hinou apaopei khaitouyu Rako Mashi nasü ngaolouyu donou, puhnou chu neletao nou ngao-a buyu ea choua buyu Rakovei sapeina nasü lakou thoupei khaitoue.

PHILIPPIMAI 3:9

alia sübüa souyu sü puhye koa alikhei souloure donoue. Razhai zülouyu vanou ngaolouyu lah Ahrümai chechena hare; ana chuo Ramai hinou veyu ea lü hinou soushu louyu Khristaye loucheyu vanou peikhai touyu Ahrümai chechena bue.

1 TIMOTHI 6:16

Puh likhei teisanou hribaie; puh hai maitalinoua tavelou hoyu avana hinou hrüwe. Maita linoua puhye ngaokhai mohie moa maita linoua puhye ngaolou hoe. Puh hisü tsükhouyu ea adu-sho sü teisanou buyu souloutheo! Amen.

1 JOHAN 1:5

Chuwo Puhnah Poutu hinou Ehnou chouloua paosüyu chipao sünawo louzü haire; Ramai hai avae alia puh hisü teizhi ali-a hae.

PONGAOPEIYU 1:14

Puh peishu sü kaathou zhaotumai moa vüra kue, alia puh nghithousü meikei kue;

PONGAOPEIYU 19:18

Tavelo ea vemaitao vei vasou, reihmai peichamai ea reihmaitao vei vasou, rheitao ea sütao vahi buyu maitao vei vasou, mado soua hrüyumai ea qila maitao vei vasou ea maikhemai taidu hrülaivei vasousü ve touloukhaio!”

PONGAOPEIYU 20:4

Süthaisü Enou vebuhtaosü ngaoe, alia sütao vahinou buyu puletao hisü chikupeire khoukosü peire. Alia Jisu nou pongao peiyu cheche ea Ramai vei chipao paodouyu vanou peideyu maitao vei rakotaosü Enou ngaoe. Puletao nou khaosou sünaye moa puhvei zhu raiyu bashara naye thomoe, alia puletao puva hi moa puletao bah hi khaosou sünavei shee nasü pfülai moe. Puletao nou hrishuloua Khristaye koa po theli sü ve-a hrüe.

PONGAOPEIYU 4:2

Süphabü hinou Esü rako hinou buloure. Alia zhukhaio, raki vanou vebuh ali bua sühisü mai alinou chobua bue.